Daddy 生日

October 10, 2009(Saturday)
   這個星期禮拜六,日,一, 係加拿大長周末假期, 時間真快, 今年最後一個長周末假期Thanksgiving day (感恩節)來臨喇!!!

   由於, Daddy 生日是以農曆計算, 剛巧是在感恩節假期裡生日, 所以, 星期五一放工, 便好迅速咁, 同Brian 趕返去我娘家!! 和Daddy 對多一點時間!!

   現在, Daddy 已經退了休, 每天都在家中, Daddy 又不喜歡戶外活動, 最大娛樂, 便是看電視和上中文網站. 所以, 我今年, 同啲妹都異口同聲, 話想買部座臺電腦比Daddy 作為生日禮物!! 雖然, 在購買電腦途中, 有啲難題, 也受到電腦公司非常無禮對待!! 但見到Daddy 收到生日禮物時, 留露出的笑容!! 什麼無禮對待, 已經抵消了!!

   除咗送電腦, 我還預先book 定臺, 去酒店屬下嘅chinese restaurant 飲茶!! 雖然, 我家人係加拿大居住時間都成十幾年, 但我屋企好chinese 架!! 我Daddy 只喜歡食中菜!! 況且, 我家人太多, 食中菜, 最為適合!!

  這間酒店屬下嘅中菜廳, 啲食物都ok!! 都算係岩我Daddy 口味! 而且, 我啲細妹, 又好合作, 雖則要返工都趕午飯時間渣車黎飲茶短聚!! 都算係岩我Daddy 意, 一家齊齊整整飲茶!! 最後, Brian 還好好, 破費請我Daddy 飲茶添!!

  
↓chinese restaurant 嘅環境and 點心

↓這是這部電腦組合, 現在, 我Daddy 擁有自己電腦上網, 可以聽電台, 看中文報紙,看電視節目, 還可以同ipod 差電, 總之, 唔洗同阿妹share 電腦用喇!!

↓個monitor 特別買大啲size, 因為, 看報紙會清楚啲!! 有新電腦, 最難便是set up 電腦, 幸好, 有Brian 幫手!!

   Daddy生日節目點止, 飲茶.....我們一家, 還有我妹啲另一半, 一齊出去食晚飯, 其實, 菜式都係Daddy 點, 現在, Daddy 年記開始大, 很多菜式, 都需要清淡一點, 幸好, 我and 我啲妹, 在食方面, 都唔太揀擇, 所以, 同Daddy 出街食飯, 都幾開心架!!  大家喜喜哈哈了一個晚上!! 最後, 有壽包食, 還影了一張合照!!

↓晚飯環境and 部份菜式(我知Daddy 都為咗"就"我哋年青人口味, 點了兩個香口菜式), 最後, 張相係全家福 

   吃過晚飯, 我同Brian 就返自己屋企了!! 因為, 我哋要準備感恩節party!! 說實話, 我現在都盡可能唔會個個星期返娘家, 隔個星期返一次喇,  如果, 我一到weekend 就 "得" 返娘家, 我Daddy 就以為我好得閒, 我便會連慮到啲妹都要 "得" 係娘家, 無得周處去!! 我啲妹, 現在, 返六天工, 如果, 還要"得"係娘家, 真係好悶架!! 無私人空間架喇!!

  有時, 感覺Daddy 唔太了解加拿大啲生活, 只是抱住自己思想, 感覺加拿大做什麼都好優閒, 但其實, 係邊個地方生活, 係工作上, 都一定有難處, 而且, 我啲妹剛剛接觸社會, 實有好多功夫, 才能慢慢上手, 放工未必準時!(因為, Brian and 我初初工作都係咁)! 唔係單單只係香港人先忙架!! 哈哈!!

  我知Daddy 好錫我哋五姐妹, 但只是用錯了一點方法, 但我哋五姐妹都會盡量配合Daddy想法!! 最希望Daddy 身體健康!! 我就好開心了!!

 
===========================================================

   放Thanksgiving 假期, 由其事係---深宵時份, 點會留在家, 齋看電視?? 身痕....實要出街蒲下, 咁先似樣嗎!! 哈哈!!......飯後, Brian打電話給三妹和三妹男朋友, 約出街食甜品 and 傾下計, 看下啲八婆雜誌, 開開心心, 又玩到好夜先瞓, 哈哈!!

↓甜品相......全部都好好食!! 正!!

  吃過甜品之後, 我們知道, 某商店啲汽水做特價, 我們還去了買飲品,......最後, 我們掃到成個車尾箱都係飲品!!哈哈!!

↓車尾箱, 放滿飲品!! 有排飲.....哈哈!!