May 11,2013 (Saturday)
每個周末的其中一日, 都會去教堂.
這個周末, 揀星期六去教堂, 這天, 我只是無意中,由第二條路, 行去教堂, 經教堂後面的花園去教堂, 中途竟遇上櫻花樹. 而且, 棵樹, 仲開得好燦爛添!!! 真係估不到無意中, 就能賞到櫻花
真係開心, 可以遇上櫻花. 啲櫻花, 好靚呀!!
↓教堂後面, 有棵櫻花樹. (其實, 我依邊有一個公園(叫High Park), 種滿櫻花樹. 年年這個時候, 都會迫滿人. 賞花.但由於, 太多人, 所以, 我只去過一次,就沒有再去. 而家近近哋有棵櫻花樹, 又唔多人, 任我影下相, 已經好開心.)
↓今年,應該係最後一年, 係多倫多賞櫻花. 到下年的櫻花盛開時, 我已經搬了去溫哥華.到時, 再賞過.
---------------------------------------------------------------
這個周末, 很特別. 雖然, 餐餐都好像在家吃. 但我哋真係想食咩, 先行落街買. 買完返屋企, 再加工啲, 先食.
就係想食咩, 先走落街買, 有啲感覺自己食嘅嘢好新鮮. 哈哈~~ (買完即食, 仲唔新鮮!!)
而我哋見天氣好返啲, 食完嘢, 又走咗落街, 去屋企附近嘅商場行街. 其實, 都唔知去行乜,但硬要去行下, 先舒服.
行到差唔多, 去飲杯半價凍咖啡. 當下午茶. 之後, 再去超級市場, 想食咩, 就買乜返屋企煮.
周圍行下, 又過咗一個weekend!!
↓早餐, 落街買咗幾個包和飲品, 再係屋企煎隻蛋+咸牛肉, 併併埋埋一個早餐. 下午茶, 去了飲半價碎冰咖啡. (綠茶和Vanilla beans Frappuccino)
↓晚餐有咸牛肉雜菜炒飯和花生辣子雞丁
↓星期日早餐, 一早落樓下買咗啲包, 沙律和Yogurt Parfait 食
↓星期日,下午茶, 想食芝士, 就落街買芝士和餅食, 之後, 買埋半價碎冰咖啡飲 (Strawberry 和Vanilla beans Frappuccino)
咸牛肉炒飯唔錯喎，妳煮定Brian呀？
ReplyDelete[Oli回覆05/25/2013 22:05:55]真係喎，真係覺得唔錯
[版主回覆05/25/2013 20:33:59]Oli
-依家Brian 霸咗個廚房, 咩都係佢煮.
-你讚佢個咸牛肉炒飯炒得唔錯, 佢好開心呀!
櫻花真係好靚呀，粉紅色，靚靚~~~
ReplyDelete碎冰咖啡好多cream，正呀~~~
[版主回覆05/25/2013 20:44:17]samsamdandan
-其實櫻花都分幾款顏色, 我覺依隻粉紅色櫻花最靚.
-碎冰咖啡好好飲㗎!依邊咖啡店唧cream 好慷慨, 一唧就好大嚿cream. 哈
VICKY,
ReplyDelete妳快來溫哥華, 三四月,櫻花樹遍市, 櫻花盛放好美呀!
[版主回覆05/25/2013 20:51:58]愛SHI家庭,
-我舊年, 三四月, 都去過溫哥華, 真係處處櫻花, 見到好開心, 因啲櫻花真係好靚.
你住的地方shopping很方便? or Toronto 變了很多?
ReplyDelete以前我住 Scarborough...附近沒有mall ...要行十至十五分鐘才有shops~~
[版主回覆05/25/2013 21:16:59]Mrs. Cook小花媽,
-我住係市中心, 所以購物和交通都方便啲.
-所以, 係加拿大生活, 有好多選擇, 鐘意熱鬧或者密度低嘅地方都有, 睇你自己點選擇
Strawberry好想飲呀，香港好似未有呢
ReplyDelete櫻花真係好好好靚
[版主回覆05/25/2013 21:21:01]Ophelia
-杯strawberry 碎冰咖啡, 甜甜酸酸都幾好飲. 希望香港區,會快d出依個口味啦!
-我都好鐘意櫻花,見到好開心, 因為真係好靚
咁鬼多櫻花GE!!!!!!好靚呀!!!!!
ReplyDelete[版主回覆05/25/2013 21:25:09]Luxueux Yvonne
-都係得一兩棵櫻花樹,真巳經有咁靚嘅效果. 下年依個月份係溫哥華, 真係行到邊都係櫻花, 個感覺仲壯觀
Vicky, 我也發覺，原來好多美好事物都在身邊不遠！
ReplyDelete[版主回覆05/25/2013 21:28:08]冬日Winter
-原來好多嘢都只係近在咫尺, 細心留意, 好多好嘅事物,原來都係自己身邊.
個咸牛肉炒飯肯定好香!
ReplyDelete[版主回覆05/25/2013 21:30:55]Mabel
-個咸牛肉飯加咗好多咸牛肉, 所以碟炒飯, 特別香. 忍唔住爬咗好多碗飯㖭!
半價碎冰咖啡咁抵! 呢間香港少有什麼半價咖啡!
ReplyDelete[版主回覆05/25/2013 21:36:22]zaza
-香港都有依個活動㗎! 但好似五月尾先有. 你上網查下吖!
-我覺依間咖啡店, 都比較慷慨, 好多減價events 都係全球性.
我好喜歡櫻花!好靚!幸好溫哥華有好多櫻花!
ReplyDelete[版主回覆05/25/2013 21:39:14]Happy girl
-無錯, 溫哥華仲多櫻花, 下年開始就可以年年, 三至四月份, 一打開門就睇到櫻花啦!
我哋又係 Starbucks 啲 frappaccino 有半價嗰個禮拜日日都買一杯
ReplyDelete睇嚟你哋真係好快過 Vancouver 了。好戥你同 Brian 高興
[版主回覆05/25/2013 23:28:36]Angela
-我哋又冇日日買, 其實只有3-5 pm供應,平時就唔到時間去. 係Weekend 先買到. 半價真係抵好多.
-我下年年頭搬過去溫哥華, 依家係多倫多, 每日都倒數緊.
櫻花好靚呀
ReplyDelete[版主回覆05/25/2013 23:31:08]Katie
-我都好鐘意櫻花, 見到好開心.
我都好鐘意櫻花呀.....不過Calgary冇櫻花睇........
ReplyDelete睇嚟你好鐘意溫哥華.....預祝你响嗰邊有一個好嘅開始.....
[版主回覆05/28/2013 05:23:27]琪琪小公主:
~我都係好鐘意櫻花㗎!! 多倫多天氣凍啲, 會比較遲先有櫻花開. 但溫哥華係每一年三月就有櫻花. 我試過三月去溫哥華, 啲櫻花多到嚇親我!! 好靚!!
~我下年年頭會去溫哥華定居. 多謝你祝福!! 我也希望係溫哥華定居, 會順順利利.
WA~唔估到有櫻花~太靚了~~~~~~
ReplyDelete[版主回覆05/28/2013 05:23:24]素會員:
~美國和加拿大都有櫻花!! 但就唔係個個省份都有櫻花!!
美加好似好多櫻花咁, 我見都有好多朋友影到相.
ReplyDelete[版主回覆05/28/2013 05:23:59]May 姨
~美加都有櫻花 㗎!! 但天氣問題, 盛開時間未必一樣!! 好多時,加拿大溫哥華個邊開花先!! 之後,到美國華盛頓, 之後, 先到加拿大多倫多先開花.哈哈~~
櫻花好靚呢~~~
ReplyDelete[版主回覆05/28/2013 05:23:06]水太太:
~所以, 我好鐘意櫻花 㗎!! 望到好開心!
我有了Mochi b後,少了心機煮食...見到妳在家弄多了吃的,真開心!
ReplyDelete[版主回覆05/28/2013 05:23:07]空中少奶奶:
~但Mochi B 帶了無窮歡樂比你!! 我見你影Mochi B 啲生活相片, 我見到都開心!!
~無心機煮食唔緊要, 我知你還有心投資廚具, 哈哈! 你終有一天, 一定會忍唔居住, 和你的廚具玩一餐!!哈哈~~
溫哥華的櫻花比多倫多美很多~~~這其中我會懷念温哥華的事物~~~
ReplyDelete[版主回覆05/28/2013 05:23:08]空中少奶奶
~無錯, 溫哥華啲櫻花, 真是比多倫多美麗好多!! 而且, 數量多好多!! 而家我都倒數緊,下年去溫哥華, 可以看櫻花的情景!!
~你係咪仲有兩個月時間產假??趁依個時間, 再帶Mochi B 去多次溫哥華玩多次吖!!!
有點唔捨得妳搬去温哥華添...
ReplyDelete[版主回覆05/28/2013 05:23:10]空中少奶奶:
~做咩突然咁感觸, 我同你見過一面, 同埋透過fb and Blog 了解大家, 但你同我講唔捨得我離開. 真係令我好感動!! 其實, 我去咗溫哥華定居之後, 都會飛返多倫多. 但當然第時去多倫多, 會似旅遊多啲啦!! 第時, 你有機會經過溫哥華, 我哋一齊去飲杯茶, 傾下計啦!!
你下年搬去溫哥華，每年都可以看到更多更靚既櫻花！
ReplyDelete[版主回覆05/28/2013 05:23:21]ccKitty:
~你好有記性呀!! 記得溫哥華有多啲櫻花!!
~我好期待下年搬去溫哥華呀!!
櫻花開得好燦爛, 好靚呀
ReplyDelete咸牛肉炒飯夠晒惹味呢
[版主回覆06/03/2013 01:38:19]Jo 姐姐,
-我好鐘意櫻花, 望到成棵樹都開滿花, 望到都開心.
-個咸牛肉炒飯, 又香又惹味, 攪到我都爬咗好多飯落肚.
嗚嗚..呢邊STARBUCKS冇綠茶飲品的~~~
ReplyDelete櫻花好靚呀~!!!
[版主回覆06/03/2013 02:04:51]涼粉子,
-綠茶味, 而家好多人都接受, 可能你嗰邊嘅Starbucks 遲d都會綠茶味嘅飲品.
-我好鐘意櫻花,見到櫻花開到靚一靚, 望到都開心