生日

October 15,2014 (Wednesday)

幾快又十月.

我是十月之星.

可能, 我自成長以來, 對慶祝生日, 都無咩觀念. 我試過好平靜下過生日. 平靜到好似平常一日咁過.

但每年一到這個月, Brian 都緊張過我.

因為他緊張訂唔切蛋糕, 緊張訂唔切檯食飯, 成日催我, 叫我諗定, 有咩地方想食, 要食餐生日飯,慶祝.

↓今年生日揀咗南瓜芝士蛋糕, 這餅鋪係溫哥華破有名氣.  雖然一早落訂, 卡也擦埋. 但到pick up前一個鐘, 餅鋪來電,「 蛋糕材料還未到. 蛋糕不能準時給你.」 ...Brian 對慶祝好緊張, 聽到電話咁講, Brian 真係好唔客氣與餅鋪理論. 最後,  餅鋪答應, 臨收工前趕起. 但他們收工時間是5pm. 我們放6pm. 所以, 這蛋糕要勞煩Brian's daddy 去pick up......最後, 都有生日蛋糕可以吹, 12am 就切蛋糕和許願. 都係Happy

寄然, Brian 時常要我想地方吃, 來慶祝我生日.

而我自己最愛是吃街外早餐.

生日便早點起身, 出街食個靚早餐


↓生日當天, 食咗個西式早餐, 仲有杯好好飲嘅雲呢拿milkshake.  

↓蝶香腸, 煙肉, 雞蛋, 薯角和pancake係我㗎!! 最鐘意依啲食完有罪惡感嘅早餐. 哈哈~~而另一蝶係Brian嘅早餐. 好似係類似麥當當個豬柳蛋包咁, 

 



這年生日, 是在閒日.

但都出咗街食飯慶祝.

還要過橋 (等同香港過海咁), 去對面海食飯.

平時, 就算出街食, 唔會去太遠. 但生日, 就有啲特權.....哈哈~

生日飯-----去咗食日本人開嘅餐廳食. 


↓生日飯, 首先食咗生蠔, 最鐘意就係有酒飲.啤酒旁邊係好美味嘅牛油果沙律

 


↓生日就黎張合照, 還食咗炸蠔wrap

↓依間餐廳, 係sell 小食, 真係全menu 都係小食, 咁咩小食都食啲, 好似食咗好多嘢咁.....食咗燒香腸薯容,煎餃子

 


↓炸雞翼, trffule oil薯條(依碗薯條好香, 好好味!!)

 


↓食咗壽司

 



↓還有,龍蝦芝士, 秘製嘅日式咖哩飯 (由於講到係秘製, 啲咖哩汁係遍黑色, 但又幾好味)

 

↓仲食咗炸雞件

↓甜品, 食咗法式焦糖燉蛋和日式Parfait (有小丸子,紅豆沙, 芝麻雪糕, 椰果)

 

一年, 我覺好快

過去一年, 在玩嘅, 食嘅, 工作嘅, 生活嘅. 都經歷好多

我唔知黎緊一年, 我又會遇到咩!

但有一個緊張大師係我身邊, 我覺我遇到啲咩, 都唔會孤單.