每個月, 都差唔多會同啲阿妹 and 她們的另一半---聚一聚, 癲返日!! 今個月, 最好籍口, 就係開Thanksgiving party 了!! 但講真果句, 每次, 同阿妹and 她們的另一半玩, 真係玩得好開心!! 其實, 我同Brian 依個 "豆", 唔係話太多野玩, 又無一般house 大, 但就有個聚腳地, 比我哋hea 下!! 坐幾耐都得!! 有時, 好簡單講一件事, 我們都可以笑到喜天歡地, 可能依啲, 就係叫做 "默契"!!
而今日一起身, 我同Brian 就超忙, 我準備炒糯米飯, 好讓火雞肚內能夠有飯香, Brian 又趕去買點, 其他食物, 飲料!! 一朝起身, 我哋兩個已經分工合作!! 而且, 火雞體積比較巨大, 所以, 我同Brian早啲調好隻火雞, 早早放在焗爐, 好讓晚上能夠如時享用火雞餐. (起碼, 唔洗啲妹餓住肚等食!!)......Party 事前功夫係多!!但忙得好開心, 唔覺攰架!!
今天, 最早到party, 就是三妹 and 她的另一半, 三妹男朋友很識做, 還帶備白酒, 令到個party 更加有氣氛!! 由於三妹早到, 我提議去樓下的coffee shop 坐坐, 順便傾下計, 飲下野!! 到晚上六時, 所有人已經到齊了!!
話時話, 我都係第一次係感恩節假期裡, 同啲妹一齊享用火雞餐!! 以前在娘家的日子, 我們為着讀書, 做功課, 而且, 我家比較中式化, 感恩節通常去街街飲下茶, 最多買隻現成火雞食, 黎應節!! 做晒傳統燒火雞, 煮湯, 焗火腿, 一齊夾手夾腳整雞享受感恩節假期, 真係唔想當年, 真係唔知今年, 係我哋幾姐妹頭一次真正享受感恩節咋!!
我同Brian, 已經年年感恩節都整火雞食, 我們已經整了好幾年火雞, 開始有點頭緒, 懂得少少心得, 知道點樣控制隻火雞味道, 但要我講點控制, 我又唔識點講好, 但隻火雞總算整得好juicy!! 而且, 火雞肉唔算 0鞋!! 買咗20 磅火雞, 只食剩一個普通size 嘅飯盒份量, 啲妹, 同她們的另一半, 已經好比面我同Brian啲廚藝了!! 哈!!
飯後, 一齊看電影, 看超級巨星!! 左傾下, 右傾下, 又零晨2am 了!!! 這個感恩節, 真係話咁快就過咗啦!!哈哈!!
↓首先warm up 下, 玩下相機, 較時間製影相.......玩玩下隻火雞都差唔多焗好
↓Brian開始 "片" 雞, 切得好有心機喎! 但阿先生.....你切到隻火雞出咗界, 火雞翼飛緊出黎呀!!!
↓五妹都 "係咁二" 攪下啲湯, 扮下有野做!! 幫過下手咁喇!! 哈哈!! 其實, 啲湯係返熱就飲得! 而另一箱, dinner table 已經準備好!!
↓影返張合照.......
↓張臺越黎越多食!! 火腿, 火雞, 糯米飯, 同湯. 仲有酒 ......
↓以下啲相, 係四妹影........原來我們影了許多相....望返啲相, 好開心呀!!
oppo
我睇到d相都感受到你地真係好開心呀, 能夠同d妹一齊過感恩節真係寧捨唔同, 隻火雞又可以唔洗食幾日, 以後每年都可以同d妹一齊過, 其實都好好呀!
ReplyDelete雖然有時你話會有d唔開心, 但一見到你呢幾個好妹妹就咩嘢都唔重要啦, 最緊要係有咁好感情嘅屋企人嘛!
[版主回覆10/15/2009 10:14:00]爆炸魔女 ~係咁岩今年感恩節, 大家有啲時間咋!! 又咁岩, 我parents 有雀局, 所以, 我哋先可以group 埋一齊整火雞食咋!! 平時, 邊有咁橋吖!! ~係呀!! 今年隻火雞, 可以清到好多, 唔洗搞到我同Brian 係打後個禮拜都食火雞肉!! 而且, 成班人一齊玩, 真係玩得特別開心架! 如果你係加拿大, 我請埋你一家人黎添!!! 同仲言玩下都好呀!! 哈哈!! ~其實, 我同三妹,四妹,五妹啲感情都幾好架!! 只係有時, 我父母有啲野睇唔開, 令到我哋做女嘅, 就難做少少囉!! 但我起碼我屋企啲唔開心野, 我同三妹,四妹,五妹可以互相分擔下嗎!! 已經好好多架喇!!
真係好開心呢.....
ReplyDelete[版主回覆10/21/2009 09:46:00]表叔公: 係呀!! 一班人玩, 實有特別多歡樂氣氛!