人造沙灘


April 7,2013 (Sunday)


原本只是開車去中式超級市場, 買調味醬料. 因依啲調味醬料, 點都是在中式超級市場, 先齊全啲.


但由屋企開車去中式超級市場途中, 會經過一個人造沙灘.


沒有期待下, 我隔離嗰個人, 直駛入去,人造沙灘個Car park! (真係估佢唔到......)


個沙灘, 係視覺上, 真係感覺到是一個沙灘在眼前....因為,  有沙, 有水,又有沙灘傘.


但依個人造沙灘, 只是可以玩沙, 晒太陽, 但就無水游架!!


肉眼望到沙灘啲水, 其實,係多倫多嘅大湖, 湖邊有條圍欄圍住架!!!  而且,沙灘是高過水面, 好多好多架!! 行到沙灘邊,隻手伸到幾出,都掂唔到啲水架!!


其實, 原先政府, 只想在湖邊興建一條長廊. (類似跑步徑, 或者 類似香港維多利亞海景長廊), 但多倫多市中心嘅住宅區, 開始發展, 嬉戲地方, 就一定要有...... 咁就不如利用湖邊嘅長廊區域, 黎興建一個人造沙灘出黎.  籍此, 多倫多市中心, 便多了一個旅遊及優閒地方.
.
.
.
.
.
講完個人造沙灘嘅由來.....


講返正題....跟本這一天, 就唔係去沙灘嘅好時候, 天氣凍, 啲風又大,.....吹到頭髮都亂. 最重要係,我無化妝. 唔想行太多地方呢. 我出街嘅重點, 就去中式超級市場, 買調味醬料.


其實, 難得開車出街, 又去到沙灘, 我隔離嗰個人,又肯帶我行沙灘, 我應該好開心!! 但我係沙灘, 猛話走!! ....好唔識趣添!!


但真係, 好想快啲夏天, 可以享受沙灘, 野埋餐...好perfect!!





↓依個就係個人造沙灘, 而海灘嘅背後, 就係多倫多市中心嘅商業區, 但而家又開始, 越起越多住宅和商業大廈. 不段有工程

↓在人造沙灘中.....(其實, 當日好大風,個沙灘, 真係無咩人, 夏天會多返啲人架啦~)


↓個人造沙灘, 係游唔到啲水, 因湖邊有條圍欄圍住架!!!  而且,沙灘是高過水面, 好多好多架!! 行到沙灘邊,隻手伸到幾出,都掂唔到啲水架!!.......而人造沙灘嘅上空, 常常見到飛機, 因為多倫多有多個機場仔.




↓個人造沙灘,叫做Sugar Beach. ........而Sugar Beach 隔離有條湖景長廊.


係湖景長廊啲凳, 影下相!!
 

↓臨離開人造沙灘, 影張合照, 同埋影下周圍啲景色.



↓多倫多係依十幾年, 起咗好多商業大廈和住宅. 不停起, 周圍都係工程, 多倫多地標,CN tower係好多地方, 離遠望都睇唔到全座啦!!






去完人造沙灘, 就去中式超級市場入貨!!! 主要係買中式醬料.


但去開中式超級市場, 就會盡量入多啲野, 當然買埋其他雜糧. 下午茶, 黎個魚滑黑蒜油公仔麵....yummy!!

↓下午茶, 美味公仔麵+煎蛋+魚滑, 還有辣椒油. 好perfect!! 還有米餅

Posted by at

22 comments:

  1. Luxueux Yvonne24 April 2013 at 23:23

    如果有得游水會正好多!!
    [版主回覆04/26/2013 11:59:45]-依家咁樣都幾特式吖!
    [版主回覆04/26/2013 11:58:56]Luxurux Yvonne
    -反而我又唔太想游水, 游水又要換衫, 之後又要沖涼整理返自己,我令願去行下好過. 如果有水游, 我可能未必去依個沙灘.

    ReplyDelete
  2. Mr & Mrs Leung24 April 2013 at 23:36

    好似有點唔環保
    [版主回覆04/26/2013 12:01:43]Mr & Mrs Leung
    -起碼有個優閒or 野餐嘅地方. 總好過比d 地產財團, 買咗黎起平風樓.

    ReplyDelete
  3. Ophelia25 April 2013 at 00:20

    米餅好得意呀...想試下
    人造沙灘咁搞笑既...冇得游水好似差少少咁
    [版主回覆04/26/2013 12:06:59]Ophelia
    -啲米餅, 咪似旺旺啲餅咁上下. 我叫依d做米餅
    -反而, 我唔太想游水, 可能我怕麻煩, 游水又要換衫, 之後, 又要沖涼整理返好自己. 而家依個人造沙灘, 冇水游, 真係著便服去, 都ok. 去下野餐, 望下個景, 對我黎講仲舒服

    ReplyDelete
  4. 2wonwon25 April 2013 at 01:13

    竟然無得游水，真可惜呀~
    [版主回覆04/26/2013 12:11:39]2wonwon
    -雖然, 我都識游水, 但我好怕去沙灘游水, 可能我怕麻煩,游水又要換衫, 之後, 又要沖涼. 去真正沙灘似符太多嘢要準備啦!而家個人造沙灘冇水游, 著住便服去, 當公園咁行, 我覺仲舒服

    ReplyDelete
  5. mabel25 April 2013 at 04:37

    黑蒜油出前一丁,而家我常備在家中!
    [版主回覆04/29/2013 08:33:08]Mabel
    -其實我好少食公仔麵, 但經開超級巿場, 見到有新口味, 就買d黎當下午茶.

    ReplyDelete
  6. Oli25 April 2013 at 05:52

    整個人造沙灘，妳個邊仲咁凍，都冇人會游水喎
    [版主回覆04/29/2013 08:35:49]Oli
    -所以個人造沙灘咪冇水游囉! 得個樣. 哈哈. 我都希望快d 可以暖返, 出下去戶外行下.

    ReplyDelete
  7. 冬日 Winter25 April 2013 at 06:33

    有沙灘都唔可以游水.....有點可惜
    [版主回覆04/29/2013 08:37:37]冬日Winter
    -都唔會太可惜.因對我黎講, 我去沙灘都唔太想游水, 行下會舒服d.

    ReplyDelete
  8. BigDaddy25 April 2013 at 07:46

    Still a little too cold for the beach!
    [版主回覆04/29/2013 08:39:01]Big daddy
    -而家多倫多天氣仲係涼涼哋, 真係唔知幾時先係去沙灘嘅好時間

    ReplyDelete
  9. 素會員25 April 2013 at 10:27

    如果可以游水就好呀~
    [版主回覆04/29/2013 08:41:54]素會員,
    -雖然我識游水, 但我好怕麻煩, 唔太鐘意去沙灘游泳, 我令願去沙灘行下,曬太陽, 仲舒服

    ReplyDelete
  10. 傻瓜‧菲25 April 2013 at 10:34

    咁有趣，人造沙灘係唔可以游水。。。
    我鍾意你個下午茶呀，講起都想食呢。。。
    [版主回覆04/29/2013 10:41:06]儍瓜.菲
    -本來係海景旁嘅行人長廊, 只係將海景長廊嘅面積變身為人造沙灘. 多一個特式嘅優閒地. 講真, 近年多倫多起得太多商業大廈和高樓住宅, 而家有個人造沙灘, 好似有個綠州咁, 好舒服.
    -我都係去開中式超級市場, 所以順道買d 公仔做下午茶,happy 下.
    -你而家係新加坡, 買港式食品,係咪方便咗好多?

    ReplyDelete
  11. HM25 April 2013 at 10:40

    It's still freezing where I live!
    [版主回覆04/29/2013 10:49:27]HM
    -我依邊都係呀!

    ReplyDelete
  12. Angela25 April 2013 at 10:44

    幾特別呀，唔係綠化但都帶啲大自然景色到個城市
    隻方型蛋好靚呀。
    [版主回覆04/29/2013 10:55:31]Angela
    -而家多倫多市中心猛起商業大廈,高層住宅, 而家有個人造沙灘, 真係好舒服. 天氣好d, 我都有行下.
    -隻蛋, 上鏡又幾似四方形, 但真實隻蛋, 唔係方型. ....不過隻蛋係流心蛋...美味

    ReplyDelete
  13. Ka25 April 2013 at 10:47

    米餅係山寨版旺旺嗎？ 好耐無食過了。
    黑蒜丁出左一段日子， 我嫌佢調味油肥左少少。
    有人造沙灘係巿中心，好特別呢。
    [版主回覆04/29/2013 11:04:54]Ka
    -你山寨嘅意思= made in china?
    -包米餅係中國製, 同日本旺旺咁, 我見特價咪買返包. 味道都ok
    -黑蒜一點丁, 我覺冇咩太特別. 但我平時少食公仔麵,去開中式超級市場就買黎食下,開心下.
    -依十幾年, 我依邊嘅巿中心猛起商業大廈和高層住宅, 開始密麻麻, 而家有個人造沙灘, 好似搬咗d大自然入城市. 望落去舒服d

    ReplyDelete
  14. samsamdandan26 April 2013 at 06:12

    賓賓米果?? 係咪即係似旺旺咁架? 我都好鐘意食旺旺呢
    [版主回覆04/29/2013 11:09:15]Samsamdandan
    -賓賓米果, 類似旺旺咁. 我兒時, 小息時,都好鐘意食旺旺. 所以見到包類似旺旺嘅零食, 咪買包食下.

    ReplyDelete
  15. ak26 April 2013 at 07:57

    Vicky ,
    市中心建有人造沙灘 , 好有創意 , 夏天閒來無事到這裡散步吹吹風 , 好浪漫 !
    [版主回覆05/01/2013 06:09:38]ak:
    ~我都覺個城市中心, 有個人造沙灘幾特別, 帶咗啲大自然元素入城市.
    ~我都計畫夏天會去行下!!

    ReplyDelete
  16. Mrs. Wu26 April 2013 at 09:47

    咁多倫多係咪無其他沙灘架啦？不過D外國人好興去沙灘齋灑太陽而吾落水，所以有無水都無所謂啦！ 我都好想快D到summer呀...就快五月都仲咁凍
    [版主回覆05/01/2013 06:09:41]Mrs. Wu:
    ~多倫多都有其他沙灘架!! 但係正市中心, 好似就得依一個!! 其他個啲沙灘係Suburb區域.
    ~我都覺啲外國人鐘意晒太陽多過游水. 可能落水比較麻煩啦!! 玩完水又要沖涼和換衫. 而且, 我依邊夏天, 啲水溫都唔會高!!所以, 我去沙灘都未必想游!!
    ~我依邊開始落雨啦!! 已經唔係落雪, 好好多!! 但都係涼, 點都要着件褸仔先出到街, 都唔知幾時先溫暖返!! 早排, 同人傾下計, 好多人都投數啲天氣仲係咁凍呀!!

    ReplyDelete
  17. Happy Girl27 April 2013 at 03:35

    Toronto has changed a lot ! but still beautiful!
    [版主回覆05/01/2013 06:09:42]Happy Girl:
    ~無錯!! 多倫多真係轉變咗好多, 唔講太遠, 依十年, 多倫多啲高樓大廈, 簡直多到估唔到!!! 發展好急咁!!真係唔覺唔覺又有幾幢高樓大廈or新市鎮

    ReplyDelete
  18. Farming Cherrie28 April 2013 at 23:08

    人造沙灘個feel 都係差d
    我終於白明點解我在office 看不到你的相了...
    woow 好美味咁喎
    [版主回覆05/01/2013 06:09:43]Farming Cherrie:
    ~我啲此於係唔同地方生活, 可能我哋生活上嘅觀點,都有啲唔同.
    ~其實,我反而鐘意依個人造沙灘, 雖然係人造, 但多幾個優閒地方, 比市中居民. 感覺好舒服. 因為現時市中心, 起樓太急啦!! 真係一個大自然地方, 都越來越少!
    ~雖然唔係成日食公仔麵,但簡中食下, 好開心架!!

    ReplyDelete
  19. Pandos - 喺Krakow29 April 2013 at 12:31

    I didn't know about this place ...hmm!
    [版主回覆05/01/2013 06:10:08]Pandos-喺Dresden
    ~依個地方都算新起嘅地方, 起咗3-4年, 可能你當時已經離開咗多倫多, right??

    ReplyDelete
  20. 愛SHI家庭29 April 2013 at 22:15

    黑蒜油一丁麵加隻靚滑蛋和魚滑, 美食啊!
    [版主回覆05/01/2013 06:09:51]愛SHI 家庭:
    ~依個下午茶, 唔係成日食, 但簡唔中食下, 真係好enjoy!!

    ReplyDelete
  21. :+:+:涼粉子:+:+:1 May 2013 at 07:44

    市區內有個人造沙灘感覺好寫意呢~~可能遲會有機會去TORONTO TRAINING...係嘅我搵吓你^_^
    [版主回覆05/02/2013 11:07:16]涼粉子,
    -而家市區真係太多高樓大廈, 而家有個人造沙灘, 好似帶咗大自然元素比市區咁, 好舒服.
    -你可能黎Toronto 呀!
    -我好榮幸,你一去Toronto 就諗起我, 你confirm 咗話我知, 我比䏈絡方法你, 一齊飲杯嘢or 食下嘢吖!

    ReplyDelete
  22. Jo 姐姐2 May 2013 at 15:10

    市中心有個沙灘都幾特別喎, 夏天去享受吓陽光與海灘就更方便呀
    [版主回覆05/04/2013 07:32:40]Jo姐姐:
    ~我都覺依個人造沙灘, 都幾好,帶晒啲大自然元素係城市裡面, 望到都舒服好多.

    ReplyDelete

Subscribe to: Post Comments (Atom)