Musei Vaticani (梵蒂岡博物館) 及St. Peter's Basilica聖伯多祿大教堂

June 16,2015 (Tuesday)


第一個羅馬嘅早上，

去咗自己住間酒店，食早餐。

之後, 就去咗行街. 

係羅馬, 真係會忍唔住,

會擁有shopping mood. 

就算唔買, 一邊行街, 周處望下都好開心!!  

行到下晝, 隨街揀間鋪頭食lunch. 

之後, 去會合當日嘅導遊. 去----梵蒂岡博物館(Musei Vaticani)及聖伯多祿大教堂(St. Peter's Basilica)

↓羅馬---條條街都係依啲建築物, 當中有餐廳, 又有shops. 好熱鬧嘅一個城市....  而我係自己住間酒店食早餐嘅地方, 係位於酒店嘅頂樓, 而且, 進餐地區嘅設計是半開放式, 理應唔錯. 但我係羅馬時, 天氣實在太熱, 啲太陽熱力, 整到個早餐區好焗, 食完早餐, 流到成身汗.

 

↓羅馬啲街道和行人路, 都比較好狹窄, 在行人路上, 如果兩個人, 平排行, 有啲困難.  但羅馬啲shops, 好特式, local shop 啲手功都唔錯, 價格相宜, 掃咗local 皮鞋走. .....行到下晝, 好隨意揀咗間餐廳食lunch. 

 

↓在歐洲要飲水, 價格好高, 反而成大支凍冰冰嘅白酒, 都係數塊歐羅. .....這天午餐, 首先, 食咗個梨子沙律. (羅馬啲菜, 好清爽), 在意大利求其去一間餐廳食沙律, 都好食!!

 

↓午餐頭盤, 還有意大利熟蔬菜---三小蝶. 有波菜, 露荀, 番茄artichoke.  之後, 就食厚條鴨肉意粉. (太喜歡意大利嘅意粉, 啲意粉質地, 慎慎熟, 好有彈性) 

 

↓午餐主菜, 還有大蝦意粉 (啲蝦好甜, 啲意粉索晒啲蝦味, 自己再哎多蝶食).  仲食咗lasagna. 不過, 係意大利進食, 會感覺意大利所有食物都好重鹽份. 可能, 意大利夏天太熱, 而且, 意大利有很多地方, 是沒有冷氣.  全人類都流大汗, 所以, 食物中放點鹽份, 能補充礦物質. (但我連日來, 實在食太多鹽份,有啲水踵, 成個人好脹, 但唔理, 我照食, 去旅行, 就唔好理太多!!)

 



---------------------------------------------------------------

今日係意大利嘅重點.

就是參觀---梵蒂岡博物館 (Musei Vaticani)



↓黎到梵蒂岡博物館. 真係要迫住入, 先入到去!! 太多人!!

 









↓當天的英語導遊.  點完名, 帶耳筒, 手持這張入場票, 再過X-ray 機. 先入到場

 

↓排隊入場, 人多到, 唔知企邊. .....一入去梵蒂岡博物館, 要行這條旋轉樓梯. 試想想, 這個博物館, 1560 年已經存在. 當時, 已經可以興建, 這款褸梯.

 

↓梵蒂岡博物館, 面積相當大, 展館都有四大個, 主要展顯---雕塑品和名畫.  畫作主要收藏, 達文西 和 Raffaello Sanzio (文藝復興藝術三傑之一). 相中這位導遊, 首先帶我哋去博物館內嘅視聽廳, 講解博物館啲重要, 雕塑品和名畫. 以及其歷史. 但視廳館, 頭頂上是玻璃天花, 係就好透光, 但下午時份陽光太足, 焗/熱到出唔到聲. 但這位導遊, 流住汗都照講! 講完之後, 經過博物館中央草地, 那就進入梵蒂岡博物館! 

 

↓梵蒂岡博物館, 中央個草地, 其實都擺放很多雕塑. 而我身後個雕塑, 正在進行定期回修工作, 但導遊姐姐講咗這雕塑好耐, 而家問返我, 當然唔記得她講咩. 而另一張相, 應該係梵蒂岡博物館其中一個展館嘅外觀. (現在內裡好像有房間, 比遊人居住)  當時, 啲建築師, 精算程度高. 圓形建築, 在當是很不容易, 才做到!!

 


↓入到梵蒂岡博物館, 看到很多雕塑.  其實, 很多雕塑和名畫, 都是古羅馬時啲教皇買/儲藏/發掘的, 而教皇便將他發掘到嘅雕塑和名畫, 向公眾展示.  梵蒂岡博物館嘅起源大至係咁 

↓這堆動物雕塑, 我一望, 就感覺似中國嘅十二生肖啲動物.

↓這三個雕塑--Sala Rotonda, (唔太記得係咩), 只知是重要人物, 導遊都企係依樹講咗好耐!! 雕塑上, 呈圓形建築, 是古羅馬時, 最特別嘅建築之一.......其實, 梵蒂岡博物館內裡啲石柱, 都記載咗古羅馬時, 人民嘅生活狀況.

↓不單止雕塑和名畫, 梵蒂岡博物館嘅天花版, 都佈滿古羅馬嘅生活故事. 以前個年代, 啲人太有心機, 繪畫和建築.  都是很精心.  圓形天花頂,  在當時要好精密嘅建築之一

 









↓所有天花版上嘅圖畫, 不是畫完先掛上天花版, 而是當時啲畫家, 係天花畫的!!... 其實, 身在係梵蒂岡博物館, 我自己都覺好忙, 望完天花, 又要望地!! 因為地板以不同理石砌出一輻圖畫出來!!

↓有無發覺, 梵蒂岡博物館啲名畫, 顏色比較暗, 是因為遠古時, 是用蠟燭照明, 名畫是被當時蠟燭燻黑了!!!  而係梵蒂岡博物館,有啲地方是不容許遊客舉起相機用具拍照, 害怕相機啲閃光影響名畫. 反而, 我覺得, 唔用相機, 慢慢靜心啲咁, 望住幅畫, 會更容易記到. (名為---"創世記"嘅名畫, 雖然不能拍照, 但我而家仲記得係點樣!)

↓這幅天花版圖畫, 驟眼望, 似凸咗出黎嘅雕塑, 但其實係古羅馬時代, 啲畫家畫出黎嘅2D 畫. 另一張相, 是當時打仗時嘅情況.

 








↓這條---地圖走廊(Galleria delle carte geografiche), 這條走廊兩旁是意大利地圖, 而走廊天花版上嘅精美壁畫, 顏色比較豐富, 描繪了"舊約"和"新約"嘅神跡.

 










↓梵蒂岡博物館, 其他名畫, 全是古羅馬發生嘅事情.

↓梵蒂岡博物館, 天花版上嘅壁畫, 真是畫到好仔細. 講真, 叫我係一張紙上, 都畫唔到啦!! 

↓這幅圖畫---雅典學院(Scuola di Atene)是名畫之一, 因為這幅圖中, 包括了一眾哲學家, 音樂家, 神學家, 藝術家, 天文學家嘅學者.  (這班學者,對意大利文藝歷史上, 有很大影響力嘅學者). 而且, 在一眾人群後, 左,右兩邊是阿波羅及雅典娜二神的雕像. 以及中間長鬚, 橙紅披肩者, 現代人推段是達文西畫像

----------------------------------------------------------------------------


梵蒂岡博物館, 附近便是聖伯多祿大教堂

聖伯多祿大教堂, 是天主教會, 最重要教堂之一. 

而且聖伯多祿大教堂是最大面積的天主教堂.

羅馬主教(教宗) 就是係度主持彌撒.

這天, 參觀聖伯多祿大教堂, 也看到很多修女和神父, 在這座最有代表性嘅教堂朝聖

↓聖伯多祿大教堂

↓聖伯多祿大教堂, 內裡很大很大,  座位都有四面

 


↓教堂, 真是很大很大,我身後是歷任教宗安葬嘅地方.  聖伯多祿大教堂內裡也有不少壁畫 

 


↓這是教堂嘅中央地方, 這個圓圈建築, 是很精密嘅建築. 而這教堂可以容立六萬人. 周圍都有座位.

 



↓我身後是聖伯多祿大教堂,而聖伯多祿大教堂門前, 也有座位給信徒望彌撒. 

↓臨離開教堂, 見到依啲守衛, 守住聖伯多祿大教堂門口. 



-----------------------------------------------------------------------------


↓這是遊覽咗一天, 入夜就去食dinner.  由於, 我係意大利每一餐晚飯,都是我係溫哥華越洋打電話去意大利book 枱食飯.  意大利人, 聽到我越洋訂枱. 他們真係好熱情款待. 我一入餐廳, 差啲全間餐廳嘅人, 出來歡迎我. ....這天, 前菜有廚師整嘅粉團小食 (有啲似corn bread).  餐廳介紹很多紅酒給我

 

↓意大利人都幾nice, 我覺有啲老實, 他們介紹啲酒, 唔會係天價/ 賣唔出嘅酒, 去呃遊客.  我去每間餐廳, 啲店員, 全是介紹合適食物嘅紅酒.  而且, 餐廳嘅員工, 對酒和食物嘅常識, 有好高觸角. 

 


↓意大利前菜, 好喜歡吃多士, 多士上渣上雞肝/黑松露/松子cream.  還有, 意大利人視意粉為前菜. 相中蝶意粉是parmesan creamy 意粉

 


↓前菜還有黑松露粗意粉, 主菜有雞肉!

 


↓主菜有燒牛排(但老實講句, 佛羅倫斯燒牛排好食啲), 甜品有流心黑朱古力蛋糕

 


↓Tiramisu (我覺好似雪糕咁滑嘅Tiramisu), 還有意大利芝士蛋糕. 

 


這餐最後, 餐廳店主, 還送了紅酒給我們帶返加拿大享用.

但我解釋, 加拿大海關是非常嚴, 最後, 我哋一行八人, 只要咗一支紅酒回加拿大.