April 26 (Satuday)
依日, Brian 得閒, 可以同我 and TT 仔仔一齊返媽咪屋企
....講真, 我真係有啲好彩, 原來今日, ttc(多倫多公共交通) , 都擺工呀!! 無地鐵
and 巴士
供應!! 如果,我今日自己返媽咪屋企先, 我都唔知點返!!! 因為我平時係自己坐公共交通工具返媽咪屋企架! 無公共交通, 我點上去媽咪度呀!
同Brain 返到媽咪屋企, 緊係出街同daddy, 媽咪and 細妹去飲茶
喇!! 啲妹個個都放緊summer holiday, 考完試, 都唔知幾開心!! 五妹, 就最得閒, 唔係 "漏"打機
, 就"漏" 打麻雀!!
哈哈!!
去飲茶,食點心0
但我同媽咪食完lunch之後, 媽咪and daddy 去買餸, 我就同Brian 出咗去行咗陣街,...因為廚房用具special....就走去睇下, 最後, Brian 買咗把粉紅色廚房剪刀
比我, 舊個把剪刀已經 "頓" 晒, 可以功成身退喇!! 買到把粉紅色剪刀比媽咪話咗兩句, 因為, 我媽咪仲笑我細路, 買廚房用具, 好似買玩具咁, 話我晒Brian 啲錢買啲古靈精怪野!!! 哈哈!! 其實,我媽咪唔係好like 我整蛋糕甜品架!! 媽咪話無益!! 所以, 我好少返媽咪屋企整蛋糕
架! 而且又唔想同媽咪霸住個爐頭整野!! 哈哈!!......因此, 我係等放長假好似聖誕節, 先同啲妹一齊整下啲甜品仔食! 好彩, Brian 肯比個廚房我亂舞!! 哈哈!
我把粉紅色廚房剪刀呀!! 仲有行街時買嘅珍珠奶茶0
到夜晚, 係媽咪屋企食飯
, 今餐好豐富....好多餸, 蝶蝶餸都好好味, 仲有湯, 媽咪煮飯永遠都好味!!! 但今餐dinner有啲特別, 因為,今餐dinner 係食糙米什殼飯!! 我初頭未食都有啲驚架!!! 怕難食, 都要迫自己食晒! 但試咗啲糙米後, 又覺得幾好食,幾煙"銀" ...好好咬!! 都無咁驚!! 其實, 我媽咪都驚我哋接受唔到啲糙米飯, 所以, 媽咪自己另外煮咗啲白飯
, 做後備!! 媽咪真係諗得周到!!
我第一次食糙米什穀飯, and 媽咪煮嘅dinner...飯後仲有西瓜0
食完飯, 除咗同daddy and 媽咪傾計, 緊係最好娛樂就係打麻雀....講真,我真係唔係好識打牌
架! 我連塔牌都慢過人, 好似切積木咁!哈哈!! 而且, 我差唔多鋪鋪牌都要開櫃筒比錢人架!!! 好水皮!! 但唔知點解daddy and 媽咪一打牌就相當精神!! 打到成1am 先玩完, 個賽果緊係我輸得最多喇!! 仲比五妹笑添!! ...不過, 唔緊要都係至在玩下咋!!
同屋企人打台灣牌0
April 27 (Sunday)
到星期日, 都係同媽咪飲下茶,食下野
! 飲茶時仲撞到中學同學, 仲傾咗兩句....仲攞埋聯絡方法添!!! 其實,我初時唔認得架!! 因為我無帶隱型眼鏡!! 而且, 依個中學同學流咗長頭髮!! 所以, 我唔知係咪我心目中諗果個!! 哈哈!
而我次次由媽咪屋企要返自己屋企, 媽咪都為我準備好多野食比我帶返自己屋企, 媽咪啲餸大部分都係肉類
....我係出面住咗十年喇!! 攞媽咪煮啲野食都成十年喇!! 我有時都叫, 媽咪唔洗比太多野我!!! 但媽咪成日都覺我出去住一定無啖好食, 所以, 返去媽咪度, 我好似又食又拎
咁!! 媽咪對我真係好好....所以,次次都會拎晒媽咪比我啲野, 仲一定會食晒添!! 我每次返到自己屋企執媽咪比我啲野食落雪櫃, 我都會好感動架!!
臨返自己屋企, 我仲同daddy and 媽咪 and Brian 去超市,買啲蔬菜, 魚, 飲品,係超市... 見到超市有部新扭蛋機, 係扭hello kitty架!! 我就即刻扭咗隻囉!! 我覺幾cute呀!! 而家咪掛係雪櫃度囉!! 哈哈!! 返到自己屋企, 見有啲肚餓, 又同Brian 玩bbq 喇!! 哈哈! 都係燒少少食咋! 費事,食到肚漲漲瞓唔到! 哈哈!
媽咪為我煮嘅食物!! and 依隻係我扭蛋機扭嘅kitty !! 都幾cute!0
星期日晚就係屋企bbq...由於唔係太肚餓,所以, 都係燒少少野食咋!0
糙米好丫,有營養~~~打牌得閒玩下都幾好玩架,打多幾次會熟d架喇~~~你媽咪梗係錫你喇,次次返親去都買定野叫你攞埋返屋企,佢驚你唔食野呀~~~
ReplyDelete[版主回覆05/03/2008 06:57:00]檬檬: ~ 我都覺糙米有營養...但如果日日食, 就麻煩啲! 因為糙米要浸好耐先可以煮, 我有時食飯都係好即興架!! 而且, 又未必日日食飯...哈哈!! 煮糙米, 無煮白米咁方便!! ~ 我打牌,好似做緊慢動作咁! 又諗好耐先打到一隻牌!! 所以, 我打牌都打到好攰架!! 但真係要打得多先有進步, 我會慢慢學習架喇! ~ 你講得岩,我媽咪好怕我唔食野架!! 好怕我求其食個包就算!! 所以, 我每次返去我媽咪都不自覺整好多野比我架!! 哈哈!
估唔到你媽咪會整定D 白飯做後備,眞係好有心思!
ReplyDelete[版主回覆05/03/2008 07:28:00]高貓貓: ~ 我媽咪怕我哋會唔慣啲糙米嗎!! 所以, 會煮定白飯囉!! 媽咪都幾有心思架!! 哈哈!! ~ 總之,我哋肯食媽咪啲野, 我媽會好開心!!我相信依個世上啲媽咪個個都係咁!!哈!
你媽咪真係好錫你!!! pack定咁多餸俾你~~~ 你set粉紅色kitchenware儲齊末呀???
ReplyDelete[版主回覆05/03/2008 07:36:00]flying cupcake: ~ 我都覺媽咪好錫我架!! 到我而家,都高大個媽咪喇, 媽咪都成日怕我着唔暖,食唔飽架! 哈哈!! 所以, 媽咪pack 襯啲野比我, 我都會盡量攞, 令媽咪覺安心啲囉!! ~ 哈哈! 我自己都不知不覺儲咗好多粉紅色kitchenware 喇! ...我而家, 真係好想儲齊, ...但有啲廚房用具都未壞, 都係等壞, 先買新!! ...希望可以儲夠喇!! 你見到有特價都記住話我知喎!! 哈哈!
而家都有d媽咪幾潮架, 會煮呢d新式米, 我同事個媽咪都有煮呢隻米架, 但我屋企就少食, 雖然之前我見家姐有買過一包, 但係我好似無食過咁......哈哈~~~
ReplyDelete其實你每次返去都係差不多, 我都可以估你哋做乜lu........
嘩, 你媽咪又畀咗咁多嘢食你吖, 又可以唔買嘢幾日lu.....正, 睇落去都係好味既嘢食吖
個kitty都幾得意喎, 青bb, 每次開雪櫃都一定醒神d啦
[版主回覆05/03/2008 07:53:00]細細粒: ~ 煮糙米就係潮媽媽喇!! 哈哈! 其實,我媽咪都係想食健康啲先煮糙米食!! 但煮糙米好麻煩架!!要事將啲糙米浸水架!!我有時食飯都係好即興架!! 所以, 想食糙米飯都幾難喇!! 都係煮白飯, 方便啲!! 哈哈!! 如果你同Raymond 出街食飯, 經開到啲食店有得食, 咪出街食返碗糙米飯囉!! 試咗喜歡先自己煮!! ~ 返媽咪屋企,來來去去都係食野, 傾下計,打下牌, 簡簡單單咁!! 但我咁樣都好開心架喇!! 哈哈!! 而且, 仲有Brian 陪我返去...更加開心喇!! ~ 我媽咪次次都pack 定好多野比我帶返自己屋企, 真係幾日唔洗開爐煮飯都得!!! 我都係就咁淥個菜, 就開得飯....哈哈!而且,媽咪煮啲餸, 我自己一定煮唔返啲媽咪啲味架! 唔知點解!! ~ 個kitty 真係好cute 架!! 所以,我見到咪扭下隻蛋囉!! 哈哈!!...而家日日見住依隻kitty!!哈哈!!
Vicky,
ReplyDelete~u know how to play ma jong ar?....i donn't know ar......still, even u lose, it is a fun family activity~
~kitty is so cute ar.......
[版主回覆05/03/2008 08:03:00]MaGGie: ~ 我麻雀依樣小玩意, 我真係唔多識, 打牌打得好慢架!! 好似連打牌, 砌牌都只係識慢動作!! 打牌打到自己都想瞓, 我有時自己食湖都唔知, 而家都不段學習咋!! 哈哈!! 但其實,都係同屋企人玩下!!! Just for fun!! 哈哈!! ~ 隻kitty 都係喺扭蛋機扭出黎架!! 哈哈!! 咁我係kitty fans 嗎!! kitty物品, 我實覺cute 架!! 哈哈!!
Vicky: ~你地就好啦,有得成日去飲茶,我最鍾意就係同屋企人去飲茶架啦!其實我都有諗過好似你媽咪咁,煮d紅米黎食,如果初初食唔慣既,就可以溝少少白米落去食,咁就會易入口d囉!唔知你地加國d米有無貴到呢?我米國呢邊d米貴左好多呀,上個week去costco時,諗個買包米啦,但都無晒貨啦,唔知係咪真係好似報紙咁講,要搶米呢? ~你媽咪整咁多肉俾你拎返屋企好易理解o者,因為佢估你9成都唔識煮d咩肉類,所以整定俾你,而且,有時d肉係要炆既,咁如果你收工先整就無咩時間啦,而且,菜唔可以keep咁耐,而且菜你自己可以handle得到,所以你乜一盒二盒都係肉囉!嘻嘻
ReplyDelete[版主回覆05/03/2008 08:28:00]陶陶夫人: ~ 如果你唔介意,都可以食糙米飯架!! 因為會健康啲!! 但煮糙米之前要浸架!! 所以, 煮糙米飯係無白飯咁方便, 但我見我媽咪都係將啲米mix 黎mix 去, 有一啲係糙米, 一啲係白米, mix 埋一齊就無咁"鞋"囉!! 容易入口啲!! ~ 我依邊啲米都貴咗呀!! 我仲見到有好多人幾袋幾袋咁買, 真係好怕啲米再貴!真係有啲搶米潮! 講真,唔止米貴, 好多野都突然加價, 加到心都跳埋!! 都唔知係咪真係有心加價!! 但要食, 要用,都係要買, 謂有其他野慳啲囉!! ~ 我係出面自己住都有成十年喇!! 就係依十年, 我媽咪都整定一盒一盒野食比我帶走架!! 我而家都已經高大過媽咪喇!! 但媽咪都好怕我食唔飽, 着唔暖!! 到我而家, 都好怕我唔食野架!! 好好笑架!!不過, 媽咪啲野食, 真係會帶來我方便,...放咗工淥個菜就開飯, 而且, 媽咪啲野食, 自己點整都唔似媽咪煮啲味道架!!
嗱，其它嘢我唔係度講咁多住．．．．．我淨係想講：
ReplyDelete隻Hello Kitty扭蛋好得意呀．．．．幾錢加幣扭一隻架？一套有幾多隻架？
[版主回覆05/03/2008 08:36:00]爆炸魔女: ~ 你好好笑呀!! ...你真係對hello kitty 好狂熱呀!!見到kitty 就要問我!!! 哈哈!! ~ 其實, 我同你講過!! 依隻扭蛋,係需要$2 cdn. 我仲以為香港有依款扭蛋添!! 如果我知香港無, 我就扭一套比你喇..依款一套好似有四隻!! 我經開, 就扭比你喇!! (唔知比人扭晒未!!我扭時, 部機剩四分一咋!)
你好幸福呀...我都不知幾恨我媽咪會係到整定野食俾我呀...你媽咪一定係好錫你好關心你先會甘好心機次次預備甘多野俾你食唶...你要好好報答媽咪呀~
ReplyDelete[版主回覆05/03/2008 08:41:00]睛天娃娃: ~ 你講得令我好感動呀!! ~ 其實, 我媽咪最怕我唔食野!!(都唔知點解) 又或者怕我只係咬個包就當一餐!!...所以, 我每次返去媽咪屋企, 我媽咪都煮定啲野食比我!! 我會盡量攞到就攞, 唔想媽咪失望!
你唔好扭俾我呀，好難扭到一套架，實會有重覆．．．．．
ReplyDelete我只係八卦想問吓咋，你真係真係唔好扭俾我呀，我唔會要架．．．．．
[版主回覆05/03/2008 16:52:00]爆炸魔女: ~ 我而家都on 緊line 架!! ~ 我都話 經開 先扭比你咯!! 扭一隻比你喇!! 唔扭成套喇! 我邊有咁多碎銀周街帶吖!!(個度無得"暢"散啲錢架!) 哈哈! 但你話唔要呀! 我扭咗, 我仲意比自己架!!! ~ 我知你性格, 話唔要就唔要架喇!! 費事...我好似迫你要喇! 我唔想好似啲師奶係茶樓爭比錢咁核突!! 哈哈!!
你下次可以焗定啲蛋糕 拎番去比屋企人食 咪唔會出現爭爐頭用 哈哈
ReplyDelete久唔久食吓糙米都幾好架 未食慣可以按白米比例多過糙米
[版主回覆05/06/2008 14:21:00]畫: ~ 我有時都會焗定啲蛋糕攞返去......但有時係運送途中, 啲蛋糕可能會唔靚仔架! 哈哈! 好彩, 我啲妹會照食!! ~ 你講糙米,講到好有研究...你都有食開架?? 我都係第一次食咋!! 媽咪煮咩都會食架!!
隻青蛙 kitty 好可愛呀 !!
ReplyDelete[版主回覆05/06/2008 14:24:00]new beauty sandy: 依隻係算係唔太好個隻喇!! 我心目中都係想扭依隻架! 但望望下,依隻kitty 又幾可愛架!! 我掛咗係雪櫃喇!