腳骨力

April 13, 2014 (Sunday)

依日, 好有腳骨力.

通街逛櫻花, 係咁左影右影. 

仲周圍行去揾食, 我哋主打, 食日本拉麵. 

但好多間拉麵店都大長龍, 真係排到出街. (唔知點解溫哥華啲日本拉麵店, 無論咩日子, 都有排到出街. 依一個局面出現)

但決心想食拉麵,  就要刮出去. 要企係街排隊, 就企街排下啦!! 而且, 又唔係得我一個人等. 有成班日文人同我一齊排住隊等.

日本人, 自己都幫襯. 段估碗拉麵, 唔會差得去邊. 但真係等到腳都攰.


↓就係揀咗依間日本拉麵店(這間店, 是由日本開到黎溫哥華, 店內全是日本人做). 拉麵店一貫日本傳統, 門外有一比一拉麵模型陳列. 排住隊見到, 肚餓到癲 

↓坐抵即叫件飯團食先, 我記得以前識個日本同學, 他午餐永遠都是飯團,  一啲肉都無, 最多有粒酸梅, 嘩, 他真係咬飯就飽. 當時覺他好型, 食飯團喎.  但長期咁食, 幾型都悶. 見拉麵店有飯團叫, 就叫一個黎試下. 食飯團嘅滋味

↓主角黎啦, 拉麵配小碗飯. 碗拉麵, 好喜歡, 因為夠彈牙, 而且湯夠熱, and 味道岩我. 排咗好耐隊先有得食, 都值得

食到夠. 又發揮腳骨力的力量. 再去行下街.  行咗去, 日本超級市場 

其實我自己, 每次去日本超級市場, 買就買啲啲嘢, 但就左攪右攪間超級市場其他貨品. 似入去攪亂多. 但此終都係日本嘢, 感覺好新奇和有趣.  行好耐先捨得走.

↓日本超級市場, Pocky stick, 都成行揀. 望到都happy~

↓在日本超級市場, 還見到半個人咁大嘅日式咖哩磚. 真係要影張留念下, 而我係日本超級市場, 買咗三盒pocky stick (分別有 green tea 味, wasabi味, 和 Rum & raisin味), 及買了草餅. 邊行邊食. 

每逢放假一出開街, 就會唔捨得返歸. 真係要出街行到夠先安樂.

所以, 就拉Brian 去海邊食意大利雪糕.

間意大利雪糕店, 又係排到出街. 無咩耐性, 都食唔到.


好滑嘅意大利雪糕, 食咗綠茶味和鹽味 pecan(喜歡)

最後, 還行去海邊, 影下相.

我哋由朝早11am 出發. 最後, 5pm 行埋去海邊先捨得走. 由頭到尾, 都用腳行, 真係好有腳骨力的一日


↓我身後係一間酒店, 我叫它五帆酒店, 因為有五個帆囉!  所以我咁叫佢, 以前一黎溫哥華就見到佢, 都係依家先有機會同佢影到相.

↓五帆酒店, 開係海邊, 而且, 郵輪係依間酒店旁上落, 所以, 這酒店設施好好, 但收費頗貴. 而係海邊行行下, 見到個大鵰塑, 都唔知代表咩, 但影咗先算

↓而今日收獲係一張memory card. 雖然屋企好多, 但Brian 依張會特別有用. 所以就買咗