意大利羅馬--觀光

June 18,2015 (Thursday)

我第一次黎意大利---羅馬.

當然, 做返個遊客. 

遊覽羅馬啲主要名勝.  

好似羅馬----Colosseum鬥獸場, Pantheon萬神殿,Piazza Navona納沃納廣場, Roman Forum古羅馬廣場...等.

不過, 下次黎羅馬, 會留耐啲時間.

因為羅馬, 真係好好shopping嘅地方, local 貨品, 手工都很精細. 價錢又相宜.  而且, 飲飲食食嘅地方, 又美味.   周處啲建築物, 又好典雅. 

而且, 當地啲人, 比我想像中有善得多, 但當地local 人, 大部分英語, 都係好馬馬. 雖然係咁, 但仍然好有心幫遊客!!

羅馬, 我會再黎㗎!!

↓羅馬, 好熱鬧, 條街塞滿人!! 不過, 係羅馬, 真係唔適合自駕遊, 因為羅馬道路狹窄,馬路上啲車, 經常都很混亂, 我見到都驚!!

 

↓這天早餐, 特登幫襯麥當當. 其實, 意大利麥當當, 所供應嘅食物, 大至上同加拿大差唔多, 但午餐有意大利炸飯團和炸雞翼. 不過, 值得一讚, 意大利麥當當啲咖啡, 好香濃!!

 


↓這天係麥當當食早餐, 都幾特別, 因為我包場咁擠!!  可能, 意大利人早餐文化, 係食甜點. 例如, 杯裝蛋糕, 蘋果批.....所以, 意大利麥當當, 是分兩個區域, 一個區域購賣咸點. 例如, 漢堡包, 薯條....另一個區域, 就是購賣甜食. 相中個區域, 是購賣咸點嘅地方.

 


↓食咗以下啲早餐 (其實, 所有意大利嘅食物, 都偏咸, 包括麥當當foods), 但因為意大利很多地方是無冷氣供應, 有冷氣都很微弱, 所以, 一起身就流汗, 流到夜晚!! 真係要多鹽份補充體力!!

 


↓由於, 我去意大利時, 意大利正舉行Expo (世界博覽會). 所以, 當地麥當當出lobster burger 賀一賀. 但我無食呀!! 因為加拿大都有得食啦!!  另一張相, 係麥當當嘅第二個區域,專食甜點和飲咖啡

 



食完早餐, 導遊和司飛機, 已經係酒店等我,

之後就開始, 我係意大利----羅馬. 遊名勝之旅.


↓黎咗羅馬鬥獸場嘅門口. (當日熱到不得了!!)

↓Colosseum---,羅馬鬥獸場入場票, 入到去, 真係感覺好大, 有啲感覺自己置身係劇院. 一層一層嘅觀眾席, 中央是表演台, 而且擁有四面台. 當中, 前排座位是貴賓,最後一區係比婦女, 不過是企位, 無得坐!! 以前, 做女人都好慘!! 

↓Colosseum---,羅馬鬥獸場, 可以話係羅馬嘅標誌啦!! 但依個地方, 真係比較血腥味重嘅地方,因為遠古時, 羅馬人就係喺呢度, 舉行人獸表演嘅地方, 參加嘅鬥士要與一隻牲畜搏鬥, 直到一方死亡為止, 亦有人與人之間的搏鬥. 好殘忍, 但遠古啲人喜歡看.

↓現有嘅羅馬鬥獸場,同遠古嘅羅馬鬥獸場, 其實已經好大分別.. 因這個地方, 曾遭雷擊中, 引起大火, 有部分地方, 已經比大火毀壞, 而且羅馬,曾經發生過兩次強烈地震, 鬥獸場個結構, 已經嚴重的損壞. 真係震到望到地底 (地底原是儲藏武器嘅地方!)

↓這個狹窄位, 是以前啲鬥士/ 牲畜,等開場嘅地方!!  ......參觀完Colosseum(羅馬鬥獸場), 即刻走去幫襯杯雪糕食, 因為當日個太陽好猛

 








↓羅馬鬥獸場, 個設計, 是擁有一個一個窗, 原來是有通風作用!!

 








↓我哋私家導遊繼續帶我哋行羅馬, 我發覺係羅馬有好多行人路, 行行下有條橫柱, 原來這設計, 是設計比遠古時啲馬車行. 因為有條柱頂一頂啲力, 馬車行斜坡, 就可以安全啲.

 


Roman Forum(古羅馬廣場)是古羅馬時代的城市中心. 古羅馬時代, 依度係一個廣場, 有很多買賣, 商店, ....熱鬧地方. 

↓這天, 我專登叫導遊, 帶我係羅馬食啲local 食物當午餐, 最好是她平時lunch time 幫襯嘅鋪頭食. 所以, 導遊帶咗我黎依間鋪頭, 自己揀ham,cheese or 醃制蔬菜, 再揀個包. 那就係導遊平時食嘅lunch. 

 


↓這鋪頭似雜物鋪, 但意大利很多這類型鋪頭.  午餐自選材料, 相中個阿伯, 就執比你!

 

↓我揀咗依個橄欖油香嘅意大利包, 夾意大利火腿, 還有意大利醃制魚仔(Anchovy). 一邊行街一邊食. 我發覺意大利人好喜歡一邊行一邊食,很少坐係度食午餐. 可能意大利鋪頭, 真係細細間. 座位很少. 依個一邊行街一邊食嘅文化, 我接受到. 而且咁樣食法, 都幾經濟, 而且味道不錯. 最好是慳時間.

 


↓黎意大利前, 煲咗第一緝「衝上雲宵」重溫返阿bell (陳慧姍) 係許願池---許願. 諗住自己去羅馬可以見到「衝上雲宵」拍攝場地.   點知我這一躺去到, 許願池進行緊維修工程, 比玻璃封咗!!!!! 

 








↓做咩無啦啦要維修, ....但都有個臨時許願位,  都好過無, 唔理咁多, 難得黎到,照拋銀仔---許願.

 


↓行行下, 黎咗羅馬嘅百貨公司 (好似法國老佛爺百貨公司咁), 但我覺無法國百貨公司咁好行. 但內裡建築設計, 好美. 

 


↓之後, 又頂唔順, 叫導遊帶我去食Gelato , 降溫!!! 導遊姐姐心水gelato 店, 是圖中依一間.  原來local 意大利人, 食雪糕品味, 係同旅遊書唔同. 相中Gelato 真係超滑溜, 而且好香, 又經濟. 意大利食雪糕降溫, 平過買蒸溜水!!

 


↓羅馬, 第二主要名勝是「Pantheon----萬神殿」. 這是羅馬重要宗教建築物.  

 


↓這座「Pantheon----萬神殿」其內部設計, 風格非常特別, 因為全座殿嘅主體, 以圓柱體形狀設計. 最特別是頂部有個圓形大洞, 是用來採光. 光線隨着太陽移動, 改變神殿內裡光線嘅角度.  世界各大建築師, 都感覺這設計能給予人一種神聖莊嚴的感覺，十分啱宗教建築嘅本性. 所以, 這種設計, 對其他西方社會嘅建築風格, 都有重大影響. 現在, 很多國家嘅市政廳, 大學, 圖書館, 大禮堂, 都摸仿這古羅馬嘅建築設計. 換句話, 古羅馬建築, 是帶領先河嘅地方

 


↓參觀完Pantheon萬神殿, 又去食Gelato, 一來熱啦, 二來相中依一間意式雪糕店, 我曾經係旅遊書見過, 咁岩經過, 那就排隊買黎食!!!! 這間鋪頭, 口味很多, 例如朱古力味, 有香脆粒粒/餅碎, 食雪糕之餘, 都有啲咬口!!

 


↓羅馬, 其實有很多大大小小噴泉,圖中是Piazza Navona納沃納廣場

 


↓行到黃昏, 相中嘅導遊姐姐和司機哥哥帶我返酒店, 個司機哥哥知我想shopping, 話帶埋我哋去shopping, 無額外收費. 太好啦!! 臨走, 同導遊姐姐影相, 她真係同我行足一日. 箭咀指住個位啊哥, 係我係羅馬請嘅司機哥哥!! .... 我全日係條街行, 晒到雙臂紅晒, 痛到不得了!!

 

↓晚餐, 係酒店附近食飯.  好例牌, 叫支紅酒飲下先.  另外張相, 係餐廳送嘅餐前小食.

 


↓頭盤番茄,mozzarella cheese 及哈蜜瓜配意大利火腿, .....這兩個頭盤, 係羅馬食, 實在太好味, 最喜歡件mozzarella cheese係暖暖哋!! 之後, 食咗黑松露配蝦Risotto

 


↓龍蝦意粉, 啲意粉索晒啲龍蝦味, 好好食!! 還食咗大蝦creamy 意粉

 


↓主菜, 食咗魚和蕃茄紅酒牛尾 (依個抆得好好味!)

 





↓甜品, 有超級滑溜嘅Tiramisu. 我覺意大利啲Tiramisu 內裡嘅lady finger 餅, 已經溶埋係啲cream裡面, 所以, 食Tiramisu 似食雪糕, 但口感有增次,  還食咗, meringue cake (蛋白霜蛋糕), 食落去凍冰冰又脆脆哋. 唔錯!!