April 5 (Saturday)
今日, 我同Brian 係一個上奏都不知做咗幾多野!! 首先, 我去處理自己啲稅項, 因為依個月尾係交稅deadline. 我見自己手上啲文件
都齊晒, 就拿拿聲搞掂交稅啲野!! 之後, 就同Brian 影passport 相
, 因為Brian 本passport過咗期!! 再之後, 就去銀行
處理平時要處理嘅帳單!! 終於, 搞掂晒自己手上所有文件嘅工作喇!! 雖然, 話做咗三樣野, 但要去唔同地方, 揾位迫車
都頭痛!! 有時唔係好明, Brian 點解咁喜歡渣車,以上三個地點, 係可以行路去, 但只不過行耐少少!! 都係要渣車去?? 不過, 我諗Brian 都係唔想我行咁多路 and 幫我
慳啲時間先渣車!
其實, 做完啲個人文件工作, 已經係食lunch 時份, 但我同Brian 無去食lunch 呀!!經開電器鋪 (Best buy and Future shop)就入咗去行!! 因為Brian 個daddy 就生日, 要買生日禮物
!! 我哋一早鎖定咗個目標!! 只係事乎電器鋪有無貨!! 有時我唔係好明, 依道啲電器鋪, 係display 架, 就有展示件貨物, 但到話要件貨物時, 就話原來貨槍裡係無貨!!! 有時只係等啲sales 入槍攞貨, 都等好耐, 有時都唔知個sales 係咪中途走咗去同人傾計先返黎!! 等都等到我想瞓!! 真正係企係度都想瞓!
! 我又試過買件貨物, 明明係網上查咗話我屋企附近個間係有貨, 到我去到!! 揾個sales 哥哥入槍攞貨, 就話無貨!! 我唔甘心, 咪走去揾第二個sales 囉!! 但依個sales 又摷到比我!!! 當我等第二個sales 攞貨途中, 我仲比第一個sales話我唔信佢講野, 係其他人耳邊對我指指點點!! 我係顧客黎架!! 我比錢買野仲要受氣, 好彩, 第二個sales 揾到我想要件貨物比我咋!...........呻完一倫
, 講返份生日禮物先, 我同Brian 係Future shop (電器鋪)揾到個肥sales, 他真係一個好有心嘅sales, 他幫我哋入槍攞到件貨之餘, 仲幫我哋做咗好多野!!! 我哋下次一定會揾返依個有心sales!!! 買咗份生日禮物,(係長鏡頭數碼相機) 個心情好好
!! 我仲去咗Canadian Tire (家庭用品店) 睇啲細鑊, 因為我屋企隻細鑊唔用得喇!! 但行黎行去, 左睇右睇都睇唔到合心水!
就係依間電器鋪遇到一個好有心嘅sales 買到生日禮物喇!!0
忙咗一倫, 我同Brian 終於, 都去食lunch 喇!! 成三點先食lunch!! 真係肚都餓埋!! 我同Brian 去咗Lick's 漢堡包店食
, 依間食店啲漢堡包
係用鐵板爐燒架!! 而且個店員一邊燒, 會一邊唱歌架!... 我同Brian 真係太肚餓喇!! 啲包一整完, 我好求其同啲包影咗一張相, 就食我個turkey hamburger
喇!! 嘩!!! 真係燒得好好食, 啲肉好juicy 呀!! 下次經開要再食先! 但啲薯條
就馬馬哋!! 有啲美中不足添!!哈哈!! 食完野, 要做下啲運動消化下!! 我同Brian 走咗去商場
行街, 其實, 我都無咩野買, 至在行下街咋! 但又比我發現, 有個焗爐pan 特價, 就買咗返屋企喇!本來話買隻細鑊又揾唔到合心水!! 竟然, 買咗焗pan 添!!! 不過, 我係有用先買!! 哈哈!
lunch time 係Licks' 食!! 由於太肚餓, 我影咗一幅相就急不及待食我個turkey hamburger 喇!! 所以, 幅食物相影得唔係太好!! 但個包好juicy 架!! 食完野, 去行街, 今日收鑊就係 買咗個non-stick baking pan. 做緊特價,好抵買架!!! (而且係Martha Stewart 出架)!0
行完街,成身都有少少散, 返到屋企近附唔想 郁!!! 而且, 個Lick's 漢堡包
太大個, 到夜晚七點仲有啲濟!! 跟本就唔想出去食野!!! Brian 話夜少少去"大有名糖" 食飯
, 我好開心架
!! 因為可以順便食埋chinese 甜品囉!! 我哋成夜晚十一點先去食dinner!! 其實, 好似出街食宵夜咁!! 依餐宵夜又係食到好飽先返屋企!!!
由於, 今日做得太多野喇!! 食完飯, 返屋企已經好眼瞓, 寫blog 都係寫咗少少,起咗少少稿就走入房瞓喇!
去大有名糖食dinner, 又係一邊睇雜誌,一邊食dinner...哈哈!! 我哋叫咗個小食, 叫做辣汁螺肉, 我就order 咗個梅菜排骨飯, Brian 就叫咗章魚肉餅飯, 加杯蜂蜜綠茶!! 最後, 仲一人一碗合桃糊, 個合桃糊, 真係生磨架!! 好香, 好滑!! 好yummy! 0
我 嚟 過 好 多 次 ﹐ 呢 次 真 係 唔 想 走 。兩 盅 飯 都 好 正 ﹐ 仲 有 個 甜 品 忝 ﹐ 我 稔 我 一 個 人 都 免 強 夠 啦 ﹐ (我 可 以 食 6件 pizza都 冇 問 題 )
ReplyDelete[版主回覆04/10/2008 05:27:00]chuchung: ~ 你唔好睇盅飯細細呀!! 其實個盅好深, 我都食唔晒啲飯架!! 因為要留肚食甜品嗎!! ~ 嘩!! 你食6件pizza 都得!! 我諗我食完6件pizza成日都唔洗食其他野食都似!
你真係好忙啵~~~d時間過得特別快架~~~
ReplyDelete[版主回覆04/10/2008 05:29:00]檬檬: 你講得岩!! 越忙就覺啲時間快過!! 我依日唔覺唔覺又到夜晚!! 連寫blog 都係少咗啲啲就走瞓!! 哈哈!
我哋都試過d sales咁衰架, 問佢有無新, 或者有無s碼, 佢一句就話無架啦, 得出面嗰d, 但Raymond唔信佢, 咪又搵過第二個問, 咁第二個都入倉搵, 點知真係有, 吹脹~~
ReplyDelete咁最後買咗咩禮物吖?
我都未食過turkey hamburger, 唔知咩味道添....但最緊係juicy, 咁就好好味架啦
baking pan對我唔啱用呢, 不過睇落都好正吖....
我平時唔係咁鍾意食呢d盅飯架, 不過如果食, 我鍾意食鳯爪排骨, 滑蛋牛肉飯...但d豉油一定要甜甜地先好味...
而合桃糊就成日食呢, 好好味架, 不過, 呢排就無食lu, 因為轉咗什果沙律呀
[版主回覆04/10/2008 05:51:00]細細粒: ~其實,我買衫都費事要人入倉攞, 揾到就有, 無就算!! 但我買電器嗎!! 我依邊買電器 (部分電器) 係無一盒一盒放係門市賣架!! 係睇岩display 就叫個sales攞件貨黎!! 所以,有時都要撞岩啲好心sales 先有得買到件貨!! 有時真係好受氣架!! 我哋買咗個digital camera, 係可以影快門相 and 有wide angle lens 個啲相機比uncle 囉!! ~個turkey hamburger 真係好juicy 架! 我下次經開又會再食!!由於我唔食牛架!! 所以, 食burger 食黎食去都係魚, 羊,雞burger, 但依個turkey hamburger 真係好正!! 我最怕食啲乾"爭爭" 嘅burger!! 食到個胃都唔舒服!! ~其實,依日出街我係想買個細鑊仔黎煎下蛋or 腸仔!! 點知, 鑊就買唔到, 但就買咗個baking pan,哈哈! 不過,依個baking pan 我不流都想買架喇!! 整曲奇餅方便啲嗎! ~我不流都喜歡食盅飯架!! 因為撈啲甜甜哋豉油好好味架!! 而且,又飽肚呢!! 哈哈!! ~你成日食集合桃糊架?? 唔怪之得你啲皮膚咁滑,咁白喇!! 我屋企好少整甜品, 係自己先整下蛋糕食!! 如果要食合桃糊係要出街買先有得食!! 哈哈!! ~你同Raymond 都幾健康, 咁喜歡食沙律!! 我都係喜歡食煮熟啲菜多啲!!
~ 好忙碌又好豐富既一日喎 !!
ReplyDelete~ 咁你買咗咩禮物斜 uncle 呀 !!
~ 第一個 sale 完成唔得啦, 自己搵唔到仲要話你唔信佢, 有無得去投訴架 !!
[版主回覆04/10/2008 06:03:00]new beauty sandy: ~ 依日真係好忙, 但就係因為忙時間就快過啲!! 一陣間就一日喇! ~ 買咗個digital carmera 比uncle囉!! 即係你上次抱住隻恐佈 xx ("息譯") 時, 個心口掛住個啲類型嘅影機!! 有wide angle lens, 可以影到快門個啲相機囉! ~ 有時都唔知自己係樣衰,定係無禮貌, 間唔中都比我遇見啲唔好待遇嘅sales. 我都費事投訴咁多!! 如果我樣樣都投訴, 真係周身都唔得閒, 買到件貨品就算!! 講真, 個sales 又唔係做我一個生意, 一日成間鋪頭無咗我依單生意又唔執粒, 我投訴都無人理喇!
我都係martha stewart既粉絲...最鐘意用佢出既towels~
ReplyDelete[版主回覆04/10/2008 06:06:00]睛天娃娃: 又會咁"橋", 我都好仲意Martha stewart 啲野!! 佢啲野又幾耐用架!! 哈哈!! 不過,我都係襯特價先買咋!! 哈哈!
Vicky: ~哈哈,我岩岩先回覆你叫你慢慢揀禮物,點知你轉個頭就已經買左啦,好快手呀!其實我一直都覺得外國既sales大多數係好懶架,好似我最近行Old Navy,佢地都請左一批新sales,仲要全部都係四十歲以上既chinese喎,我同佢地傾下計啦,原來佢地話公司覺得d鬼仔鬼妹sales成日傾計又唔做野,所以嬲嬲地就炒晒佢地,請過d勤力又平無咁煩既chinese囉,其實咁都好架,起碼呢批年紀既sales多多一個就業機會丫!但人工係咪同人地一樣,我就唔知道啦! ~hamburger最香要就係燒完仲要夠juicy,你咁岩食到咁好食既,真係好好彩呀!最怕係食到d好似M記o個咁,又硬又乾既無heart burger!但老實講,薯條又真係M記最好味既! ~你又買Pan啦?今次有無諗住整咩呀?定係只係諗住見特價買定黎傍身呢?....hehe
ReplyDelete[版主回覆04/10/2008 14:28:00]陶陶夫人: ~ 我知sales 每做成一單交易都會有"擁"架!! 唔係勤力啲就會有多啲salary 咩!! 所以,我有時都唔明依北美州啲sales 做咩!! 可能我係市中心生活, 一間店鋪裡面,一日裡面一定大把人行架! 我張單又唔係特別和味, 所以, 啲sales 覺幫唔幫都無大作謂喇!! (以上都係自己意見)!! ~ 我依邊Old Navy 仲係好多後生仔女做sales, 仲未好似你個邊咁, 話要請啲40 幾歲嘅人做野!! 其實, 我覺請咩年齡都唔緊要, 只要係做到野!! 幫到公司運作就得!! 試諗下,邊個boss 想請啲做唔到野嘅人架!! ~ 其實,M記啲包好唔好食都係撞岩整包果個人嘅手神!! 有時我屋企附近間麥當當啲包會好好食!! 啲包落足料!! 有時, 啲包直情唔記得咗加啲沙律醬都得!! 但我都食咗個包幾淡喇! 唔通攞去換咩?? 但我真係, 喺麥當當見過啲顧客, 真係食咗幾淡嘅包攞去投訴架!!老實講, 如果整包哥哥, 整得個包好啲, 咪唔洗比人話囉! 你好時, 我又好呢!! ......至於, M記啲薯條又真係好好食!! 我有時仲要加大裝架!! 係我依樹仲有一間食店, 啲薯條都好好食, 依間食店就叫"New york fries" 喇!! 我有時經開都會買黎食架! 依間薯條特別在...啲薯條連埋皮一齊炸架!! 都好yummy 架!!唔知你個樹有無呢? ~ 其實,我都想買多個baking pan 好耐喇!! 我本身自己有一個, 但有時整曲奇, 整得多就要分幾次焗, 好麻煩, 而家見特價仲唔拿拿聲買返個咩! 哈哈! 你都可以話買黎傍身架!! 哈哈!!
futureshop 個啲真係好過份, 我試過打去投訴, 最後佢地個manager 打比我道歉同比左張20$ giftcard 比我
ReplyDelete[版主回覆04/10/2008 14:41:00]通少: ~ 無呀!! 我無投訴呀!! 邊投訴得咁多!!如果我係要投訴, 真係大把野等住比我投訴喇!! 訪且一間future shop咁大, 真係做少我一個顧客都唔會執粒喇!! 我投訴都晒氣喇!! 邊有manager 理我吖!! 費事比人覺我哋啲中國人好仲意話人!! 而且,我去開間future shop 日日來來往往有咁多顧客, 啲sales 都serve 啲"擁" 多啲嘅顧客喇!! 而且,我口才又唔叻,我諗10$ gift card 都唔會比我攞到喇!! ~ 你好叻呀!! 你點講返個20$ gift card 返黎架?
其實"大有名糖"係邊架?
ReplyDelete你食極都唔長肉﹐真羨慕~~~
[版主回覆04/10/2008 05:06:00]bobo: ~ 我覆咗你先喇!! 等你今晚可以去試下!! ~ 大有名糖係: 10 Ravel Road Unit 1&2 North York. (Finch 夾Leslie)呀!! Tel: 416-913-8899
我 好 鬼 鍾 意 你 落 樓 四 圍 ‘kung’ d嘢 ﹐ 住 condo真 係 少 好 多 嘢 做 ﹐ 我 曾 經 想 換 上 樓 ﹐ 但 係 我 老 婆 唔 肯 ﹐ 鬼 咩 ﹐ 佝 都 唔 服 侍 間 屋 。
ReplyDelete[版主回覆04/10/2008 14:43:00]chuchung: 哈!
下 次 去 Lick‘s﹐ 叫 個 店 員 唔 好 唱 喇 ﹗ 費 事 食 “湯 飽 ”啦 “
ReplyDelete[版主回覆04/10/2008 14:50:00]chuchung: 0喜!
哎呀....你唔好畀我個形象呃咗吖, 其實我d皮膚唔係又白又滑架.....我都想有呢
ReplyDelete不過, 什果沙律的確好好味, 我反而唔落任何沙律醬, 剩係什果咋....
[版主回覆04/10/2008 14:57:00]細細粒: ~ 上次見你查手甲時, 見你影對手嘅close up, 你對手真係好白滑呀!! 我就啲啲都唔白滑喇!! 我手指甲油都費事查, 哈哈!! 因為我查完手甲一定好快"luck" 晒啲甲油, 好唔美觀!!盡量低調啲算喇!哈哈! ~ 你哋喜歡食什果! 我喜歡罐頭peach 架!! 以前細個可以成罐食晒都得架!! 哈哈!!
Vicky, the sales really so nice ar.......it is because you are a nice girl, so u encounter nice person~ I am getting busy too.....poor that my busy will continue until ealry July~
ReplyDelete[版主回覆04/10/2008 15:09:00]MaGGie: ~ 你成日讚我架!! 讚到我飄飄然喇!! 哈哈!! 你夠對我好喇!! 成日都話要送野比我!! 你都係nice girl ~ 我知你課程已經開始, 又要返工, (而且個上司又少少無理取鬧), 工作已經多多壓力, 放咗工又要用神聽書, 寫筆記!! 之後, 又返屋企做功課!! 你真係同超人無分別呀!! 你比心機努力埋July 喇!! July 就可以玩喇!! 而且你身邊果個大少爺, 會好支持你架!! 早排都預先帶你去迪斯尼喇!! 好好玩!! ~ 你忙就唔洗覆我喇!! 我去你道見到你有update blog 知下你近況就得架喇!! 我唔會因為你唔探我, 我就唔探你架!! 我仍然會去你個樹打招呼架!! 我令願你比多啲時間自己休息仲好喇!! MaGGie,Good luck呀 !!
終於買左禮物啦~~~ ＾＾
ReplyDelete呢啲咁既服務態度係香港實比人投訴呀~~~
[版主回覆04/14/2008 23:15:00]畫: ~ 買咗禮物喇! 仲送埋比uncle 喇!! 哈哈! ~ 有時唔知自己好彩, 定係自己要求多! 我簡唔中都會遇到啲唔好服務態度嘅sales 架!! 但我都費事嘈太多! 自己買到野就算!