每個星期三

March 26,2014 (Wednesday)

每個星期三, 是最多自我時間的一天.

就算工作做到七,八點. 返到歸,都是home alone.

因為每個星期三, Brian 父母要上興趣班, Brian 就例牌遲放工, Nanny 星期三off.  全間屋, 得我一個. 

說實話, 以前差不多每一日, 都會有點時間係Home Alone.

而家, Home alone 就變得稀奇及少有. 所以, 難得home alone, 我會在家中亂跳及亂跑. 甚至一邊執拾自己物品,一邊唱歌. 好真情留露㗎,哈哈~~

由於, 每個星期三, 個個都忙, 要成10pm 先食晚飯.

不過, 通常都係出街食. 食街外嘢, 感覺係會開心啲.  (因為有街出嗎!!)


↓星期三, 通常都出街食茶餐, 我會飲綠茶仙草. (近來至愛), 食咗番茄辣腸意粉

↓其他嘅星期三, 食過洋蔥咖哩雞焗飯, 又食過炸豬扒配湯麵

↓試過有一個星期三, 食外賣. (星洲炒米, 番茄豬扒飯)

其實, 我自己一個去街, 自己一個坐在咖啡店, 自己一個去購物. 自己一個在屋內, 我認為沒有問題. 而且, 感覺很自在. 雖然, 我知Brian 係我身邊, 都會很遷就我,但間唔中, 有一個人時間, 都幾舒服.



↓星期三, 有時間, 去咗嘆杯咖啡, 食bagel, 仲去購物, 買咗個keyboard

↓我係壽司怪, 放咗工, 有自己時間, 咪行下街, 咪食埋小小嘢當下午茶囉!!   也食過burger King 快餐(溫哥華好少Burger king 呀!!)

↓仲試過去買雪糕食, 依間雪糕店, 溫哥華自家品牌, 鋪位細細, 但時常排長籠. 但味道特別, 雪糕又香,又滑, 我買完即日食光. 





所以, 星期三係我weekday 裡面, 較多娛樂的一天.....這一天, 一放工, 就即刻有"Dancing mode". 周圍去, 周圍行, 周圍食, 之後返多兩,三日, 就係weekend. 又再off 過. 幾happy~~


生活上有啲節目, 娛樂下, 時間真係快過好多, 我唔覺唔覺, 都黎咗溫哥華定居半年, 原來已經享受咗半年的快樂星期三.