August 24,2012 (Friday)
等待周末的來臨, 就好像很漫長. 最開心是星期五. 終於等到你啦!!
現在仍是充滿陽光的八月---令我聯想起啤酒和附設露天座位的餐廳.
幸好現在仍是日光時間長, 等埋Brian放工. 仍是陽光普照. 放抵工事包之後, 便馬上找有露天座位的餐廳吃晚飯. 兼飲飲冰凍啤酒.
但我想享受陽光之餘, 其他人也一樣想!! 因此, 很多附設有露天座位的餐廳都爆棚. 反而餐廳的空內位,就唔洗等. 外國生活的人, 真係無論幾大塵的露天座位, 都是很受歡迎.
好不容易才找到一間附設露天座位的餐廳. 只係等15 mins就有位坐.
不過, 錯有錯着啦!! 找到一間樓上鋪的餐廳. (其實,都黎過依間餐廳好多次). 但高高在上, 坐在露天座位, 好像吸啖氣都無咁焗. 又可以遠望到街景, 真係飲飲食食都舒服啲.
我唔介意曬太陽嘅人!! 我覺曬太陽好舒服架!! 夏天, 我是最喜歡坐露天座位食飯, 但唔知係我識啲人錫身定係怕熱. 我身邊啲人, 好害怕被太陽曬. 一出到有太陽曬嘅地方. 差唔多渣咗成支防曬咁濟. 可能,我無咩保護意識. 我真係曬完先算. 曬到熱, 咪飲下凍飲囉!!
而且, 下個月便是九月了, 秋天來臨啦!! 我依邊秋天, 真係話涼, 就好涼. 而家溫度許可, 出到街就享受返夠本!
↓今日最渴望飲冰凍啤酒, 一坐抵,便馬上叫黎飲.
↓一人一張相, 坐係附設露天座位的餐廳
↓叫待應姐姐幫我啲影合照, 影完相先發覺, 今年自己曬黑咗好多, 唔緊要啦!! 嘻....影完相.......Brian 就上網了. 周街都要玩電話, 唔知有咩好玩.
↓唔知係咪人多,啲食物等咗好耐. 食物味道都ok嘅. Brian食Grilled chicken pesto Fettucini, 我食chicken buger with avocado salsa and Bacon.
我都唔怕曬，但我D朋友就見光C，一曬就拎遮、帶帽，佢地驚出雀班
ReplyDelete[版主回覆09/25/2012 09:31:53]Oli:
~我依邊啲人, 連落雨都未必會擔遮. 依邊生活文化真係同香港, 好唔同.
~而家街上, 見到太陽會開遮擋太陽光架!! 啲外籍人士會用奇怪眼光望住佢哋架!!
~我覺晒太陽, 某程度都幾舒服架!!
我都唔怕曬,
ReplyDelete但在香港人多車多的路邊.....就空氣麻麻, 不易找到好環境的露天雅座...呢
[版主回覆09/25/2012 09:32:08]冬日Winter:
~都明白嘅!! 但依邊啲人, 坐露天位, 係一種生活享受!! 有幾多塵,都好似唔多理.
因為多倫多既冬天好長, 好多同事下午一見到太陽都會上公司天台食飯架, 我就仲係好香港, 一見到太陽就揾樹蔭.
ReplyDelete你個chicken burger 都唔錯喎, 正唔正呀?
[版主回覆09/25/2012 09:34:13]CN(慳妹)
~好耐無見呀!!!!
~其實,我以前係香港住,都唔會特別怕太陽. 直到而家都係. 我唔介意lunch time 同朋友戶外食飯. 我覺間唔中晒下太陽, 幾舒服架!! 不過,如果太多飛鳥, 我都未必坐戶外. 不過,啲餐廳攪得露天位, 都係人多架啦!! 雀鳥都嚇驚咗.
~個burger 味道不錯呀!! 食到好滿足.
露天位真係特別舒服啊~
ReplyDelete[版主回覆09/25/2012 09:35:35]highwaystar 公路之星:
~無錯呀!! 我都覺露天位舒服啲. 所以, 一到夏天, 啲露天位通常都爆棚. 要等好耐先有位坐!!
露天座位感覺好寫意呀~~~~~!
ReplyDelete[版主回覆09/25/2012 09:35:36]素會員:
~除咗寫意,仲好舒服添!! 趁而家天氣仲熱熱哋, 坐露天位享受下
係好似黑咗啲啲， 陽光咗！
ReplyDelete我係香港型， 坐返室內安全感大啲。
巴黎坐室外仲要比多啲錢， 真係文化不同。
[版主回覆09/25/2012 09:35:38]Angela:
~今年夏天多咗戶外活動, 所以, 自己晒黑咗啲, 平時唔覺,係影相先知. 不過,依邊冬天都應好長, 而家都涼咗好多, 我諗遲下會正常返!!
~我都係揀露天位坐, 太多飛鳥嘅地方, 我唔會坐, 但其實,我覺間唔中坐係露天位食野, 感覺好舒服架!!
Nice atmosphere! Love the patio settings and food!
ReplyDelete[版主回覆09/25/2012 09:37:43]Big Daddy
~你講得岩, 坐係patio, 感覺好舒服. 一邊食野,一邊享受環境,好寫意.
我都想曬黑呀，我呢D黑一兩日就變白，討厭！
ReplyDelete[版主回覆09/27/2012 09:10:45]Mrs. Wu:
~我而家都白返啦!! 有啲人係咁, 晒極都唔會太黑.
過一輪就會白返
ReplyDelete[版主回覆09/27/2012 09:11:52]mabel:
~無錯, 我而家已經白返啲啦!! 不過,我依邊冬天時間比較長, 所以, 都預咗會好耐先可以晒太陽.
又係喎...黑左呀~~~~不過會白返就無問題喇!!! 我呢...黑左後...而家白唔返咁呀....D手手腳腳同塊面都黑晒...陰公!!!!!!!
ReplyDelete[版主回覆10/04/2012 11:33:14]儍瓜•菲，
-依邊冬天比較長，我諗啲皮膚會係下個夏天前白返. ...
-你會唔會長期係熱帶地方，著短䄂衫比率多，所以手腳長期被太陽曬住，所以需要一段長時間先白返呢！