March 29-30 (Saturday-Sunday) 一朝早就同Brian and TT 仔仔一齊返媽咪度喇!! 我平時都係坐交通工具
上去媽咪屋企
!! 今日, Brian 得閒就同埋我一齊返去媽咪度囉!! 嘩!! 一出門口渣車無幾耐!! 條街就開始擠車, 真係擠到行兩步就停一停!! 都唔知咩事咁擠!! 真係擠到lunch time....我就索性係車度打電話比媽咪, 不如係restaurant 等!! 幾經重重嘅 traffic 終於到媽咪指定嘅restaurant
見面!!
我返媽咪屋企都係同屋企人飲下茶
,買下野,傾下計,食下媽咪啲野食, 飲下湯
咋! 最多係打埋牌
! 就係咁!! 但今次有少少唔同, 因Brian 早到我媽咪度, 飲完茶就帶咗我班妹去食gelato
(雪糕), 順便遊下車河! 之後, 就返屋企食媽咪愛心dinner, 食完飯, Brian又同我啲妹一齊玩, Brian 為我啲妹準備咗啲玩具!! 又一齊打下機
咁囉!! 玩到我啲妹顛晒!! 我五妹臨瞓仲同我講!! "話黎緊幾個星期開始考試!! 不如, 叫Brian 哥哥(我五妹係咁叫Brian) 過咗四月中返黎同我再玩過喇!!" 我聽完都笑晒口!! 乜原來Brian 真係咁好玩架??
今次, 我返媽咪度!! 媽咪同daddy 又為我準備好多食物比我帶返自己屋企!! 有雞, 豬扒, 蜜豆, 蝦 之如似類!! 我parents 最怕我平時食野求其架喇!! 又話怕我放咗工先
煮飯, 整到好夜先開飯!! 媽咪直情比咗啲花椒, 八角我!! 叫我自己鹵啲肉放係雪櫃, 一放工就有得食喎!! 我成日都話自己會去超市買野
!! 但我媽此終覺買野比我會放心啲囉!! 所以,媽咪買比我啲野!! 我通通得會攞晒架!! 多謝晒你,媽咪!!
我本來整咗蛋糕攞返屋企架!! 但試味時, 發覺啲海棉蛋糕唔夠軟棉棉, 所以, 無攞到返媽咪屋企!! 唔成功啲野就自己食!!但四and 五妹話下次一定要帶草莓蛋糕返媽咪度喎!0
一返到去媽咪度, 就一定去restaurant 食野!! 我好懶, 無影到點心啲相!! 但食完點心, 我daddy見叫咗個魚翅撈飯, 咁特別,先影張相咋!! 啲魚翅都唔係魚翅黎架, 有啲魚翅碎, 加埋啲唔知咩野!! 但幾好食!! 飲完茶無幾耐, Brian 就帶咗我成班妹去食雪糕!! 佢哋唔知食得幾開心呀! 食完仲周街走, 見鋪就想入!! 好似食雪糕食到傻咗!!0
夜晚就係食媽咪煮嘅飯, 有魚,有金針雲耳蒸雞, 蒜容豆苗, 凍蟹, and 微荳排骨葛湯! 食完飯, Brian 就攞咗個二十年前細個玩嘅玩具出黎!! 係彩色嘅PC Engine GT, 我啲妹覺得好新奇, 玩到唔捨得放手!0
到星期日Lunch time 同咗媽咪去一間chinese restaurant 飲茶!! 依間restaurant 係由一間西餐店換變而成架!! 所以, 啲裝飾幾好架!! 食完lunch,去咗三妹男朋友間便利店,本來買份報紙架!! 點知買晒!! 所以, 就幫襯買包朱古力!! 依包朱古力裡面有啲爆炸糖架! 所以, 食到個口"book book" 聲!! 哈哈!!0
!! 这个是魚翅撈飯啊？
ReplyDelete[版主回覆04/08/2008 09:01:00]歐冰冰@比樂太太: 係呀!! 依個就係魚翅撈飯喇!! 其實,都係得個名咋!! 邊有魚翅食吖!! 但個飯就幾特色囉!
個 "魚翅撈飯" 賣相好靚好特別呀 !!
ReplyDelete[版主回覆04/08/2008 09:04:00]new beauty sandy: ~ 個魚翅撈飯都係得個名咋!! 實質邊有咁多魚翅吖!! 如果我有錢,都唔會咁食魚翅喇!! 哈哈!! ~ 但而個飯, 都幾好食!! 啲飯炒得幾香,幾乾身!!!
個魚翅撈飯好特別呀!我都想試下
ReplyDelete你地係咪去左名門金宴度食lunch呀？
我都買左你買個包chocolate eggs，食左大半先發覺係有popping candies係裡頭，唔怪得知"扑扑聲"啦 記得細個買個d爆炸糖，覺得好得意，我哥哥仲"教"我用可樂黎送，爆到不得了!
[版主回覆04/08/2008 09:20:00]Mui: ~ 個魚翅撈飯, 唔係名門金宴度食架!! 個飯係"凱龍旋"restaurant食架(我星期六去食架)!! 啲魚翅當然唔係真魚翅喇!! 但蝶飯好大蝶架! 味道都ok!! 都幾特別架!! 你出Toronto 都同你parents 去試下喇! ~ 星期日係去名門金宴食lunch!! 我成日都覺名門restaurant 啲燈飾and 啲壁畫好靚架!! 所以,今次忍唔住同名門restaurant 影張相!! 哈哈!! ~ 包popping candies 我係三妹男朋友間便利店買架!我都係見到有popping 依個字先會買!! 因為好耐無食爆炸糖喇!! 哈哈!! 我都記得你係買依個牌子啲朱古力比你啲姨甥女 (定係姪女)係復活節食!! ~ 我無試過將爆炸糖混埋可樂一齊飲!! 但我聽過咁樣食法!! 啲爆炸聲會好利怕架!! 哈哈! ...你哥哥好好笑,整估你都有架!! 哈哈!
最開心都係一家人一齊有講有笑喇~~~仲有好多好味既餸食添~~~
ReplyDelete[版主回覆04/08/2008 09:24:00]檬檬: ~ 返屋企食飯, 好開心架!! 媽咪次次都會煮好多食!! 而且成家人好多野傾架!! 講都講唔停!! 好熱鬧! 哈哈! ~ 你平時weekend,我都見你話返屋企同你parents 飲茶!! 你weekend 都過得好開心呀!!
你屋企人真係相處得好好呀~~~
ReplyDelete魚翅撈飯個 Look 都幾型喎 哈哈哈
[版主回覆04/08/2008 09:28:00]畫: ~ 我屋企多人嗎!! 一人一句, 就好多話題, 好多野講架! 哈哈!! 而且女仔數量又多!! 成日都講到停唔到!! 我記得係聖誕節返屋企時, 講到喉嚨都沙!! 哈哈! ~ 個魚翅撈飯, 係daddy 係restaurant 食點心時!! 見到restaurant 個餐牌有依個飯點!! 哈哈! 個名好特別!! 咪叫黎食囉!! 查實, 魚翅撈飯, 都無咩魚翅,都係gimmick黎架!
"魚翅撈飯"我初頭以為係粽?!
ReplyDeleteBrian 個PC Engine GT我都未見過呢!好新奇!
[版主回覆04/08/2008 09:41:00]高貓貓: ~ 哈哈!! 我初頭覺個飯似個金字塔形狀多啲!! 哈哈!! 但你話個飯幾似個粽, 又幾似喎!! 哈!! ~ 個PC Engine GT 係Brian 二十年前啲玩具黎架!! 他突然間記得咪攞去我媽咪屋企比我啲細妹玩囉!! 我都估唔到二十年前啲玩具,到而家二十年後仲玩得!! 哈哈!!
Vicky: ~你媽咪都好錫你呀,驚你一個人係出面食唔飽著唔暖呢! 我媽咪都係架,上次黎美國,都買左好多野食俾我,以前成日 叫我唔好食咁多朱古力,但今次就主動買俾我,我地好開心架! ~我覺得Brian都真係好錫你班妹,我次次睇親都會帶佢地去食 雪糕既!而你就次次都會帶d甜品返去俾佢地食,見你一家咁close, 真係好難得架,你一定要好好珍惜呢! ~你爸爸叫既魚翅撈飯真係幾誇喎,我諗可以係碎翅式者係素翅 黎,如果唔係成本都幾貴,但我個人覺得,如果真係用真魚翅黎撈 飯就係浪費左少少!
ReplyDelete[版主回覆04/08/2008 10:13:00]陶陶夫人: ~ 我覺得媽咪到而家真係好怕我食唔飽着唔暖!! 我而家我仲高大過媽咪喇!! 媽咪都當我係細路仔架!! 媽咪真係好錫我喇!!! 每次返屋企,媽咪真係為我準備好多野架!!! 見到有野岩,就會順手買比我!!! 連我仲意食啲零食都會買比我!!! 真係好溫暖架!所以, 媽咪買野比我, 我都會帶晒返去自己屋企, 唔會令媽咪失望架! 講真, 我都唔知點樣多謝媽咪好!!我第時,做媽咪都唔知有無我媽咪做得咁好!! 我早排見到 你parents 黎咗你個樹, 你盡量帶你parents 周圍去, 又食啲好野食!! 你做咗咁多安排,你parents 會見到架! 佢哋一定好開心!! 你parents 今次黎你個樹,(我覺得)你parents,其實,係順便睇下你係米國生活好唔好!!! 生活慣嗎!! 他們飛咗半個地球揾你, 他們都係關心你!!! 而個世界啲parents 就係咁關心自己啲兒女喇!我見你parents 連朱古力 and 白色ps3都買比你!! 你parents 今次黎你個樹真係安排咗好耐!!所以,我明你點解會咁開心!!! ~ 我有啲妹同我年齡都差一段距離架!!! 我同Brian 拍拖時, 我有啲妹仲好細個, 真係豆丁黎架!! 哈哈! 而Brian係自己屋企又係獨仔, 所以, 見到我啲細妹, 我啲妹又叫Brian 做哥哥!! 所以, Brian 對我啲妹真係好似細妹架!! 有時我話要返媽咪屋企食飯, Brian 就已經諗定帶我啲妹玩咩, 食咩!! 玩到顛架!! 哈哈! 我明,依個世界真係好難揾到一個人,又錫我又錫我屋企人, 我會好好珍惜!!!! ~ 個飯係 gimmick 黎架!! 係我daddy食食下點心!!! 見到個餐牌有個魚翅撈飯叫, 個價錢,又合理,咪叫黎食囉!! 哈哈!!其實,都係得個名之嗎!!! 邊有魚翅吖!!! 但幾特別, 好有特色!! 但,講真吖!! 我有錢都唔會咁樣食魚翅喇!! 學你話齋, 咁食法,真係好浪費!!!
嘩~ 乜你有好多個妹架? 一家人好開心好熱鬧呀~
ReplyDelete[版主回覆04/08/2008 10:24:00]睛天娃娃: ~ 我係有好多妹妹架!! 我哋有五姐妹!! 全部都係女,就自然好多野講喇!! 一人一句,都有五句說話喇!! 哈哈!!! ~ 我間唔中都會返媽咪屋企食飯, 一家人坐埋一齊食飯, 真係好熱鬧!! 而且, 媽咪煮啲野永遠係最好味架!!