抵達---羅馬

June 15,2015 (Monday)


玩完佛羅倫斯, 就向---羅馬出發.

我由佛羅倫斯, 坐2個半小時內陸機去羅馬.

羅馬----此終都係大城市.

由上機時, 已經感覺到人潮, 真係一窩峰人係候機室, 等待不同客機, 去羅馬. 而且,啲人個個, 都好像好緊急. 

我程意大利航空飛機, 仲好似好趕快咁, 感覺到, 機師好似想快快手手, 飛多轉咁.

飛去羅馬程機,  個機師真係唔理雲層.....一直, 直駛去Roma. 當時, 架機係咁up and down. 而且, 着陸又快, 真係"登"到個pat pat呢!! 一抵達gate, 就好趕, 要乘客落機. 我覺自己似坐小巴, 多過似坐飛機.

抵達羅馬..... 感覺, 這城市真係富有動感. 個股人潮嘅擠湧, 真係好強烈. 

真係去到邊都係人!! 鋪頭又多, 但鋪頭細細間, 而且, 車又多, 塵又多.

Roma 比我嘅感覺似----歐洲版嘅香港.

意大利人移民去香港, 應該好快適應到!!

不過, 我又幾鐘意Roma. 因喜歡夠熱鬧. 啲人手腳好快. 一話買某件貨品, 真係即刻帶你行埋櫃枱. 未數好付款數目. 件貨品, 已經包裝好晒. 快到呢!!

最好開心, 羅馬啲shopping 地方, 係融入在古舊建築內, 好像一邊shop, 一邊觀賞咁.  哈哈~~



↓依間航空公司, 坐咗兩個半小時機, 但感覺有如坐小巴, 多過似坐飛機. (我已經唔理, 飛機啲膳食, 機上嘅服務, 安全到達, 就得啦!!)   

 


↓到達咗羅馬, 第一件事check in 酒店.  圖中是我& Brian, 以及Brian 父母, 四個人嘅行李.  最後全部行李裝到滿瀉返加拿大.   而我住係羅馬市中心, 一落酒店, 就係旅遊點----Spanish Steps. 人多到不得了.

 


↓酒店附近嘅地方

 


↓羅馬, 實在好多人. 一落機, 行出黎依度, 有啲驚!!! 驚治安囉!! 我抱到個手袋, 實一實.

 


↓行去求其一間鋪頭食午餐.   啲食物好好食, 蝶沙律, 看似簡單, 但啲菜好爽, 啲蕃茄好甜, 啲 mozzarella暖淋淋, 好好味呀!!!  由於, 我去羅馬時, 天氣太熱, 要飲下啤酒散熱

 

↓依兩蝶意粉好食到不得了.  蝶海鮮意粉好鮮甜, 另外蝶番茄意粉, 食到唔想停!! 

 

↓食完lunch, 即刻去shopping.  通常羅馬依啲古舊建築, 下面都係名店!! 好好行, 好吸引!!

 

↓這天, 仍然唔夠膽行去Spainish Steps 住, 雖然, 已經好多警察係度, (因為我去意大利時, 好似啲恐佈份子, 話會攪意大利, 而且希臘歐盟信貸談判, 所以, 加強警衛部隊)  但都係個心未定!成日用手, 護手袋. 點知半隻手臂晒黑咗!! 哈哈~~

 

↓行完街, 去食晚餐, 依間餐廳一早係溫哥華時, book 定. 餐廳知我哋由加拿大黎, 真係好熱情款待. 不過, 原來係意大利, 逢星期一, 好多餐廳, 係會休息. 要係羅馬book 枱食飯. 就唔好星期一打電話, 因為無人會聽你電話!! 哈哈~ 首先飲咗支, 好冰涼白酒

 




↓依間餐廳, 係咁樣處理啲酒塞.  好特別. 其中一支紅酒, 係加拿大賣成$400 (cdn). 但係意大利飲都係$100 cdn 咋!! 而且, 依支酒, 唔係度度都可以飲到, 但能係依間餐廳, 用這個價格飲到, 真係好珍貴.

 


↓倒酒時, 個酒塞仲係跟住酒瓶. 依一餐, 一個人, 有成三個杯去裝酒!!! 之後, 黎咗麵包, 好暖淋淋, 係意大利, 去邊間餐廳, 一坐低都有麵包附上, 啲麵包唔理食or 唔食, 都會收受麵包錢. (有如, 中式酒樓, 收醬芥錢, 一樣). 不過, 這間啲麵包好好食, 好香口

 


↓由於, 餐廳知道我哋由加拿大黎, 所以, 準備咗九道菜黎歡迎我哋.  第一度菜, 係薯蓉帶子, 之後係風乾火腿配mozzarella 多士. 

 


↓前菜, 還有creamy 粗意粉(啲意粉, 圓陸陸, 而且是廚師當天整!! 非常彈牙, 好好食!!), 還有龍蝦意大利飯 (Risotto)

 


↓還有白酒煮青口和clam. 好鮮味到不得了!

 


↓魷魚三味 (有燒魷魚配青豆汁, 番茄魷魚, 芝士魷魚),  之後, 鴨肉做主菜.

 

↓主菜還有tuna.  (好鮮美), 最後, 三款甜品, 作總結!! 

 


↓羅馬住嘅酒店, 地方唔算大, 真係一開房門, 一眼見晒.  但羅馬酒店價格好高, 不過, 唔理酒店面積, 總之, 企理, 乾淨, 地點方便, 就係我首選!!  今日, 一到步羅馬, 就有收獲!! 我仲係熱辣辣嘅夏天, 買咗件羽絨褸, 但平過加拿大一半有多. 即刻買返件. 仲shop 埋其他嘢. 其實, 羅馬唔止名店多, 意大利自家品牌, 手功都唔錯!! 由其是恤衫/皮鞋, 好舒服!! 而且, 唔貴, 最平￡20 都可以有對意大利皮鞋!! Anyway, 羅馬, 真係好好shop嘅地方