皇帝蟹當造, 所以, 又去食皇帝蟹.
今次一大班人去食, 當中有外籍人士.
所以, 除咗食皇帝蟹, 仲食咗好多其他餸菜. 還飲埋不同類嘅酒. 全餐飯不知食咗幾耐. 食到餐店得返我哋一圍. 我哋先捨得走.
次次同這班人出街食飯都係咁, 食到餐店就打揚, 我哋先有意識離開. 但食得好歡樂.
↓皇帝蟹. 我哋要食你啦!! 一蟹三食, 蟹腳蒜容蒸, 由於今次隻蟹比較大, 蟹腳都有兩大蝶
↓蟹身用頭抽炒, 用頭抽,我覺好野味. 而蟹殼啲精華, 用黎焗葡汁飯. 好香!!
↓除咗蟹, 還有菜乾豬肺湯, 還有酥脆豆腐
↓今餐晚餐, 比較人多, 雞都食咗兩隻, 其中一隻, 係食豉油雞, 另外一隻係炸雞, 但這隻炸雞, 係雞肉和雞皮中間有層糯米飯. 好特別. 令我食唔停.
↓還吃了條蒸魚, 還有金銀蛋波菜.....好似仲有其他餸菜, 但影唔切.
↓依餐飯, 除咗食, 酒也飲不少, 啤酒, 白酒.
↓還飲了紅酒, 甜品係黑芝麻批, 啲黑芝麻醬好香.
有部份人, 食埋依餐飯, 第二朝就返香港. 繼續工作.
有時, 係度諗, 依個世界係咪調轉咗, 黃皮膚嘅人就係加國生活. 白皮膚嘅人就返香港. 身份和角色, 好像對調咗. 諗起都好笑
睇到妳寫"好似仲有其他餸"我就笑咗，心諗，唔通Vicky醉咗，所以都唔肯定之後仲有D咩食同埋影唔切，然後睇埋妳話呢餐飯有好多酒飲，我直頭奸笑，wakaka kaka!其實都係講笑，我估妳應該係好會節制嘅人!
ReplyDelete海豚兒:
Delete~你有所不知, 我個中文名有四個字, 叫做"千杯不醉"....哈哈 (講笑咋!!) wakaka
~你想像力豐富, 我玩都可以好投入, 但唔會去到, 你咁諗 (drunk 咗) 哈哈~~ 不過, 無論什麼酒, 都是用來品賞. 而且酒, 真係令氣氛高脹啲. 哈哈~~
~其實當日我哋叫咗太多食物, 而且依間啲食物, 蝶頭好大, 有啲放咗去隔離臺, 所以無影到, 而且食蟹, 對手已經好唔得閒啦!! 哈哈~
幾多$磅啊? 呢幾年越來越貴啊? 個金沙豆腐+胡椒豬肚湯最令我回味!
ReplyDeleteichigo:
Delete~啲蟹都好跟市價. 而且睇下你去邊間食. 我覺間間收費都好唔同.
~今年食皇帝蟹, 我試過$25, 又試過$30, 亦都知有啲酒樓要$3x. 我唔知算唔算貴呀!! 但依個時候, 啲蟹肉真係幾甜美, 而且, 一大班人食, 食得開心, 好緊要.
~個湯和豆腐, 都好似係早一日order㗎!! 依家啲酒樓, 真係好講究, 特別啲啲嘅食物, 要早啲訂先有. 但真係好味嘅!! 哈~
Wow, Vicky 你哋又去食皇帝蟹呀 真係太正啦!!
ReplyDelete另外我對嗰個有糯米飯的炸雞都好有興趣 諗起有脆脆的雞皮 再加 "煙 un" 的糯米飯......whoo! 好味道呀!!!
Jackie Lee:
Delete~其實, 溫哥華一年四季都有皇帝蟹食, 但依家當造啲, 啲肉質就會甜就會比較多人食. 我每年都會係溫哥華食一次, 其實諗諗下, 自己以前真係黎過溫哥華好多次. 未黎溫哥華定居, 已經每年都食到皇帝蟹. 有機會過黎溫哥華食皇帝蟹, 你一定會鐘意
~其實, 我同你食野嘅口味都幾岩. 我都好鐘意個糯米飯炸雞, 依個餸, 我都係第一次食, 但依個組合, 我覺好正呀!! 個日我不停食依蝶餸. 依個餸, 真係自己整唔到. 但就好美味!!
點樣煮都好味嘅皇帝蟹呀，我又想食添。
ReplyDelete中餐廳有個咁西式嘅甜品？
又啤酒，又紅酒白酒，真係開心嘞。
Jackie Green:
Delete~我都覺, 皇帝蟹真係點煮都好美味. 依排又當造. 更好味. 其實, 我聽酒樓啲人講, 一年四季都有皇帝蟹食. 但依家啲皇帝蟹當造, 就會鮮甜啲. 就比較多人食. 我記得有年十二月, 我食過俄羅斯皇帝蟹, 我覺俄羅斯皇帝蟹好食啲. 啲肉質仲好啲. 但俄羅斯皇帝蟹唔係成日有.
~個甜品係酥皮蓮容西米布甸, 演變而成. 因我依班朋友, 有人唔食蓮容, 又有人唔鐘意西米, 所以, 個廚就整咗個黑芝麻酥皮比我哋食
~依日, 真係咩酒都飲, 其實仲有支sake. 無上鏡. 但同一大班人食飯, 大家都飲下酒, 氣氛都好啲. 好玩啲.
流口水，我好鐘意食海鮮
ReplyDeleteFlora Chiu:
Delete~你鐘意食海鮮, 依個皇帝蟹, 你會好鐘意.
~我搬黎溫哥華之後, 食海鮮都多咗, 因溫哥華啲海鮮都幾多選擇, 撞岩當造, 啲海鮮都唔係好貴. 有無機會黎溫哥華工幹?? 你一定要餐餐食海鮮.
雞肉和雞皮中間有層糯米飯, 好特別, 整這款炸雞, 功夫都唔少....真係未食過. 俾講到我流口水 !
ReplyDelete世界冇對調, 應是更共融....更多機會交流...
大海冬日:
Delete~糯米飯炸雞, 我都係第一次食, 個組合好完美. 要特別預訂先有得食. 但咁樣食法, 好岩我, 我食咗依蝶糯米飯炸雞, 食咗好多件.
~依家世界就係咁奇妙!!
wa!太正了~好想食呀~~~~
ReplyDeletetintin morita:
Delete~全都美味!! 搬咗黎溫哥華, 真係多咗好嘢食!!
糯米飯最吸引！
ReplyDelete我諗去VANCOUVER食王帝蟹就好似去BOSTON食龍蝦， 不得不試。
Angela:
Delete~個糯米飯炸雞, 真係好完美配塔. 我依餐除咗啲蟹, 就夾得最多係依蝶糯米飯炸雞.
~因此, 你下次有機會黎溫哥華, 就要食皇帝蟹
很豐富的大餐呢 !!
ReplyDeletewing yi mo:
Delete~人多嗎!! 所以就有機會試多啲餸菜.
Hi Vicky,
ReplyDelete好正的一餐啊!
頭抽皇帝蟹最惹味, 還有豬肺湯和芝麻批......好像是"凱旋"喎,是嗎?
愛Shi家庭:
Delete唔係"凱旋"呀!! 依餐飯係"豐擇樓"食. 以前叫"大三元".
我睇到金色枱布, 個圓形圖案好似, 誤會咗添! ^ ^
Delete咁係因為....加國冇咩好工作? HAHAHA.....................同埋佢地黎香港工作BENEFIT 好正囉:)LOL
ReplyDeleteCHERRIE 農夫:
Delete~咁你而家係香港工作緊??
~其實, 我覺係加拿大工作嘅收入, 係唔差!! 不過, 我認為無論係邊一個國家, 啲工種都差唔多, 一樣有白領, 一樣有藍領, 只係你企係邊個角度睇. 我好多香港啲friends 都羨慕加拿大啲Benefit. 但你又話香港工作Benefit 好正. 所以, 都係睇你身處咩環境睇.
~不過, 我都明, 際遇都好影響一個人嘅選擇. 有啲人係自己hometown 找不到工作, 但係外面, 一找便找到. 所以, 真係好講一個人嘅際遇.
正呀!!!皇帝蟹~~Yummy!!!
ReplyDeleteEmily Bubi:
Delete~我都一年至少食一次皇帝蟹, 真係好鮮甜美味呢!!!! 而且, 班朋友, 全部都鐘意食, 咁大隻蟹真係一大班share 食, 先開心!!
蒜容蒸蟹超吸引, 望見都想食呀!
ReplyDeleteSylvia Cheong:
Delete~用蒜蓉蒸, 野味啲!! 不過, 皇帝蟹真係點整都很美味!!
嘩嘩嘩，又來皇帝蟹，好想食呀 ^0^
ReplyDelete哈哈...角色身份對調，人生，有時就係咁奇妙 ;-)
samsamdandan:
Delete~依期皇帝蟹當造嗎!! 而且, 班朋友全都喜歡吃皇帝蟹, 一大班人share 皇帝蟹食就最岩!!
~你講得無錯, 人生就是很奇妙. 我都估唔到自己可以在外國生活咁耐. 哈哈~~
妳地個邊食皇帝蟹係咪多數中式食法架?
ReplyDelete咁搞笑，竟然係鬼老返香港返工???
Oli:
Delete~我食皇帝蟹都係去chinese 酒樓食, 因為chinese 酒樓真係一蟹幾吃嗎!! 其實, 加拿大本土啲人, 都很接受中式食法. 我都見很多外國人去食.
~人生就係咁奇妙囉!! 有啲人在自己hometown 找不到工, 胡亂找, 又找到一份香港工作. 所以, 就返香港上班囉!! 鬼佬都係香港工作咗好耐, 好似攞埋香港id card 添!!
好豐富呀，最中意食海鮮嫁我
ReplyDeleteOphelia:
Delete~新鮮海鮮,真係幾好味, 係點煮都好味!! 所以, 我每年都最少食一次皇帝蟹!!
Vicky :
ReplyDelete< 炸雞, 係雞肉和雞皮中間有層糯米飯 > 呵呵好得意呀 , 我諗雞皮包著軟軟糯米飯再夾住雞肉 , 香口脆脆美味啊 !
Happy ak:
Delete~我覺依個配塔好好, 所以, 我食咗好多
好豐富呀! 樣樣我都好鐘意呀!
ReplyDelete小咪咪:
Delete~一大班人食, 就最好, 可以叫多啲唔同款嘅野食. 咩都可以食啲.
皇帝蟹有無邊間心水推介? 上個月朋友帶咗我去怡園~
ReplyDelete拉姑:
Delete~其實, 我黎咗溫哥華都係六個月, 身邊啲antie and uncle提議去邊就去邊!!!
~依篇blog 啲食物相,我係"豐擇樓"食!