早咗啲---生日禮物

September 4,2014 (Thrusday)

嘩!! 神神秘秘!!

放工返歸, 一開門, 見到門口有一個, 好大好大個盒. (個盒,到我條腰咁高)

Brian 爸, 即刻同我講: 「依個package 係我接收㗎!! 個盒寫咗你個名」

即刻答返: 「唔該晒. Brian爸」

其實, 見到個盒, 都知係咩黎. 大大隻某品牌嘅字係個盒度. 好難唔知係咩!!

唔洗問, 依個package, 都知Brian嘅攪作啦!

雖然我下一個月才生日. 但依家收到, 當然, 都開心啦! 我依家成日不自覺同依份生日禮物 (金色喼) 打招呼. 哈哈~~

其實我舊年, 都好想要依個金色喼, 但舊年要好短時間內, 要由多倫多搬黎溫哥華. 又多嘢攪, 又多洗費.....這個金色喼, 已經無再打算.

但今年, 可擁有啦!! Thanks thanks Brian.




↓門口個大package 就係依個"金色喼"......而家儲齊三個啦!! Yeah. 有三個輕身喼, 可以去旅行發癲購物啦! 

 



原來唔止一份, 除咗"金色喼"做生日禮物外.

同日, 係Brian, 送埋個粉紅色相機和手錶比我

依兩份禮物, 見到眼都凸.......

因為太破費啦!! 但又好有用!!!



↓第二份生日禮物, 就係依部粉紅色相機, 買得依隻色, 真係只得我用到啦!! Brian 用粉紅色實比途人眼望望啦!!

 


↓其實, 我舊年去完法國, 舊嗰部相機已經唔用得!! 平時, 我都係用手機影相咋!! 而家, 有依部新相機, 還可以調較鏡頭, 但體積又唔大. 鐘意

 




還有, 一隻錶, 都係生日禮物黎㗎!! 

用完隻錶,  即刻覺超級有用

平時, 手提電話來電, 電子郵件, 我成日都後知後覺.

因為我長時間把手提電話set係silent mode. 真係要check 先知有missed call or email.

依家, 有咗依隻錶, 可以把手提電話和手錶連接, 所以, 手提電話來電和電子郵件一到. 手上嘅錶會鎮一鎮. 還即刻check email. 好方便!! 



↓另外一份生日禮物, 係連接手提電話嘅手錶. 

 



嘩嘩嘩!! 一次過收到三份生日禮物. Happy 萬分

雖然, 早好多收到生日禮物. 但可以早啲用嗎!!