兩個星期日

星期日, 通常都是放假天.   理應好好休息.

但又同自己講, 難得一日放假天, 就不如出下街, 行下.

所以, 現在嘅星期日, 真係很多節目, 首先, 去下超級買用品啦, 順手食埋個lunch, 再去商場行, 之後去埋Church, 再直落出街食dinner. 太陽落山, 就返到歸, 就開始洗下衫, 熨下衫.  謄足一日.

雖然,  謄足一日, 但又唔係好攰.  仲覺好好玩. 每個星期最期待----星期日!! 哈哈~~

而近日, 我係閒日多咗啲嘢要做, 所以, 就係依度, 一次過, 記錄低, 兩個星期日嘅activities.


------------------------------------------------------------------------

March 2, 2014 (Sunday)

好彩, 溫哥華比較多亞洲食物選擇.

渴求亞洲區嘅食物, 都可以即刻食到. 而且, 啲亞洲食品, 味道還很不錯!!

其實, 我哋未到星期日, 已經日日discuss 星期日去食咩!! 但講黎講去, 都係圍繞亞洲foods. 原來, 我兩個都擁有---亞洲胃!!



↓見仲涼涼哋, 我就食咗韓式海鮮麵(辣), 原來個麵跟韓式配菜和飯. 又麵又飯, 真係好重殿粉質嘅一餐. 而Brian 食台式便當, 好似係食燥肉飯+台式炸雞扒 (個炸雞扒-----好好味)

↓食完嘢, 就去行街. 買咗堆Hello kitty 物品. 仲買咗衫褲. (做緊特價再有折, 又有啱我size, 即買呀!!)

↓其實, 這個星期日行街, 都有啲任務, 就係揾電話頂部嘅插頭飾物. 行咗幾間鋪, 終於, 揾到關於Hello kitty 嘅飾物. Happy~~~

↓依家, 我啲電子用品, 多咗個飾物, 我會有多啲心機去研究,我啲電子產品.....買到頭頭好, 就買杯iced coffee 嘆住飲.

-----------------------------------------------------------------
March 9, 2014 (Sunday)

三月開始, 就要較夏令時間啦!! 所以, 這個星期日, 只得23 hours.

不過, 較快咗鐘. 就變相, 日光時間, 會長咗.

做咗好多嘢, 太陽仲未落山.  食晚飯時, 外邊個天, 仲好光猛.

這個Sunday, 瞓耐咗, 第一餐去咗食越南粉.

其實, 越南菜食過許多次, 但我第一次食越南牛肉粉. 因我開始食牛肉.

原來牛肉粉比雞絲粉, 更鮮甜呢!! 以後, 可以再食.



↓Lunch 越南牛肉粉和越南包, 個包又暖又脆, 又多料. 原本同Brian share 食一個越南包, 點知到最後, 我一個人食全個.  (我覺溫哥華都幾多越南人, 但啲越南人, 係和善樣, 而溫哥華很多越南粉麵店, 鋪內啲人, 圍內都是說越南語的)

食完越南粉, 見天氣好好, 就去咗行街, 唔覺唔覺都行好多街, 而且仲係一條條街咁行.

當中, 見到許多鋪頭仔, 雖然係window shopping 多, 雖然無咩收獲, 但認識啲唔同款型嘅鋪頭, 所處嘅位置.  第時有需要時, 就知去邊間鋪頭仔買嘢!!


↓行街後,去咗下午茶, 平時, 我哋兩個出街,食嘢嘅策略, 通常都係我霸位, Brian去買嘢食, 嘢飲. 咁係咖啡店, 都係飲coffee 多. 但估唔到Brian 買完coffee 會走去第二度買埋件餅.  而且, 曬住太陽嘆餅和coffee. 更Happy~~~

星期日, 通常會四, 五點, 都會去Church.

去完Church 都六,七點. 通常都會直落, 同埋Brian父母, 食埋dinner 先返歸. 

而Brian爸話, 聽到朋友介紹, 有間馬來food 好食.

馬來food 咁得意. 我哋個個都舉手, 話要去食.

由於, 較咗夏令時間, 晚上六, 七點, 個天都好光. 餐廳又有落地大玻璃. 成餐dinner, 就對住太陽光下食. 好有馬來feel. 哈哈~


↓馬來餐廳嘅環境ok. 我哋係第一台晚飯客,  點知唔夠10分鐘, 全場爆滿. 仲以為好好食, 點知overall 啲foods都係馬馬哋. 可能我唔識啦!! 不過, 啲侍應圍內都係講馬來語和夾雜英語. 唔知係咪咁, 所以, 我覺啲馬來foods, 夾雜馬來和加拿大style 呢?  頭盤食咗咖哩Roti

↓馬來串燒(ok), 還有海南雞飯

↓紅咖哩鴨, 馬來炒飯. (啲鴨肉好鞋)

↓最好食係個dessert, 熱辣辣榴蓮批和雪糕, 個榴蓮批啲榴蓮肉, 好香!! 超級like

我啲星期日, 就係咁, 由朝出街出到晚. 返歸之後, 仲開機洗衫, 熨衫. 直到深宵. 好似仲多嘢做過閒日. 但星期日, 又唔係好攰!! 唔捨得瞓添!! 哈哈~~ 






------------------------------------------------------------
題外話:

係溫哥華超級市場, 見到啲特別產品, 所以, 影低比blog 友睇下!

我覺溫哥華, 真係比較亞洲化. 有啲亞洲食品, 我覺香港都未必有. 但溫哥華會有.

溫哥華的亞洲貨品, 包括, 日本, 韓國, 越南, 菲律賓, 馬來西亞, 香港, ......所以, 我係度行超級市場, 成日有大發現!!

↓啲Kit kat 好像是日本版.  口味好特別. 所以, 影抵. 而另一張相, 係wasabi 豆, 我記得blog 友Angela鐘意, 所以影低