好大個Mall呀!!

September 16,2014 (Tuesday)

加拿大其中一個城市----Edmonton

依度, 有一個商場. 被譽為全國最大面積嘅商場

我都覺個Mall, 真係好大, 大到唔知點行. 真係要, 望住地圖先識行.

依個全加拿大, 最大嘅Mall. 裡面除咗一般shopping 嘅鋪頭+食鋪.

仲有好多估唔到嘅環境和設施.

我都未試過, 行行下個Mall, 要過條橋. 先去到另一面.

行行個Mall, 會見到隻海盜船.

行行下個Mall, 竟然可以見到個, 做到真嘅一樣嘅海灘, 啲水仲要有波浪, 感覺有如置身夏威夷.

行行下, 又會見到溜冰場, 同埋見到一個大到唔知點玩嘅機動遊樂場. 啲過山車, 又高又長,真係好刺激.

最估唔到, 行行下Mall 會有海獅表演睇.

如果, 鐘意玩返兩手, 依個商場, 連賭場都有.

依個, 大到不得了嘅Mall. 齋係玩晒啲設施, 真係一日,都玩唔晒

聽新聞講, 依個商場, 還進行擴建工程, 遲啲仲會更加大. 真係唔知會有咩新奇設施, 再出現!!



↓行行個商場, 見到隻海盜船. 我身後就係一架高到上天花嘅海盜船

↓見唔見到有條橋, 行行下Mall, 要過橋, 先去到另一邊

 

↓個Mall 裡面, 仲有一個真嘅一樣嘅海灘, 啲水有波浪㗎

 


↓個海灘面積唔細, 仲有好多條滑梯sir 落黎!!

 


↓個商場裡面, 仲有個可以打場hockey 嘅溜冰場

 

↓個商場裡面, 有個機動遊樂場. 初頭我都以為個遊樂場係比小朋友玩嗰啲

 












↓原來機動遊樂場裡面, 過山車條軌, 又長又高, 而且, 好多圈...好刺激下

↓最特別, 行行商場, 會睇到海豚表演.

 


↓有啲似海洋公園,啲海豚表演, 但就係, 行行商場就可以見到.

↓Brian 由香港黎嘅朋友, 連日來食咗不少西餐, 已經渴求渣下筷子食嘢, 所以, 係依個Mall 食lunch, 都揀咗食越南嘢. 說實話, 這餐真係好一般.

 


↓之後, 係依個, 全加拿大最大嘅Mall 食雪糕, 啲雪糕又係好一般.

 


↓啲Macaron無試, 但聽人講, 都係好一般.但勝在好多顏色. 啲Macaron 同間鋪頭嘅門口, 一樣色彩美麗.

其實, 我初頭都以為, 係依個全加拿大, 最大面積嘅商場行街, 而且依個城市, 只係收5% sale tax. (因為溫哥華收12% sale tax), 我會籍此, 會瘋狂大購物.

點知, 我只係, 喺度買咗件衫 & 啲旅行裝用品!  ~~就係咁多

點講好呢,

可能, Edmonton 都係加拿大啦! 這個Mall 雖然大, 但我覺我自己好似行緊溫哥華啲Mall. 只係鋪頭面積大啲啲, 其實, 這個大商場啲商鋪完完全全係加拿大一般連鎖店嘅鋪頭. 特式鋪頭, 唔算多.

所以, 行一陣, 已經興趣大減

如果要買, 點解我唔返溫哥華啲連鎖店鋪頭買!! 我去到溫哥華, 仲可以等到特價先買!! 可能, 就係咁, 我係這個Mall, 無乜收獲啦!!

而Brian 班老友, 可能係香港黎, 所以, 收獲都唔錯!! 

但這個Mall, 如果享受啲設施和環境, 又真係幾好玩嘅!!