享受陽光+seafood dinner

May 24 (Saturday)
     我瞓到好遲先起身, 都唔想 郁 咁濟, 梳洗完都掛住坐係電腦面前左click 右click 咋!!真係齋睇!! 我都覺自己有少少無料! 但我好enjoy 喎!!  哈哈!!  Brian  見到我咁, 他就話: 「 出面咁好陽光,不如出下街行! 唔好晒咗啲美麗陽光

! 」我話: 「要行都係行超市咋

, 因為屋企又無蔬菜

喇!」 就係咁, 我入廚房嗱嗱聲整咗個quick lunch, 食三文治咋!! 之後, 就出咗街喇!! 



      同Brian 出街, 當然唔單止行超市咁簡單喇!! 緊係會行下mall 消磨下時間先喇!! 點知去mall 途中有traffic jam......擠咗幾耐呀!! 去到Sherway Garden (mall 名稱)都成四點幾, 行多陣都已經聽到啲sales 係度數硬幣啲聲, (點數)! 臨離開個mall 見到啲特價朱古力

, 買咗幾包食!! 哈哈!!  行街有啲唔夠喉, 所以,  我提議Brian 陪我去Chapter(書店)度行, 因為我知依排有書

減緊價, 睇下有無食譜書! 點知真係有本書我想要嘅食譜書特價呀!!! Yeah!! 可以學整多啲甜品食喇!!

行mall 收鑊, 特價朱古力,...好好味道架!! 哈哈!!

行書店收獲, 就係買咗本baking 書!! Brian 渣車, 我就睇書!!哈哈!

     由於見啲天氣好好, 就同Brian 坐係書店隔離啲露天座位度飲下野!! 原來, 眼見好多陽光, 但原來好涼, 好大風, 我坐一陣露天茶座都打冷陣!! 我仲叫咗杯blog 友介紹嘅凍飲

添!!杯飲品真係幾好飲!! 但都係留返夏天, 先飲喇!! 可能我好怕凍, 少少涼風都頂唔住架! Brian 話依啲天氣先舒服喎!!

書店(Chapter)附有starbucks, 見starbucks 係書店門口放咗幾張檯, 就enjoy 下patio 享受下陽光喇!! 但天氣仲係好涼呀!! 坐到我起雞皮...要Brian 比件外套我先頂得住, 啲清涼風!!  Tea time, 飲咗兩杯凍飲 and Brian 食咗個豬柳漢堡!

我係patio 坐個樣呀!! 其實,我好凍架!

        回程返屋企, 先去我想去嘅地方---超級市場, 見入開超市入貨, 就順便買埋啲海鮮, 夜晚返屋企煮dinner黎食!   咁岩,我係超市仲撞到以前坐電梯成日撞到個細路仔(白人and 唐人混血兒), 而家個細路唔洗手抱喇!! 依個細路仔仲識行識走, 周圍掂野添!! 哈哈! 聽依個細路個父母講, 由於工作關係, 已經搬咗去另外一個地方生活喇!! 做唔到我哋樓上樓下喇!  雖然, 好難得見返面, 但我無同個細路影相呀!! 費事喇!! 哈哈!! 我同舊鄰居傾兩句就say bye bye 喇!

        左行右行, 最後, 返到屋企都成八點喇!! 我都開始煮飯, 其實, 海鮮餐最容易煮, 全部蒸熟, 原汁原味, 就最好食!  

Dinner 有好新鮮蝦, 游水魚, and 咕魯雞(係街外野, 自己邊識整)

仲開埋壺茶食dinner 添!! 哈哈!!

特別回覆

May 24 (Saturday)

     一起身憎開眼

, 我就攞個電話check 下email, 發覺有位好特別嘅blog 友send 咗message 比我, 我一見到留言比我嘅人名 and 留言嘅文字,我就知道係邊個黎....咪就係識咗十幾年的香港好朋友囉!! 真係好開心, 我依位十幾年嘅朋友仲專登開個yahoo blog 黎留言比我! 真係好難得! 因為依位朋友不流都無係yahoo 寫blog 嘅習慣, 係我話比依個朋友知, 「我有係yahoo 寫blog, 」她就耐不耐走過黎看

我寫的網誌!!   有時我覺得友誼真係好其妙, 唔會因為地域距離相差幾遠, 而減少友情!!! 反而感情會越黎越深!! 前排, 我依位十幾年朋友仲寄咗份禮物送比我, ....依位朋友仲話係商店上見到適合我, 就買給我!! 嘩!! 聽到都感動

, 依位香港朋友, 連平時行街, 都會突然間想起我,  有時我覺依個世界, 未必個個人會對我好.....當遇到好朋友, 就要珍惜!! Thank you!

    ** 多謝你的留言

and 由香港寄黎嘅禮物

!! 份禮物好有用呀!! **

香港朋友的信and 禮物(hello kitty 毛巾)

  

越南食店

May 23 (Friday)

      到friday 喇!! 放weekend 喇!! 雖然天氣仲有少少涼, 但都唔會影響我出街街心情, Brian 未到dinner 時間已經講定話去mid-town 食台灣野, 我聽到台灣野, 我都好開心, 因為有珍珠奶茶飲...哈哈!! 但去到mid-town 就比較難揾車位, 因為多數泊係街邊啲車位.....一唔留神就會錯過咗個車位!! 我哋好不容易揾到個街邊車位, 迫完之後, 見到間越南食店, 裝飾都唔錯, 見門口個menu 有檬粉食, 我同Brian 就即刻改變主意, 入咗去越南餐廳食野!! 唔食台灣野喇!!

     入到去....越南餐廳, 我哋樣樣都想食....可能我哋太耐無食越南野喇!!  以前讀書時, 唔知點解好喜歡同Brian 食越南野架!!! 到做咗野之後, 反而少咗食越南野!! 哈哈!! 我成日都覺加拿大啲越南野, 都幾正宗架!! 我最喜歡食越南檬粉,  好好味架!!   我平時出街食野好少order 飲品, 除非跟餐送,...但今日食越南野食到好興份, 我還order 咗杯滴滴咖啡飲添!! 哈哈!!

      食完越南野, 我就同Brian 去買手提電話添!! 連帶我部手提電話都換咗第二個型號喇!! 今次新個部手提電話多咗啲功能之外, 仲有一個位比我掛電話手繩架!! 哈哈!!


↓越南野食有:炭燒豬扒飯, 烤豬肉檬春卷檬粉

↓咖哩雞飯(味道有啲普通),  and 一杯凍奶茶(Brian 架!)

↓我order 咗杯滴滴咖啡, 仲有一榨冰另上!!  幾得意!!

↓我本來用深紅色個部手提電話, 而家轉咗用橙色個部電話(有膠紙個部)!!

無飯星期

May 22 (Thursday)

  聽日就係星期五喇!!! 又到weekend 喇!!  我一個星期裡面, 其實得四日飯要煮,  星期一,二,三,四...就係依四日, 但我係依個星期都無點煮到飯...仲無咩點入過廚房, 係我想像中得兩日入過廚房咋!! 其餘時間都係出街食!! 都覺自己好唔岩, 食埋啲街外野, 味精一定有, 依啲味精唔在講喇!! 我成日覺街外野好多油, 好唔健康, 但無計喇!! 一放工, 就同Brian 去咗賣手提電話...渣到車去, 賣電話嘅地方, 都好夜喇!  所以, 就順便係街食埋先返屋企囉!!  唔知點解交易手提電話啲人, 好多都係uptown, 好少我屋企附近啲人, ....所以, 好多時都要渣車去uptown ...meet 人囉!

 係聽日(frdiay),就算我想煮, Brian 都會好自然咁問我,...「Vicky 我哋不如去xxx 度食飯好唔好呀!?」 一到friday, Brian 就好想出街食飯架喇!! 唔通我煮飯真係唔係咁好食??? 哈哈!! 都唔知Brian 係friday 晚係開心開始放weekend, 定係開心可以明正言順出街食飯喇!! 哈!

↘雖然,我話依個星期出街食多!! 但我依個星期二(May 20)都有整咗個綠茶蛋糕, 焗出黎有啲唔好睇, 但比我粉飾過, 就靚仔啲, 可以比Brian 品嘗喇!!  我覺依個綠茶蛋糕﹐味道都可以, 但仲有進步空間囉!  但已經比我以前做個啲綠茶蛋糕好食咗啲!!哈哈!

↘星期三(May 21)係港式茶餐廳食, 有例湯, 有凍奶茶, and 凍"煙鴦"(Brian 飲架!)

↘我係茶餐廳order 咗豬扒麵跟雙蛋+toast﹐而Brian 係茶餐廳order 咗個白汁雞皇飯

↘係星期四(May 21), 就同Brian 去咗粥店食dinner, 我哋order 咗星州炒米, 煎釀茄子+豆腐 and 一碗肉丸豬潤粥

最後一日Victoria's day

May 19 (Monday)

        一連三日Victoria's day 係今日已經係最尾一日喇!! 放假時間真係過得特別快!!我今日, 大部分時間都係 同Brian 喺屋企, 而且, 好多地方,係今日都close, 包刮超市都close, 都無咩地方好行!! 留係屋企

仲開心!!


                

        係屋企坐咗半日, 到四點幾!! 就同Brian 出咗街, 飲杯咖啡

!! Tea 一tea 喇!!  出到街先知好凍,  真係帶頸巾都無人笑, 因為啲天氣真係好涼好涼!! 我本來想試下starbucks 嘅 凍飲----lemonade

, 但啲天氣實在太涼喇!! 啲凍飲都係留返夏天先飲喇!! 所以, 今日tea time 我都係飲咗杯熱綠茶

就算!! 唔知係咪咩店鋪都唔開門營業!! Starbucks 係今日特別好生意!! 成間starbucks都係人! 我同Brian 係starbucks 都坐得好迫, 所以, 我杯hot tea 都無影到相!! 哈哈!


              

      飲完tea, Brian 提議去, 我哋座大廈

嘅 roof garden 坐下!! Brian 依個 idea 真係唔錯, 因為飲完tea, 都想行下!! 上到Roof garden 咁岩日落, 望到黃昏嘅景色, 真係好靚, 但我實在太怕凍喇!! 又大風, 今年, 做咩?? 過咗五月中都咁涼架!!! 所以, 啲景色都係睇咗一陣就返屋企喇!! 依個長周末就係咁過!!  都過得好開心, 首先, 有個精彩開始(Buffalo 旅行), 最尾個日有Roof Garden,.....都幾豐富吖!! 哈哈! 

             

      今日, 夜晚係可以放煙花

架!! 我同Brian 無買到煙花玩, 又無去到乜乜公園欣賞煙花, 剩係食食下飯聽到出面"撞撞"聲, 走去窗口望, 見到有啲煙花!! 雖然唔講得話好大型煙花, 因為啲煙花都係市民自己係啲商鋪買, 啲煙花大極有限, 但好多人同時向天燒煙花玩, 個天突然好燦爛,哈哈!

↓依兩張相拼埋一齊,剛剛好一幅畫.....Roof garden 啲景色影到晒喇!!

↓我都唔執輸, 見到黃昏啲景色咁好, 都企定定影返張相先...依日啲風好大, 啲頭髮係咁比風吹起!!!  到返屋企, 我係電梯都要同Brian 玩影相機!! 哈哈!