偷食

March 2, 2014 (Sunday)

其實, 有啲食物, 真係好普通, 普通到, 隨街都見到, 但耐咗無食, 就會掛住. 口痕!!

每個星期五夜晚, 我是最難渡過, 哈哈~~ 因為在這天夜晚, 全屋只有我和Brian媽.

在這個時候, Brian 媽例必想食啲平時比較少接觸到嘅食物. Brian 媽也會好主動"聊" 我, 叫我同她出街食過痛快!!

但其實, Brian 媽都到咗某一年齡, 有啲食物,係唔可以食太多. 但Brian 媽就係太耐無食某一些食物, (例如:雪糕, 甜點). 她越少接觸, 就越想吃. (依點我都明嘅!!)

所以, 逢星期五, Brian 媽見屋企無咩人, 因此, 就想"偷食"下.

有時, 我都很難做, 唔同她食, 她又悶悶不樂. 同她食, 又好似對她身體唔好.

試過, 同Brian 媽偷雞出街食中式甜品, 她食得太興奮, 有啲甜品汁料, 滴咗係件衫上面. 返到歸被顧及健康的Brian爸發現. ----好驚呀!!

因此, 我係 Friday都會諗啲健康啲啲嘅食物, 同Brian 媽"偷食"下. "偷食"未必全甜食物, 有陣時特別啲啲嘅食材. Brian 媽都食到好Happy~~

可能係"偷食"啦!! 偷食咩食物, 都覺特別刺激. 哈哈~~



↓星期五吃過晚飯之後, 就只有我和Brian 媽, 兩個人, 依個時候, 係"偷食"好時候, 試過去買韓式雪條一齊食, 試過玩蒸爐, 蒸餃子+勁辣汁

↓偷食嘅食物, 還有---台式煉奶吐司, 台式Bubble tea and 朱古力棉花糖crepe (但個crepe 在運送期間變咗型, 但味道是美味!!)

↓偷食嘅食物未必是甜點, 試過整個芝士+罐頭pâté+餅乾食, 試過有日朝早, 買個麥當當早餐同Brian媽食. 因她好耐無食.

↓雪糕, 幾時都係最受歡迎嘅甜品, 見近排網上有間加拿大本地雪糕店, 很有名氣. 便偷雞同Brian媽食!! (嘩!啲雪糕, 當真好滑, 啲雪糕味道好吸引添)

----------------------------------------------------------


唔好話Brian媽, 有時我食得多某樣食物, 會食厭!!

所以, 我會偷雞出街食早餐. 雖Brian 家的早餐係好健康, 但日日一樣. 我唔太想食!!

而家偷雞出街食早餐嘅次數都密咗!! 哈哈~~ 



↓麥當當早餐幾時都係受歡迎嘅早餐. 而且新出咗漢堡蛋bagel. 就去食!!  

↓有陣時, 飲杯嘢就當早餐. (棉花糖Mocha 很不錯). ....試過去Tim horton's 食早餐, 試下個新出品pretzel bagel

↓而我係星巴巴咖啡店, 食早餐最多, (因我覺溫哥華好多星巴巴咖啡店) 有時會自己買個包, 再係星巴巴買杯茶就當早餐. 

↓試過食pizza 當早餐, 又試過去港式茶餐廳食粥, 咸肉粽早餐 (相中蝶炒飯係Brian食)