日光日白去飲酒

April 26,2014 (Saturday)


日光日白, 陽光高掛. 正常情況, 去賞花就最perfect.

↓四月尾, 一出門口, 仍是櫻花處處, 原來櫻花嘅花期, 都應該有成兩個月

但我都估唔到, 日光日白,竟然去了賞酒, 還飲足成個下晝!!

可能Brian 父母性格開朗, 他們識埋啲朋友, 即係我稱附嘅Auntie & Uncle. 也是十分開朗.

這班Auntie & Uncle 係lunch time, 舉辦了一個「點心大會」. 話就話點心聚, 但實話, 就係「賞酒大會」.

這餐茶, 點心都未到, 已經飲緊酒, 還越飲越多. 未飲完一支, 已經有第二支出現.

真係飲到, 都唔知啲酒, 係邊度走出黎.


↓雖然, 點心未到, 但初頭好哋哋, 會一支一支飲.

↓之後, 就好失控, 一次過開兩支酒. 依日啲點心, 又黎得慢, 真係飲多過食.

↓點心開始一窩蜂到達, 這時, 有個Uncle 介紹用"白蘭地酒點春卷"黎食.  用依個方法食春卷, 又真係幾鮮味.  不過, 感覺班Uncle, 真係顛到連食點心, 都要同酒有關鏈. 

↓去到點心甜品, 啲酒, 還沿沿不絕, 想飲多啲, 都有. (有啲酒已經飲完, 收瓶啦)

↓到最尾, 全檯酒, 清晒.  雖然檯面, 只有5支酒. 但當日全部酒係x2. 即係每一支酒, 都打孖黎開, 每款開兩支,  得10 個人. 係日光日白下, 咁飲法, 都幾得人驚. 

雖然, 飲下酒, 傾下計, 嘻嘻哈哈, 又確實好好玩.

但下晝飲完酒, 出街就有啲唔方便. 此於, 個身有酒氣, 咁樣出街行, 好容易比警察懷疑. 所以, 下晝飲酒, 打後嘅時間, 無得周圍去. 好似無咗成日咁.

都係喜歡夜晚賞酒多啲. 起碼, 飲完之後, 都係時間返歸嗎!! 而且, 我感覺夜晚飲酒, 好似襯返個氣氛多啲.