夜間「街頭節」+ 他入廚

August 19,2012 (Sunday)


享受過日間的「街頭節」

心思思,就很想享受夜間的「街頭節」

周末時, 在家吃過晚飯之後, 便扭Brian 同我出街行. 一邊享受「街頭節」嘅熱鬧, 而且可以當散下步....都好!!

其實, 我覺這次「街頭節」, 主要都係把公園的優閒一面, 展現在街道上.

為了「街頭節」, 多倫多市府, 便封一條行車線, 把這條封了的行車線, 粉飾為公園一樣, 有花,有草, 也有不同款式的優閒凳.   行人就行下坐下. 又有野食. 又可以飲野.  適隨尊便. 以優閒來享受街頭的氣氛.

我鐘意政府攪埋依啲綽頭野,  睇得出, 花了點心思佈置咗整條街.  起碼令到條街感覺無咁悶.  也可以熱鬧啲, 而且, 動感都多啲.  哈哈~~


↓夜間的「街頭節」. ---條街粉飾為優閒公園一樣. 真越夜越多人. 好熱鬧.

↓Brian去到邊,仍喜歡上網. 坐在街頭, 都照上網!!

去到街, 實有野吸引. 會好自然攞個銀包出黎---買野.

口痕痕, 買了杯涼粉珍珠奶茶. 一邊街住似花園的街頭. 一邊飲bubble tea.

感受完「街頭節」, 之後, 仲去埋超級市場入貨.

最開心, 現在, 我住緊依一區, 越開越多間超級市場, 全部裝修靚靚, 而且, 全部超級市場, 我都可以用腳行到去.  仲有呀!! 好多超級市場都好夜才關門,甚至係通宵營業. 所以, 而家的周末, 可以出完街, 食完晚飯, 先去出街買生活所需, 都無問題. 

有時, 我覺夜晚先行超級市場,仲無咁多人行. 好行好多.

夜麻麻買完餸, 仲去埋快餐店買甜品食, 先返屋企!!


↓在「街頭節」的街道上, 買了杯bubble tea. 而夜遊完超級市場,便去快餐店, 食甜品!!

近來的周末, 我們都在家吃. 原因是-----Brian 愛上了入廚.

周末時, 我們就好像輪流用廚房, 我煮Brunch, 晚上, 便輪到他煮dinner. 

Brian 現在煮的dinner 不差. 佢真係一步一步依足食譜煮。 煮完出黎, 也會用筆記抵啲notes, 以便下一次煮, 便能更多進步空間. 

但其實, 他第一次煮的新菜式, 味道已經好好. 起碼, 唔會有怪異味道, 現在,他一煮飯, 我會食多一碗飯的!! 因為佢整啲餸, 真係好好送飯架!! 哈哈~~


↓周末--Brunch 出自我手, 湯通粉, 蕃茄蒜頭冷盤和炒蛋麵包.  晚餐就是Brian 煮, 他第一次整麻婆豆腐.

↓另外一天, 我落街買了飲品,烤麵包, 煎香腸蛋作Brunch. 晚餐就是Brian顯技, 他煮了泰式檸檬雞翼和 encore 多次麻婆豆腐