雪糕, 熱狗車, 小炒

April 27,2014 (Sunday)

發覺自己, 每個星期日, 部手提電話嘅影集, 都會多咗好多相.

緊係啦!! 星期日, 我同Brian 真係好努力, 出咗街. 去一達地方, 就會影啲相, 這個行為, 已經成為生活嘅習慣.  真係儲儲埋埋一渣相. 哈哈~~

不過, 就係影相, 幫我記錄咗生活嘅一切, 有時, 就係我影啲相, 提返我, 我去咗邊一度. (哈哈~我確實, 係無咩記醒吖嗎, 都唔怕應!!)
.
.
.

這個星期日, 一朝早, 車Brian 媽去朋友度, 我和Brian 都係第一次行, 這一段道路, 好彩依家有GPS, 真係去新地方, 都放心好多. 

點知, 就係好心車Brian 媽, 比我和Brian 發現咗溫哥華的最大間雪糕店嘅所在地.

這間雪糕店出名在於, 內裡有100種雪糕味道選擇. 而且, 雪糕店面積大, 真係似同雪糕shopping 咁.

其實, 一入到間雪糕店, 望到啲雪糕顏色, 好唔實在, 似落咗啲人造色素. 但黎到, 就即本試下. 



↓雪糕店內裡大到不得了, 雪糕櫃有成270度咁圓, 圍繞住整間雪糕店,  啲雪糕選擇, 多到唔知點揀, 所以, 可以試味之後, 先下決定. 買邊隻雪糕食

↓啲雪糕多到唔知點揀

↓最後揀咗榴蓮味雪糕和栗子雪糕. (榴蓮味雪糕幾好, 但另一隻就馬馬), 臨走見到有雪糕蛋糕賣.

而這個星期日, 最想去嘅, 就係食日式hotdog.

因為, 這些日式hotdog, 擺放流動食物車發購.  咁啱架車, 流動黎我哋居住嘅區域, 所以, 特別想去食!!!

叫得日式hotdog, 啲hotdog 就是以日式食材做熱狗嘅元素. 好似紫菜熱狗, 麵豉醬熱狗....等等.

其實依間日式熱狗流動車, 已經開到上舖. 開埋分店去美國添!! 只係我哋貪"就腳", 所以, 就去食!!! 

而且, 好耐無食街邊野, 想食下街邊嘅風味!! 哈哈~



↓流動日式hotdog 車, Brian 負責叫野食

↓幾多日式hotdog 選擇, 還有日式薯條添! (日式薯條, 即係seaweed 紫菜薯條, 牛油蒜味薯條)

↓我同Brian 嘅美味日式熱狗午餐 (Brian食麵豉醬肉碎熱狗, 我食soba 炒麵熱狗), 還有紫菜薯條和牛油蒜蓉薯條

食完, 就周街行下, 而家還是櫻花處處, 原來櫻花嘅花期, 都可以有兩個月.

不過, 依家啲櫻花開始謝, 就變咗周地粉紅色櫻花. 有時, 出完街, 對鞋都會黏到粉紅色櫻花. 


↓櫻花, 開始謝, 全地都係粉紅色

由於, 每個星期日嘅黃昏都要去教堂.

見去教堂前, 有啲時間, 就去附近嘆下咖啡.

發覺係溫哥華, 我最愛嘅咖啡店, 有很多分店, 還要每間分店, 啲裝修都很特式, 很舒服. 西岸啲人, 我覺懂得享受啲.

↓這間咖啡店, 有個花園, 坐室外, 比風吹下, 比太陽晒下, 人都舒服好多.

星期日, 去完教堂. 都差唔多食晚餐時間.

通常, 星期日晚餐, 都會出街食.

今躺, 去了一間小店, 叫小炒食飯.  啲小炒好好味呀!! 好好餸飯.

有時, 我覺係溫哥華住, 就係食依一方面, 真係會特別唔同啲.

唔洗去高級餐廳, 普普通通嘅小店, 都食到美食, 近海居住, 原來係差好遠!!

↓晚餐, 食了皮蛋咸肉粥, 鹵水花生豆腐

↓晚餐, 食了梅子蒸魚(好好食), 炒咗蝶通菜(好食)

↓晚餐, 還吃了沙薑雞 和 白飯魚炒蛋

每個星期日, 我就係一氣呵成, 由朝去到夜晚.

所以, 每個星期日, 我部手提電話嘅相集, 實多咗好多食物相!! 哈哈~~