輪到我煮晚飯

August 16 ,2012 (Thursday)


現在買餸, 選擇比較多. 在超級市場買買埋埋一大堆. 成日以為有機會點整點整.

但到頭來都是, 放埋一邊, 最後, 要靠自己腦袋, 將啲食物左塔右塔下,去完成一餐飯.

閒日, Brian 工作時間比較長. 多數都是我入廚. 其實,太耐無掂廚房. 有點掛住自己啲廚具.

這星期, 其中一天, 看見家裡有包河粉. 便靈機一觸, 攪了咖哩肉絲炒河. 貪方便. 炒埋一大蝶, 咁就一餐.


↓咖哩肉絲雞蛋炒河(第一次整,效果不錯)

又有一天, 發現自己個櫃筒, 有一個「鹵肉食譜」. 雪櫃又有肉. 便整咗蝶鹵肉,作晚餐.

由於,第一次跟食譜整鹵肉, 都唔知味道如何, 只係整咗少少. 但吃過之後, 感覺好啱自己口味!!  一蝶仔鹵肉,差點兒不夠吃!哈哈~ 


↓鹵肉+蝶牛油粟米+兩碗白飯....就開飯

掌握到鹵肉方法, 所以, 再encore, 多一次鹵肉.

由於, 再整多次, 有點信心. 除了鹵多啲肉外,還加埋雞蛋和多點蒜頭. 原粒蒜頭和鹵肉.一齊鹵到淋一淋. 我感覺好好味!!哈哈~~

不過, 多得Le creuset煲. 啲鹵肉比依個煲抆一抆. 好短時間, 就已經淋一淋. super happy!! super快有飯食!! 哈哈~~

↓鹵過一次肉, 效果不錯, 第二餐再整過, 但加埋雞蛋, 大量蔥和蒜頭和肉. 全部抆到淋一淋. 好好送飯.  

我們不是太喜歡吃白飯的. 吃了幾餐「飯」, 便轉一轉其他型式的食物, 作晚餐!!

看見家中有幾個牛油果. 已經熟透了.

好簡單開一罐雞肉罐頭,牛油果和沙律醬一起混合. 成為牛油果雞肉醬. 渣麵包好一流!!

旁邊加個番茄沙律冷盤.  已經好足夠!!  不過,閒日吃飯. 最緊要快手!! 因為放工之後, 真係超餓!!


↓番茄雞蛋牛油果和蒜頭---作冷盤. 還有雞肉,牛油果和沙律醬一齊混合--來夾麵包. 好飽肚. 還有啤梨. 簡單一餐

去完旅行之後, 回來之後, 便開始做返兼職了, 現在要努力啲. 為下一次旅行, 好好作準備!!

但外國地域太廣, 好簡單去一噠地方, 路途確實好遙遠.  所以, 放工之後, 再做兼職, 已經無可能, 再拆返回家煮飯了. 

所以, 一有兼職. 多數都會係兼職附近啲地方, 揾野食. 食完返屋企. 梳洗下. 都差唔多瞓得.

↓兼職之後, 見依啲街邊嘅鋪頭仔, 還未Close, 即刻買hotdog & fries 食. 我哋係這間鋪頭, 最後一個客. 賣完比我哋, 就收檔!! 




還是未接到現實軌道, 仍然會超級懶. 不太想食屋企野. 有一天, 放工之後,買了KFC 外賣. 食時唔理太多, 仲覺好好味. 還乾手淨腳, 唔洗洗碗. 但食完, 覺得好肥膩. 要食啲生果. 清一清!!

↓KFC 炸雞餐,還有飯後有Cherries.


咁就一個星期啦!!