Day 5 @ Kelowna (Golf)

July 25,2012 (Wednesday)



黎Kelowna (B.C. Canada), 有兩個目的. 其中一個目的, 便是打Golf. 

雖然, 我在電視就已經看過很多年Golf 球賽. 也在Driving Range練習好多次的發球. 但上Golf 場. 望住一個又一個筒. 由朝早到黃昏, 對住18 個筒. 都係第一次!!

由於, Brian 太熱愛Golf, 所以從他口中, 從電視中, 甚至在Golf 練習場. 我都對Golf 都有啲知知哋嘅信息. 但一上到Golf 場, 就有完全不同感覺.

一個Golf場, 範圍很廣, 但打一場Golf, 便規定一Group人一起打, 大家在同一地點輪流發球.  由第一個筒, 同一group人打到第十八個筒.   這一Group人內, 有些人是不認識. 但就要互相尊重大家球技和速度. 而且, 速度問題, 筒與筒之間, 可能會遇上另一組人在揮鋼.  當然, 要靜心等待別人揮鋼完成, 自己才能發球. 所以,  打Golf 都要很禮讓下.

因此, 要令整場Golf打得順暢.  就要互相尊重大家. 所以,我覺某程度上, 上場打Golf,  都打得幾趕下.  因我嘅性格, 就係最怕"咗"到人!! 

不過, 我都明, 點解一打Golf就會愛上. 因每一個筒, 都有唔同地理, 角度和地勢, 一球一球打上去, 當每個筒, 都能達到某程度標準. 個種成功感, 真是很難形容. 

這次, 上場打Golf, 天氣真係好熱, 由朝到晚都在太陽低下, 遇上了許多太陽光+ 蚊蟲. 我也被蚊咬了幾噠.  其實, 在這熱天氣下, 打Golf 都幾吃力下.  雖Brian 平時怕熱, 但當他上場一打Golf, 咩熱都唔記得啦!!


不過, 每個Golf場, 有名師設計Golf 場的地形和地勢來融合大自然景色. 所以, 一邊打Golf, 也可以一邊見到沿途景色.  原來, 上場打Golf, 都有另一番享受!!

 ↓一起身, 即換上打Golf嘅衫. 酒店附送自助早餐. 簡簡單單食了一點.

↓到達Golf 場. (付費 and 攞Golf cart)

↓上Golf場前,練習開球.  我坐上Golf cart 上

↓一組人一齊打, 一組人內, 有些是不認識的人. 大家輪流發球.

↓其實,我第一次渣Golf Cart, 好彩, 架車都唔難控制.

↓上場打Golf, 就係會望到依啲風景. (藍天,白雲, 綠茶如茵)

↓打完一球, 便馬上, 上Golf Cart 去追自己剛打的波. 其實, 這個程序都幾趕時間下. 有時都係好快手影張相.

↓同我們同組打Golf 的人. 知我哋四個是一個family, 所以幫我們影合照........而Brian and Brian's daddy 打Golf 是相當認真.




↓我覺Golf Cart好好玩, 所以,爭住渣...........................Lunch time 在Golf 場小食店買hotdog 食. 但咬一啖, 又要打. 隻hotdog要分幾次先食得晒.

 

↓Brian and Brian's daddy 揮桿發球. (個Golf 場高居林下, 啲景好舒服)

↓打到最尾個筒, 有噴水池,......