大遷移

April 20,2013 (Saturday)


屬於自己嘅周末, 幾時都係Happy Happy~~

有時, 同Brian 傾開, 我童年生活嘅經過. 他會覺得, 我童年的生活, 過得好慘. 但我身在其中, 又唔覺得. 我又唔係無飯食, 都唔知慘咩!! 但可能係他觀點與角度, 和我不同. 所以, 他先會有此說法.

但當他知道我童年生活之後, 他就知道, 點解我喜歡, 上街去....哈哈~


↓上街前, 明明吃了一個豐富的brunch, 但出到街行一陣, 就走咗去food court食野, 好明顯, 我食沙律餐, Brian 係食快餐. 男士總討厭食蔬菜!! 

↓個快餐包, 係雙層魚柳包黎㗎



↓以下兩張相,係Brian偷拍, 原來我食野, 會舉手食野, 而且, 食野時,都幾八掛, 周圍望!! (當天我無化妝, 個樣仲好似好眼瞓!!)



↓當天, 行嘅商場,都癲㗎!! 食咁耐野, 都係咁多人. 所以, 去商場行街,好大部分時間都係同人逼

 

其實, 這周末的天氣,都唔多好!! 大風又有雪. 但我都照上街. 無計啦!! 出街癮發作嗎!!

但而家去街, 都唔會特別點買野, 因為都就黎要搬屋, 屋企真係大把野要pack.

今次搬屋, 我唔止搬屋咁簡單, 我仲係移居去第二個省居住. 當地環境, 文化,律法, 稅項....都是同而家我居住嘅地方, 有點差別. 但我這次大遷移, 我都有了點概念和心理準備. 內心少了很多未知數.  還有點期待!!

總好過, 我對上的一次大遷移, 當時, 由香港移民過黎多倫多. 我當時未到步, 已經有十萬個未知數.  而且, 我人生第一次踏足多倫多, 就是我移民那天. 一到步, 即時要適應, 才能過渡每一天. 當中那種苦和傍惶, 真是百般滋味在心頭.



↓四月, 已經過了大半, 但我仍可以着對毛毛UGG. 對鞋着咗四個月. 真係估唔到可以着咁耐. 而且, 我同Brian 出街, 仍是咩住件大褸. 件褸咩咗半年啦!! 往年唔洗咩件褸咁耐㗎!

↓行完街仲落雪. .............但最好笑, 咖啡店已經出了夏日飲品. 哈哈~~




下年, 我便會由多倫多遷移去溫哥華. 雖然都是加拿大. 但省份不同. 坐飛機都最少五小時才到達. 

而這次遷移, 對我來說, 好像再一次移民, 不過, 這次移民, 我是有着期待, 心裡還有着一點安定嘅感覺.

而下年在溫哥華定居, 對Brian來說, 便是回流. 因為他原本就是溫哥華居民. 下年他終可返屋企啦!!  

↓周末所吃的早餐和下午茶 (蘆薈汁配朱古力卷)

↓周末, 下晝出街, 晚餐在家吃, 蘋果雞配湯米粉和青紅椒辣雞丁.