May 24,2013 (Friday)
上星期燒過一次嘢食. 所以, 成日心思思想再燒.
用燒烤爐, 燒嘢食, 啲嘢食就算咩調味料都唔落, 都自然好好味. 我覺得, 簡單係燒烤爐, 燒一條香腸, 都好味啲㗎. 哈哈~~
趁微涼天氣, 最想就係燒嘢食.
臨燒嘢食前,去一去超級市場行一個圈. 就即刻走去燒烤場(Club house). 燒呀燒.
其實, 太陽開始落山, 天氣就開始凍. 燒到尾升. 我凍到謄謄鎮. 多麼想啲食物快啲熟. 拎啲食物, 返屋企食.
唔怪之得, 燒烤場無人啦!! 凍得滯, 啲食物燒完一陣, 都即刻吹凍晒. 我燒完啲食物, 拎返屋企都要焗熱, 先再食. 但燒烤爐, 燒嗰陣味, 令到啲食物好香, 好好味.
↓放工之後, 去完超級市場買啲燒烤食物, 都差唔多太陽落山. 天氣由微涼, 開始轉到, 有啲凍......但仍然好有心去燒嘢食. 太鐘意燒嘢食啲味道. 而且, 我就黎去旅行, 去完旅行返黎, 可能多倫多, 已經超級炎熱, 唔知仲有無興致燒嘢食. 因此, 趁有興致, 就即刻去燒嘢食.
↓我哋都有行埋個燒烤爐, 燒嘢食
↓燒完啲嘢食, 就拎去屋企食,其實, 係屋企食仲好舒服. 慢慢食,無顧慮, 食幾耐都得. 有時, 係燒烤場食, 帶一大堆用具去燒烤場, 而且, 好多時都帶留一些用具, 來來去去坐電梯返屋企攞, 食完又要執一餐. 真係燒完嘢食, 拎返屋企食, 仲自在.......而難得星期五, 就會夜瞓啲, 時間好似多咗好多, 所以, 晚餐食完BBQ嘢食之後, 夜麻麻,又再肚餓, 走咗去麥當當, 買新產品食(McWrap), 個Wrap好大個, 大過杯大裝飲品. 雖然,份量大, 但味道仲好好食添. 宵夜好滿足!!
你地果邊就好啦，天氣咁好，香港熱到發顛呀，成日酷熱天氣警告。。。
ReplyDelete[版主回覆06/05/2013 02:33:23]samsamdandan:
~都唔係日日係咁. 夏天有時都會好高溫, 早幾日先32℃. 我記得每年, 夏天都一有幾日40℃.
~其實, 我太怕凍, 我接受夏天多啲㗎!!
~不過,我都明, 香港夏天比較濕熱, 而且香港人口密度好高, 夏天一熱就會好熱!!
it is good you can just walk away after BBQ. I don't BBQ at home, because i don't want to clean the grill each time
ReplyDelete[版主回覆06/05/2013 02:33:33]Mrs. TinTin:
~你個邊天氣夠熱未?? 可以多啲戶外活動. 其實, 而家好多燒烤爐清潔用具, 都好幫得手. 夏天燒一次烤, 真係一個好好嘅節目.
個燒烤場係屋企樓下???
ReplyDelete而家有小班燒烤爐, 仲可以係屋企BBQ架!!
[版主回覆06/05/2013 02:33:27]Bの家:
~個燒烤場為於我居住嘅大廈嘅Club house裡面, 所以, 我慣咗話, 落樓下燒烤.
~我娘家and 阿妹屋企都有你講個啲小班燒烤爐, 自己有爐, 真係幾時燒都方便好多!!!
今次燒左咁多野既?
ReplyDelete燒完野食，駛唔駛洗番個爐俾佢架?
[版主回覆06/05/2013 02:33:28]Oli:
~因為肚餓, 所以燒多啲囉!! 但都係眼闊口搾, 燒咗一大堆, 都食唔晒, 留咗啲第二日食!!
~其實,啲爐每日都有工作人員清理兩次. 但我哋燒完, 都會用個燒烤擦, 擦一擦先走. 等清潔人員容易啲清理.(每個燒爐旁邊都附切一支燒烤擦, 依邊啲人, 用完啲燒烤爐, 都會用燒烤擦, 擦一擦表面啲dirt)
好多條腸呀。
ReplyDelete個 MC WRAP 好味嗎？DONDON 唔食 MCDONALDS，所以我無機會試。係睇廣告見到 SIZE 好似好大吸引到我。
[版主回覆06/05/2013 02:33:31]Angela:
~嗰日肚餓, 所以, 燒多啲香腸食!!!
~個McWrap 好食呀!! 好surprise 麥當當會出個, 咁大個McWrap . 而且味道真是不差. 食一個McWrap 真係好飽滿. 哈哈~~
我又係極討厭清洗BBQ, 所以搬咗新屋兩三年都無買過個新嘅, 舊嗰個就係老公以前自己用完又懶得洗所以搬屋時掉咗喇.
ReplyDelete[版主回覆06/06/2013 01:41:51]Ceci:
~講真, 我都怕清潔bbq 爐, 好彩會所有, 我真係可以燒完就走...因為每日有清潔人員清洗!!哈哈~~
~其實, 燒烤爐唔洗買得太貴, 因為就算點樣清洗, 而家市面上啲bbq 爐,都唔太"come". 而家, 你哋買咗個新bbq 爐, 趁有機會就快啲用!!!
我都燒左兩次啦，希望再燒多幾次，嘻嘻，我都好中意BBQ架！
ReplyDelete[版主回覆06/06/2013 01:41:52]Mrs. Wu:
~趁天氣好, 就燒多幾次. BBQ 真係一個好好嘅娛樂節目黎㗎!!
今日天氣涼咗, 又聞到有鄰居BBQ嘅味道喇
ReplyDelete[版主回覆06/06/2013 01:42:20]Jo姐姐:
~我有時聞到BBQ 都好想走去燒, 啲BBQ 爐, 燒啲食物特別香!!
Weather should be warming up by the day, BBQ is always simple and fast, good choice!
ReplyDelete[版主回覆06/06/2013 01:41:56]Big Daddy:
~咁你都趁機會bbq 啦!! bbq 氣氛又好, 啲bbq食物又好食!!
我都好想BBQ呀~不過太熱了~可能食韓烤頂住先XD~
ReplyDelete[版主回覆06/06/2013 01:41:58]素會員:
~我都明, 香港天氣在熱, 就會好熱and 濕, 香港都係秋天燒會好啲!!!
~用韓燒頂住先....幾好idea 渦!!
嘩....兩個人燒烤都燒唔少食物啊...!! 一定好飽, 好滿足呢
ReplyDelete[版主回覆06/26/2013 04:42:26]冬日Winter:
~諗住燒開, 就燒多啲,食剩, 第二日可以再食嗎!! 哈哈~