落雪

February 20, 2014 (Thursday)

原來, 溫哥華嘅二月尾, 天氣都幾溫暖! 陽光普照. 返工路途時, 還要帶太陽眼鏡添!!

有日好天到,在返工沿路上, 叫Brian停低架車係路邊, 比我影張風景相.

由於, 天氣好, 心情都好啲, 就引Brian 返工前, 去食一個港式, ABC早餐


↓有陽光, 又有山景......望落去好似幅畫. 

↓靚天氣, 便嘆個豐富港式早餐

以前, 係多倫多住. 時常感覺周處環境好似缺乏咗一啲嘢!! 但又講唔出, 缺乏咗啲咩!!

自跟Brian黎到溫哥華住, 周處環境, 都見到有山有水. 隨着氣溫, 又見住個山---變白 or 變綠, 真係日日都好似望住幅圖咁. 好舒服.

原來, 係以前, 我是住在平原裡.  所以, 就係缺乏山和水!

-----------------------------------------------------


但和暖天氣, 都係得一陣. 此終, 都是加拿大. 是一個凍天國家.

春天都有可能落雪.

星期六(Feb22), 一朝起身返工, 就見到街外, 全地白晒. 溫度剛剛零度.  就係一度差距, 由雨變咗雪.

不過, 係溫哥華居住, 見雪比例唔算多, 今場雪, 我望到, 係有啲啲興奮. (如果比多倫多啲妹or 妹夫聽到, 我話見雪好興奮, 好有可能, 他們會打我一鎚...哈哈~ 因為今年多倫多個邊, 日日落雪兼-20 or -30℃, 日日返工, 像冰上加年華. 真係未返到工, 都無咗大半體力.)

↓零度......落雪啦. 街外全地白色.

↓(Feb 22,Saturday), 放工之後,仍落雪, 但唔理太多, 同Brian去食麥當當嘅冬季奧運餐. 個餐用一個大盒裝住, 裡面有20件麥樂雞, 2包(中)薯條, 2個可樂冬奧章. 還有兩杯汽水. 這個餐嘅目的係比一家人睇冬奧時, 一邊食一邊睇. 但其實這個餐, 我一個人食, 都唔夠喉.

-------------------------------------------------------------
February 23, 2014 (Sunday)

雪.....竟然繼續落, 連續落兩日雪.  係溫哥華實在少見!!  好彩唔太凍!!

但唔理太多, 依日放假就照出街!!!


↓扮新移民, 係雪地上影相.

在落雪日, 發覺一個很奇怪嘅現狀.

發現, 溫哥華落雪時, 條街好靜. 馬路上, 係無咩車行.

去一個,平時想揾個車位都相當困難嘅商場. 係依日, 落雪日, 車位大把比我揀!! 真係開心無限!!

原來, 落雪日, 就唔洗爭, 唔洗迫. 咁我落雪咪可以出多啲街囉!!

↓(Feb 23, Sunday)落雪日, 去咗個商場food court 食lunch, 我咁埋頭苦幹, 其實係研究食咩好 

 


↓最後, 我食咗個台式便當 (喜歡台式炸雞扒), 還有蜂蜜綠茶,  Brian 食皮蛋魚湯車仔麵+格仔餅+奶茶. 仲叫咗腸粉, 魚蛋, 魚容燒賣黎share!!!

由於, 是星期日, 點都要出街, 因為要去教堂. 

原來教堂都被積雪圍住.  不過, 我依日去教堂, 掛住望窗出面啲雪. 因為之後, 仲落得大. 


↓教堂門口, 好多雪!!

去完教堂, 還落住大雪......但我同Brian, 好似無懼大雪, 仲出街買dinner.

因近期韓劇大熱.  套韓劇「來自星星的你」. 真係人人都睇.  我不流少看韓劇. 都望兩眼. 但吸引唔到我. 可能,韓劇要追字幕嗎!! 無心機追. 

反而Brian媽, 就瘋狂地追, 所以, 就特登買個炸雞晚餐, 同Brian媽一齊食.

因這齣韓劇主角, 喜歡食炸雞, 飲啤酒嗎!!

但其實, 我私低下都喜歡食炸雞, 而家齣韓劇咁Hit. 就剩住個勢. 順便食埋一份.

而且, 街外落住雪, 係屋企食, 仲舒服啦!!


↓炸雞和啤酒(名為:星星晚餐).  而啲炸雞, 係來自溫哥華的Church's chicken restaurant. 我都係第一次, 食依個品牌嘅炸雞. 

--------------------------------------------------------------
February 24, 2014 (Monday)

估唔到, 場雪落咗全個weekend. 連星期一, 返工時, 都仲落緊. 真係好少何!!

不過,溫哥華啲雪, 比較似雨.  啲雪落係馬路, 行人路嘅地方, 就會溶得快.  

由於, 啲雪溶得快, 所以, 啲雪落起個身上, 都溶到變水. 滴下滴下, 成身濕晒!!  所以, 我而家落雪都要膽遮出街. 雖然.膽遮唔方便. 但唔會冷親嗎!!
 

↓星期一, Feb 24返工日, 落雪都要膽遮返工. 我以前落雪邊會膽遮吖. 可能以前多倫多太凍. 啲雪落係身, 唔會溶架! 而家係溫哥華, 啲雪一落上身, 溶到變水. 滴下滴下. 我都係帶把遮, 擋住啲雪!!!

不過, 估唔到, 因為落雪, 有人係Brian屋企個草地, 攪攪鎮. 係草地上, 畫咗個心型圖案.


但一定唔會係Brian 所為. 因為我知他無藝術天份, 邊識畫心. 哈哈~~

我懷疑有個男仔, 想同對面屋個妹妹示愛. 所以, 係Brian 家門口, 畫咗個心心囉!!



↓有人係Brian屋企個門前草地, 畫咗個雪地心心.唔知依場雪, 有無做就咗新一對情侶呢!! 哈哈~~

↓Feb 25, Tuesday. 場雪, 落足三日, 之後, 天色又睛朗. 可以見到山頂, 有啲白, 有啲綠. 由於溫哥華太多山, 而且氣溫變化, 啲山景日日都唔同. 我日日起身, 就望啲山嘅景色. 美麗

↓落完雪, 又陽光普照, 襯朝早啲雪未溶晒, 影返張相先, 因為lunch time 實溶晒

以前, 我渡過的冬天, 落雪比例比較密, 一年內, 有半年都係有雪.  一落雪的周末, 都唔願出街. 因為最害怕出街, 好似冰上加年華咁!! 

而家, 見雪比例少. 反而, 又覺雪景, 很美麗. 而且, 而家見到落雪個反應. 係好興奮. 


不過, 溫哥華啲雪, 有點唔同. 快溶快消失. 唔會堆積幾個月.   落完雪無耐, 好快就變返綠草如茵, 很喜歡這個快來快去嘅感覺!! 哈哈~~