離開--火舞黃沙之地

September 15,2014 (Monday)

除了北極光.

依度 (Ford McMurray---加拿大其中一個市鎮), 真係周處都係油沙工業地.

除咗油沙, 還有煉油廠, 還有天然氣廠.

全部, 重工業.

去襯邊一處, 通樹都係金金黃黃嘅沙泥.

連街上啲車, 大部分車身, 都佔滿沙泥.

日日都感覺自己係沙泥中旅行般.

又可能,依度係以重工業為經濟主流.

重工業, 就需要大量體力嘅員工.  所以, 依度(Ford McMurray)啲人, 無論男女, 身型都比較大隻. 

總之, 當地啲人就比較粗擴型.  連談吐和舉止. 都有別於溫哥華啲人.   講真, 都幾嚇我一驚!!

不過, 黎依度嘅主要目的是----北極光. 

雖然, 睇得好弱嘅光. 但好過無.都算達到目標. 




↓一出到Ford McMurray啲公路, 就是這些油沙工場, 啲沙就係周處飛. 啲工業氣體也周處飛. 但這些地低藏有很多, 很有價值嘅石油, (車用的石油), 利潤相當高, 所以, 這個小市鎮, 係全加拿大最少稅要交嘅地方. 

↓雖然, 係小市鎮, 但我哋係住酒店, 都揀當地最多星星評分嘅酒店住, 因為我哋好多時間會係酒店瞓和食, 到深夜, 先至會出動, 坐車去Ford McMuarry 北部啲郊區看北極光

 




↓其實, 每日等北極光, 等到零晨4am, 返回酒店梳洗, 又同朋友傾計和飲酒, 都成天光先瞓, 我哋成12pm-1pm 先落酒店開始我每一天嘅第一餐, 其實, 都唔知係早餐定午餐, 酒店供應咩就食咩!! 哈哈.  雖然, 酒店係以自助餐營式, 但味道, 好麻麻哋, 但勝在夠熱

 


↓係酒店食, 就係依啲自助餐, 味道馬馬哋. 我真是搬咗去溫哥華之後, 味蕾比溫哥華寵壞了 

↓這間酒店嘅自助餐, 最有特式, 算係甜品. 但餐餐食自助餐, 日日選擇是一樣, 好似有啲悶.

↓去旅行, 就想周處走, 所以, 就去Ford McMurray 市中心揾食, 順便行商場, 諗住依度稅少, 見到咩想要就去買....點知, 咩都睇唔岩. (而且個商場啲鋪頭賣啲野, 好大路, 全是一般連鎖店嘅鋪頭.)

↓我哋係Ford McMurry, 去咗食一餐日本餐, 我哋係網上摷依間日本餐出黎, 講真, 又真係唔差!!

 


↓仲有鐵版牛肉, 都唔錯!!最後, 黎張全體相. 因為過埋依一日, Brian 有個朋友要離團, 返美國開工.

在Ford McMurray三天, 日日置身火舞黃沙般

去襯邊, 都無咩交通工具, 地方又太廣闊.  下下去啲地方都唔就腳.

風景---- 又唔太多吸引, 最多係油沙工業地!!

說實話, Ford McMurray 依個地方, 唔係我杯茶. 去一次就夠.

我承認自己, 好膚淺, 鐘意大城市, 熱鬧, 方便, 多風景睇嘅地方.

咁去旅行, 就係想好玩啲, 多娛樂啲嗎!!!

但去了轉Ford McMurray 比我知道, 原來加拿大真係好大, 個個省, 每個小市鎮, 都有獨有嘅生活. 真係估唔到加拿大都有一個火舞黃沙嘅地方. 




↓其實, 我這次個旅程未完結. 我哋會飛去加拿大---Edmonton(埃德蒙頓)再玩過. 而Ford McMurray 飛去Edmonton 只係1小時飛機. 

 


↓Bye bye 火舞黃沙, 我去Edmonton, 其中一個booming 緊嘅加拿大城市.