直落

April 21,2014 (Monday)


仍然是復活節假期.

這年, 放足四日. 我覺好驚訝! 但當然, 可以放多啲, 我都唔介意. 哈哈~~

有假期, 就盡量諗啲活動比自己. 輕鬆下,都好。

所以, 就去咗剪頭髮, 行街, 睇戲直落............

講到直落, 好似好勁, 好多節目咁.

其實, 我嘅"直落"嘅意思, 就係睇完戲, 即刻走咗去食晚飯. 而之後, 就返歸瞓啦!  哈哈~~


↓一朝早去剪頭髮, 好彩係假期裡面, 髮型屋, 都照開門.  剪到整齊啲, 就去玩!  今次專登要剪短啲, 長度啱啱touch shoulder. 剪完幾日, 都無扎馬尾, 但之後, 就好懶, 唔係太想用時間梳頭, 所以, 一星期後, 又扎返馬尾. 因為方便

復活節假期, 當然會去行下街. 而家, 加拿大啲零售算係咁.  啲商場係假日都照開. 係早啲close之嘛. 好過無得行

而Brian 又推使我用新科技啦!!  所以, 行街嘅目的. 就睇下啲電子產品. 當然啲產品, 要啱我channel啦!!

一有粉紅色, 我就會比心機用. 


↓所以, Brian 買咗粉紅色keyboard 比我. 整埋Hello kitty home screen. 黎比我習慣新電腦.

↓復活節行街, 買了盒Hello kitty Puzzle.  寫明係3D Puzzle. 砌完要用3D 眼鏡睇 (puzzle 盒上的眼鏡), 用副眼鏡睇Hello kitty & Daniel 就有3D 效果. 其實, 只係少少特別效果.  有啲呃細路成份. 但我喜歡這副puzzle 有Daniel. 而且, hello kitty and Daniel 又一齊渣住把遮. 我覺喻意 "風雨同路".  所以先買

↓第二日, 仲去買個相架, 箱起幅"風雨同路"puzzle.  

↓行街, 唔少得買零食. Rum & Raisin Pocky sticks 上咗癮, 大量入貨, 返工食.

而係復活節假, 依邊嘅戲院, 竟然有港產片上影.  

咁當然, 就走去睇啦!!  講真, 我都唔知幾多X年無睇過港產片. 而且, 我覺睇戲, 都係幾好娛樂.  而且, 仲係香港味道嘅娛樂. 簡直perfect.

我哋睇咗齣港產片叫「魔警」有張家輝和吳彦祖(靚仔). 

齣戲唔錯. 可能我太耐無睇港產片, 睇完「魔警」, 覺依家啲港產片, 啲橋段, 進步咗好多呀!!

  
↓戲院票 (用員工福利買, 有買一送一優惠).  由於係戲院內唔比影相, 好求其偷影咗張相. 睇戲有中文字, 廣東話對白. Happy~

睇完戲, 就直落去食飯.

去咗食, Brian 近期, 最喜歡嘅台灣嘢.

其實, 今次去食台灣嘢 , 都係特登帶Brian 父母去試. 因為他們成日聽我和Brian 食台灣嘢 . 所以, Brian 父母想知台灣foods 有咩特別.  因此, 係復活節假期同Brian 父母去食一次.

好彩, Brian 父母都肯試新嘢 , 唔會一邊食, 一邊擴拒. 仲食得多過我& Brian 㖭!!


↓食咗鹵水蛋, 飲咗仙草蜜, 芋頭oreo 沙冰.

↓食咗鹽酥雞, 鹵大腸, 炒羊肉

↓三杯雞, 仲有台式炒米(無上鏡), 最後, 還吃了豆腐花.

↓四日時間, 過得幾快, 放完復活節假, 就開工. 這天, 第一日帶新電腦開工, 部電腦係陪我食lunch和遊blog.