台式飲品

October 25,2014 (Saturday)

其實, 我未真正去過台灣.

但間唔中都想飲返杯-------台式飲品

可能, 我就是喜歡, 台式飲品, 夠多元化.

好彩, 係我依樹, 找台式飲品店, 都很方便. 而且, 很多都是比較正宗 (都是聽網上評語講咋.....哈哈~~)

不過, Brian 話, 當年他剛移民黎溫哥華. 真是台灣移民仲多過香港移民!! 那時啲台灣食店及台式飲品. 還要比現在更地道.  而家,  啲台灣移民好似唔見晒咁.

唔理........痴咗條根, 就馬上去!!

仲要一連去足幾躺.


↓依間台灣食鋪, 有埋crepe 食, 燒雞crepe 整得不錯, 再配杯芝麻冰沙. 好美味嘅下午茶

 


↓飲一次當然唔夠喉, 有時間再去飲, 飲咗鮮木瓜芒果沙冰和朱古力oreo 沙冰 (全部沖都好啱味, 啲沙冰好幼細, very good!!) 另外一次, 就食咗台式操肉飯+波羅冰沙!!

 

↓溫哥華好多台式食店, 裡頭有特式飲品和台式食物供應.  最緊要係台式啲鋪頭, 就算鋪頭面積係大or 少, 環境裝修都係舒服. 真係叫一杯特飲, 可以好舒服咁嘆. 芋頭oreo 沙冰,係Brian 至愛, 我就飲綠茶雪糕冰+涼粉(啲綠茶味....好香!!)

 


↓一杯普通size, 份量不細, 飲完都飽飽哋. 但都忍唔住叫客肉鬆多士. (好味嗎!!)

 


可能, 台式飲品夠多選擇. 這邊的外國人非常接受. 

每次去台式飲品店,  一定有很多外籍人士購買. 

連非華裔同事, 也會主動提議去台式店黎個happy hour!! 哈哈
.
.
.

原來, 依幾個星期, 我個胃, 好似變咗台灣胃. 真係飲咗好多杯台式特飲多過飲星星咖啡. 

生日

October 15,2014 (Wednesday)

幾快又十月.

我是十月之星.

可能, 我自成長以來, 對慶祝生日, 都無咩觀念. 我試過好平靜下過生日. 平靜到好似平常一日咁過.

但每年一到這個月, Brian 都緊張過我.

因為他緊張訂唔切蛋糕, 緊張訂唔切檯食飯, 成日催我, 叫我諗定, 有咩地方想食, 要食餐生日飯,慶祝.

↓今年生日揀咗南瓜芝士蛋糕, 這餅鋪係溫哥華破有名氣.  雖然一早落訂, 卡也擦埋. 但到pick up前一個鐘, 餅鋪來電,「 蛋糕材料還未到. 蛋糕不能準時給你.」 ...Brian 對慶祝好緊張, 聽到電話咁講, Brian 真係好唔客氣與餅鋪理論. 最後,  餅鋪答應, 臨收工前趕起. 但他們收工時間是5pm. 我們放6pm. 所以, 這蛋糕要勞煩Brian's daddy 去pick up......最後, 都有生日蛋糕可以吹, 12am 就切蛋糕和許願. 都係Happy

寄然, Brian 時常要我想地方吃, 來慶祝我生日.

而我自己最愛是吃街外早餐.

生日便早點起身, 出街食個靚早餐


↓生日當天, 食咗個西式早餐, 仲有杯好好飲嘅雲呢拿milkshake.  

↓蝶香腸, 煙肉, 雞蛋, 薯角和pancake係我㗎!! 最鐘意依啲食完有罪惡感嘅早餐. 哈哈~~而另一蝶係Brian嘅早餐. 好似係類似麥當當個豬柳蛋包咁, 

 



這年生日, 是在閒日.

但都出咗街食飯慶祝.

還要過橋 (等同香港過海咁), 去對面海食飯.

平時, 就算出街食, 唔會去太遠. 但生日, 就有啲特權.....哈哈~

生日飯-----去咗食日本人開嘅餐廳食. 


↓生日飯, 首先食咗生蠔, 最鐘意就係有酒飲.啤酒旁邊係好美味嘅牛油果沙律

 


↓生日就黎張合照, 還食咗炸蠔wrap

↓依間餐廳, 係sell 小食, 真係全menu 都係小食, 咁咩小食都食啲, 好似食咗好多嘢咁.....食咗燒香腸薯容,煎餃子

 


↓炸雞翼, trffule oil薯條(依碗薯條好香, 好好味!!)

 


↓食咗壽司

 



↓還有,龍蝦芝士, 秘製嘅日式咖哩飯 (由於講到係秘製, 啲咖哩汁係遍黑色, 但又幾好味)

 

↓仲食咗炸雞件

↓甜品, 食咗法式焦糖燉蛋和日式Parfait (有小丸子,紅豆沙, 芝麻雪糕, 椰果)

 

一年, 我覺好快

過去一年, 在玩嘅, 食嘅, 工作嘅, 生活嘅. 都經歷好多

我唔知黎緊一年, 我又會遇到咩!

但有一個緊張大師係我身邊, 我覺我遇到啲咩, 都唔會孤單. 

感恩節假期

October 12,2014 (Sunday)


十月的長周末假期. 便是感恩節.

現在的長周末, 我最想的是......休息, 休息和休息. 以及瞓耐一點. 

我真係懶到連最應節嘅火雞, 我都費事整. 

但Brian 是一個比較應節嘅人.

他自行買晒所有材料. 他自己動手整.

我只是見到Brian 托住十多磅嘅火雞, 有點吃力. 我才run 去廚房幫他一起托火雞入焗爐.

今年, 我只需用一點棉力, 就享受到感恩節嘅火雞餐.


↓感恩節, 係加拿大嘅大節日, 個個都趕返自己屋企同家人聚. 今年感恩節, 一如以往, 整咗隻火雞(火雞肚內有蠟味糯米飯). 而今年感恩節餐嘅頭盤, 就創新啲有大蒜香草大蝦

 


↓感恩節另一樣頭盤係牛油果番茄沙律, 全部食物放埋一齊.....開餐啦!!

 


↓年年感恩節餐嘅table setting. 到食完個table setting 都好完整. 一點混亂都無. 還有, 感恩節餐,當然飲返啲酒, 一開就飲咗兩支

 

---------------------------------------------

咁一連三日感恩節假期. 

當然, 有啲街出. 

其中一日去咗「賞酒大會」

其實, 「賞酒大會」都係一大班人一齊食餐飯, 順便一齊品賞紅酒.

依個活動, 原本一個月就舉行一次. 

但剛過去嘅夏天, 比較多人去旅行, 所以, 這個活動, 隔咗兩個月先再舉行.

依個時期, 個個舉起酒杯, 除咗賞酒, 也希望香港會更好. 

「佔中」, 催淚彈......真係煽動好多人嘅心. 


↓「賞酒大會」每對couple供獻一支酒出黎, 順便介紹下. 又順道一齊食下飯, 傾下計.

 

↓每次都可以飲到好多不同地方嘅酒. Happy!!

 

↓而今次「賞酒大會」食中餐, 食咗隻鴨, 裡頭好多好甜嘅蘑菇, 又食咗甘蔗雞. (啖啖肉, 好味)

 

↓還食咗魚腩煲(食極都有嘅煲), 甜品係甜薯,芋頭雪耳糖水(潤)

 

---------------------------------------------


而係放假, Brian 屋企個廚房都會喺灘凍嘅狀態. 

所以, 通常一放假就出街食.

去咗一間家庭式西餐廳食飯. 


↓首先一齊, 食咗甜薯薯條, 之後, 每人一蝶主菜. 

 


↓由於, 依間家庭式西餐廳係食雞肉為主, 所以, 個個都食雞, 但配菜就不一樣

 


↓肉汁薯條係配菜黎, 但啲肉汁薯條, 多到遮住個主菜. 哈哈. 最後, 去食埋甜品 (拿破崙蛋糕+ 南瓜味咖啡)

 


全個感恩節假期, 每日都係得一個頂點, 作節目. 

依個頂點, 就係出街食飯囉. 

之前之後, 都係休息狀態. 差返好多電!! 

依家, 休息多咗, 成個人都精神啲, 整個人都定咗.---感恩.

開始唔洗痴住Brian 瞓, 都瞓到較.

大發現

Oct 11,2014 (Saturday)

近排, 發現了, 幾撻新地方.

不過, 依啲新地方, 全都是「食」嘢嘅地方.

一有空檔, 就即刻去食.


↓首先, 我發現, 我依家住緊嗰區, 有間chinese 甜品店.  終於, 唔洗過橋去Richmond 區, 先有chinese 甜品食. 其實, 這間甜品店, 主打係homemade 雪糕, 但除咗雪糕, 其他甜品都好出色. 今次食咗仙草蜜撈(鐘意裡頭啲芋圓, 好煙銀). 仲食咗榴蓮雪糕(超級啱口味). 還外賣咗碗芝麻糊 (無影到, 但啲芝蔴糊, 好香) encore encore!!

 



之後, 發現咗傳說中, "好好味"嘅 burger 店.

佢啲漢堡肉, 係比較好啲啲嘅牛肉做.

依家, 我要食返牛肉.

當然, 食啲好啲啲嘅牛肉.

到自己接受咗, 就可以咩牛肉都食.


↓發現到依間漢堡包快餐店.(Triple O) 當然試下個....最有代表性嘅.....漢堡包,啲配料仲多到滿瀉

↓個漢堡包, 好美味, 個包啲肉, 好多肉汁.  最後, 還叫埋杯雪糕新地. (估唔到啲雲呢嗱雪糕, 食到好多雲呢嗱seeds. 好真材實料)

近日, 聽咗收音機. 

發現有間港式麵包店開業.

又近近哋.

所以, 又去逛下.

↓間新開業嘅港式麵包店, 都幾大間, 仲有位坐, 可以買完即刻食

 

↓買完即刻揾張檯食麵包. 啲港式麵包和糕點都ok 喎, 還有我鐘意嘅花生糯米滋

 


↓發現花生糯米滋之後, 就食上癮. 一經開就買黎食!!

某日, 同Brian 出外買點日常用品時.

比我發現, 即點即整嘅粢飯.  仲有啲steam 點心. 

所以, 黎一個超中式嘅早點. 先再行街

一個粢飯, 一個糯米雞, 幾隻叉燒包, ......真係估唔到係加拿大可以咁樣食早餐. 


↓發現到商場裡, 有即點即整嘅熱辣辣粢飯和蒸點心食. 就食完先行街

 



黎咗溫哥華剛剛一年啦. 

都開始建立到自己心水嘅飲食list.

而且這兒, 經常比我找到新驚喜.

不過, 我相信有更加飲食地方, 仲等待緊我去發掘.

但起碼, 我而家突然間痴條根, 好想好想食某啲食物, 我都知訂. 識得去邊樹買黎滿足下自己味蕾.

-----------------------------------------------------------

除了吃.

我覺係溫哥華住, 係購物方面, 真是方便好多

買亞洲物品, 無局限要去邊度買!!

真係連西人超級市場都兼顧到亞洲貨品

近日, 開始涼咗啲. 買咗啲雪梨, 紅棗. 

燉冰糖雪梨紅棗水, 黎潤一潤.


↓用咗蒸爐燉雪梨紅棗水.