May 22,2013 (Wednesday)
閒日, 時間當然無周末優閒.
但一起身, 就會食少少嘢. 做早餐.
最簡單就是搽塊麵包+一杯熱飲.
所以, 我好多時都會買不同醬料, 放係屋企, 來搽麵包食.
而我的早餐良伴----通常都係花生醬搽麵包. 哈~~
見近排超級市場, 出咗特別口味嘅花生醬, 當然買返屋企!!
↓就係依隻Cinnamon Ganola Raisin (提子肉桂麥片脆脆花生醬) & Banana Ganola Peanut. (乾香蕉麥片脆脆花生醬). 花生醬混合一些麥片, 提子, 香蕉材料. 搽係麵包上食, 食到好多層次. 令一塊麵包都無咁悶!!
↓還有, 我早餐的麵包, 好鐘意搽cream cheese 食!! 因為Cream cheese 好香!!! 而家新出朱古力cream cheese. 當然買一盒試..... 啲朱古力cream cheese--朱古力味好香儂. 搽係麵包上, 都好美味!! 真係多得而家啲生產商, 花生醬和cream cheese都好多花款. 朝早塊麵包, 都食得精彩啲.
------------------------------------------------------------------------------------------
而近排, 我和Brian 都很忙碌. 好攰呢.
沒有時間煮晚餐吃. 而且, Brian 放工又越來越夜. 所以, 晚餐都簡簡單單一餐便算數.
好彩, 我同Brian 係吃方面, 都好容易話圍, 求其食Frozen pizza or 一碗麵做晚餐, 都沒有所謂.
↓買咗超級市場啲Frozen Pizza, 之後自己返屋企焗Pizza+ sweet potato fries 還有西瓜, 作晚餐
↓有一日食pizza + hotdog, 另一日食湯麵.
嘩嘩嘩嘩~~~ 真係要大叫呀，西瓜呀，我超級鐘意食西瓜喔，見到都好想食喔~~~
ReplyDelete[版主回覆06/05/2013 02:08:40]samsamdandan:
~我聽好多人講, 有咗BB唔食得西瓜, 但我知巨龍就出世, 到時, 你真係食幾多都得!!
my husband likes Nutella chocolate spread on bread.
ReplyDelete[版主回覆06/05/2013 02:08:41]Mrs. TinTin:
~我都鐘意Nutella, 但我依邊賣Nutella, 越賣越貴!! 我都係間唔中, 先買黎食!
乾香蕉麥片脆脆花生醬, 好吸引, 可惜HK冇得賣啦!!
ReplyDelete[版主回覆06/05/2013 02:08:57]Bの家:
~我都覺乾香蕉麥片脆脆花生醬, 好吸引, 攪到成塊麵包精彩晒. 哈哈~~
~希望香港快啲有得賣啦!!
我都好愛花生醬，不過香港選擇少，我買親都係粗粒裝的
ReplyDelete[版主回覆06/05/2013 02:08:45]Oli:
~粗粒花生醬, 係我幼時, 最喜愛!!! 但我屋企唔太比食花生醬, (話熱氣渦), 所以, 我大個咗先買比自己食.
~我係花生醬lover, 有咩新出品嘅花生醬, 都盡可能買黎食. 好彩, 依邊花生醬,選擇都幾多, 曾經食過辣味花生醬!!
DONDON 同 BRIAN 一樣，返新工後日日 OT，昨晚仲做到 11 pm。不過我無 VICKY 你咁好等埋 BRIAN，我自己食完飯睇完電影就上床。
ReplyDelete你啲PEANUT BUTTER 好吸引呢，我鍾意食花生醬但在 1K 極少食麵包。
[版主回覆06/05/2013 02:08:46]Angela:
~我無輪幾點, 都會等埋Brian 食晚餐. 調返轉Brian 都會等返我. 但中途會食住啲零食. 哈
~其實, 我細細個就好鐘意食花生醬, 但屋企唔比買花生醬, 因為花生醬好熱氣渦!! 所以, 我大個先買花生醬比自己渣麵包食!! 我試過用花生醬撈麵食添!! 哈哈~~
想試下乾香蕉麥片脆脆花生醬~~~去超市睇下有冇先~~~
ReplyDelete[版主回覆06/06/2013 01:32:32]素會員
~乾香蕉麥片脆脆花生醬,渣麵包, 好好食, 令到一塊麵包都食到好多唔同層次嘅野, 都幾特別.
呢啲野, 我通常都係擺到過晒期!
ReplyDelete[版主回覆06/26/2013 04:50:49]Mr & Mrs. Leung:
~我日日都食, 所以, 過期前都食得晒. 而且, 盡量買容量少嘅醬料. 咁就唔怕清唔晒!