依個月係報稅月, Brian 手上有齊文件
就一朝早走去報稅喇!!之後, 係屋企hea 到成兩點先出街!! 今日天氣好好
, 我出街仲要帶太陽眼鏡添
!! 哈哈!! 出到街, 第一樣野, 就係去食野先, 去咗間餐廳食wrap
, 都幾好食架!! 我仲叫咗杯咖啡, 坐係間餐廳, 透過玻璃望出街, 望下啲雀仔周圍飛, 都幾寫意架!!↘簡簡單單一餐下午茶, 我order 咗all day breakfast wrap, 而Brian 就食chicken wrap, 我食緊下午茶時, 仲透過餐廳玻璃望住TT 仔仔添!! 哈哈!0
食完野, 當然就行一行下街, 原本個心都無諗住買啲咩野架!! 但今日,Brian 又唔知點解會同我行啲家具店喎!! 仲一行就行足幾間唔同家具店!! 家具店,就會有埋廚房用具department 架喇!! 我一見廚房用具到就control 唔到, 好想買買買
↘我戰利品(Brian 送)...有兩個紅色刮刀,一個紅色攪拌器, 一個心型蛋糕模, 一套粉紅色刀 (我覺幾貴, 但最鐘意), 一隻藍色暗花蝶, 一個bear bear 熊蛋糕模 0
↘係家具店, 我見到套煲好靚, 所以, 影低, ...仲有我本來想買依套玻璃透明碗蝶, 但怕玻璃唔能夠受熱, 所以, 無買,.....究竟依套玻璃碗蝶, 可唔可以受熱呢??例如,炒完啲餸and 熱辣辣飯可唔可以放入依個玻璃碗蝶度呢?? 真係一個迷...哈哈!! 個玻璃碗得個價錢牌, 咩都無說明呀!! 問人又唔知....真激氣!0
↘去街商場時, 有一個牌子車展, Brian 最喜歡依架白色跑車...Brian望得幾投入!! 哈哈!0
其實, 今日去家具店之外, 我同Brian 都有行下商場and golf 用品專門店, 都係行下咋!! 行到差唔多dinner time, 就去酒房買酒, 同埋去超市
↘買咗支白酒送bbq 野食, 今日bbq 都係燒下啲翠玉瓜, 茄子, 紅腸, 蝦!! 今日仲特別啲, 係唐人超市買咗啲雞翼燒!! 燒雞翼, 好好食架!! 哈哈!0
玻璃盛熱嘢冇問題, 但如果冇寫明就唔好放焗爐la~~~ KitchenAid套红色cookware好靚呀!! 套刀幾靚喎我末見過!! 幾錢呀?? 會唔會好重手呢???
ReplyDelete[版主回覆04/25/2008 17:30:00]flying cupcake: ~ 唔該晒你呀!! 話我知啲玻璃碗蝶,原來係可以受熱飯餸嘅熱架!! 我都唔會立亂放野係焗爐!! 係真係有說明"可以" 放焗爐, 我先敢放架!! 總之, 就多謝幫忙喇!! ~ 我就覺套刀特別先買.....(我自己又喜歡粉紅色呢!)而且,自己又有需要啲新刀!! 而把粉紅色kitchen aid力唔係太重手架!! 但我覺幾"利" 囉!! 可能我之前啲刀用"噸" 晒喇!! 哈哈!!
你地買既廚房用具好靚呀，我又係好鐘意粉紅色個d
ReplyDelete我諗個glass bowl都幾傳熱，靚就真係幾靚!
[版主回覆04/26/2008 03:41:00]Mui: ~ 多謝你讚我啲廚具靚呀, 我自己都好喜歡粉紅色架!!所以,見到粉紅色嘅野都會望多兩眼,...我相信你都係喇!哈哈!! ~ 套glass bowl 真係幾classic, 有啲似food channel 啲人咁, 哈哈!! 但我唔知受唔受到熱, 所以, 無買呀!! 上黎依度問下人先考慮買唔買.....(你都有解答咗我問題, 唔該晒!!)
買廚房既用品就啱哂你喇~~~
ReplyDelete[版主回覆04/26/2008 03:43:00]檬檬: ~ 自依幾年我入廚房煮飯之後,我就開始愛上廚房用具, 哈哈!! 都估唔到自己會咁鐘意廚房用具!!! ~ 你都好明白我吖!! 知道廚房用品最岩我...哈哈!
哈咯ｖｉｃｋｙ，你好喜欢买厨房用具ｇａ？
ReplyDelete[版主回覆04/26/2008 03:44:00]歐冰冰@比樂太太: 係呀!! 哈哈!
買廚房用品你最拿手
ReplyDelete[版主回覆04/26/2008 03:46:00]心樂: 其實,我買啲廚房用具都係啲basic 廚房必需品!!就係因為我喜歡整蛋糕, 所以, 就轉咗我連廚房用具都鐘意埋!!
叫Brian 買多部 Benz 跑!~
ReplyDelete[版主回覆04/26/2008 03:47:00]小威威: Brian 當然想買Benz 跑喇!! 但Benz 跑好貴架!! 睇下就算喇!!哈哈!
好似都有唔少嘢係brian送畀你呢..........但raymond就吝嗇好多啦, 成日都要大家分擔, 差唔多AA咁制....哎~~~雖然係男女平等唧....但我都想係男人畀錢架.......哈哈~~~咁先似佢錫我嘛~~~
ReplyDelete粉紅色的確好靚呢......但我唔會特登買囉~~如果原本無既, 咁就無可謂啦~
玻璃盛器OK架, 平日既餸一定裝到既, 我哋都會用微波爐叮佢架~~~
又BBQ....哈哈~~~
[版主回覆04/26/2008 04:06:00]細細粒: ~ 我哋剛剛拍拖都有AA 制架!! 而家就無喇!! Brian 成日都怕我唔夠錢用, 所以, 好多野都係Brian 幫我支付!! 哈哈!!有時我覺女仔,比到...係一件好好事, 証明你係有能幹嗎!!但有時依啲比唔比錢嘅野, 都唔計較得咁多!! 而且, 你哋依排又搞婚禮, 當然開支會大喇!! 你哋都結婚就已經一家人, 唔洗太計較喇!! 而且, 而家好少男士肯結婚架喇!! 哈哈!! ~ 我今次買套刀都唔係特登買架!! 屋企啲刀都唔利喇!! 而家, 買咗新刀切野方便啲!!我而家買野,都係盡量買啲屋企用得着嘅野!! 用唔着買黎都無謂, 又晒錢呢!! ~ 你屋企都用開玻璃器皿架!! 我少用全透明玻璃器皿, 所以,唔知可唔可以受熱, 所以, 唔敢買住!! 而家有你哋blog 友啲idea 我會諗 一諗!!唔該晒!! ~ 咁BBQ 方便嗎!! 所以, 就愛上燒野食!! 但我都知BBQ 好熱氣, 所以, 食完BBQ 都飲啲涼茶and 食多咗水果!!
嘩~ 你真係好多收穫窩...好開心呢~ 其實如果係普通既玻璃dishes盛熱野係完全冇問題既...所有glassware都可以入microwave+dishwasher...但係oven就唔得...除非寫明係baking dish甘就唔同
ReplyDelete[版主回覆04/26/2008 04:14:00]睛天娃娃: ~ 唔該你呀!! 多謝你解答我個問題呀!!你啲口吻都答得我好詳細呀!! Thanks! 我都有啲杯仔, 係玻璃器具個類!! 都係表明住可以入oven 嘅baking dish!! 但依套四方碗蝶, 就咩都無表明,...所以, 怕連受熱都唔得...哈哈!! 而家, 我清楚晒!! 可以考慮買唔買玻璃碗蝶喇!! ~ 依日, 我都好開心架!! 因為出街之前都無話特別想買啲咩返屋企, 點知行咗一陣街就買咗一大堆..哈哈!! 返到屋企都有啲guilty架!
hehe...你真係好鐘意買廚房用品o咼...
ReplyDelete[版主回覆04/26/2008 04:17:00]Anthony & Natalie: 自我開始入廚房煮飯or 整蛋糕, 就開始喜歡留意廚房用具!! 哈哈!! 而且, 我又喜歡粉紅色, 所以, 見粉紅色廚房用具就開心, 會望多兩眼架!!哈哈!
kitchen aid 啲煲靚就靚, 但除非你唔點用啦, 唔係實污糟晒呀, 所以我都無買, 我買啲不鏽鋼煲貪佢地易洗唔怕刮花
ReplyDelete你套粉紅刀好型呀, 佢地好似有成套粉紅用具呀, 鑊鏟呀, 開罐頭刀呀, 刨呀咁, 你可以諗諗, 儲齊一套喎 (我有一套紅色嘅, 哈哈哈)
[版主回覆04/26/2008 04:46:00]通少: ~ 其實, 我覺得我哋係用電爐, 啲煲都係得個低會燒到污糟晒!! 個煲個外殼都可以唔會燒到黑晒...不過, 我無買kitchen kid 套煲, 我剩係睇下咋!! 哈哈!! 你都講得岩, 啲不鏽鋼煲真係好耐用架!! 我屋企套不鏽鋼用咗好耐, 都用緊!! 我早排見你買咗個超大湯煲, ...又係不鏽鋼, 你真係買得好抵呀!! ~ 我知你啲鑊鏟, 係紅色, 都估係kitchen aid 架喇!! 哈哈!! 我真係有諗過會咩廚具都買粉紅色架!!但有啲用具, 自己屋企又有當然會再買喇!! 要等啲用具 欄咗, 或者唔用得先買, 唔想廚房有太多野係repeat架!
Vicky: ~我見過一套好靚既粉紅色既煲,真係好靚架,但因為驚 用完一輪之後,個底會變膿,所以無買到,有時d野,用黎欣 賞就無妨,買就無謂啦!BTW,你套刀好靚呀,一刀三件! ~話時話,我前排都買左四隻玻璃既o者喱杯,唔知可唔可 以入得焗爐,因為我想整法式燈蛋,但又無說明喎,我到依 家都唔敢用係焗爐入面呀!
ReplyDelete[版主回覆04/26/2008 05:11:00]陶陶夫人: ~ 唔知你係咪用電爐呢?? 我依邊係用電爐架!! 所以, 啲煲剩係得個低會燒到黑晒!! 個煲個外殼仍然好好架!! 我屋企套不鏽鋼煲都用咗好耐喇!! 都仲好好哋, 都唔打算換喇!! 除非真係欄咗or 唔用得,先會考慮買套新!! 但我間唔中都會出街留意下,睇下啲新煲架!! 因為我咩都"八"一餐!! 哈哈!! 而套刀,我真係好鐘意, 所以, 諗咗一星期先決定買!! 因為係粉紅色嗎!! 所以, 都係忍唔住囉!! 哈哈! 乜你係你個樹見過有粉紅色煲set 呀!! 比我見到都會望多兩眼先捨得走!! ~ 你四隻o者喱杯有無表明話係for oven baking dish 依啲字眼架?? 如果啲玻璃o者喱杯無表明依啲字眼,..就唔好放係oven 喇!! 會好危險架!! 我都有四隻玻璃o者喱杯, 但係有表明話係oven safe 架!! 你睇唔睇到張圖呀??