Day 3@ Vancouver (Dim sum, golf & Japanese bbq)

July 23,2012 (Monday)  ---(Dim sum, golf & Japanese bbq)


留多這一天在溫哥華, 明天便去加拿大B.C. 省嘅內陸地區玩幾日.

可能, 將要離開溫哥華數天, 今餐嘅lunch, 便和Brian's 美國親戚飲餐茶.  而親戚再賴埋其他相關親戚. 依餐茶, 真係好多人. 有啲親戚, 仲專登係第二個城市, 渣好耐車. 黎溫哥華一齊飲茶.

Brian 的美國親戚, 對溫哥華的點心, 讚不絕口.  全餐茶, 我們吃點心, 吃到無位放點心. 一籠點心疊一籠點心. 食到好像和點心籠玩層層疊咁.

↓層層疊點心, 仲要係每籠都是不同點心. 

吃過點心, 逐一和Brian's 親戚擁抱, 道別.  

之後, 我便和Brian's 屋企人為B.C. 省內陸旅行作準備. 我們去內陸, 主要是打Golf 和去酒莊. 所以, 去Golf shop 買定啲高爾夫球.  上green 用.  溫哥華啲Golf shop 真funny. 有好多Hello kitty's Golf assessories. Brian 都叫我買!! 但我打Golf 又唔係話好. 想自己打好啲先買!

再之後, 行下商場, 買啲日用品. 估不到, 我在商場買咗件衫添!! 仲幾抵....嘻嘻.

↓Hello Kitty's Golf assessories.



溫哥華啲地方真係夠集中. 出街食餐晏, 去Golf shop, 再行商場. 都只不過用了幾小時. 我哋還可以有時間剩, 去driving range 練下開球. 

係溫哥華生活, 原來啲時間都幾"come" 用.  至少一撻地方去另一撻地方. 車程唔算太遙遠.



↓溫哥華Golf driving range 打球

 

晚餐, Brian's daddy話帶我哋試新野.

一去到Gyu - Kaku (牛角), ......我超開心. 因為我一直都好想試依間架!! 但又唔知係邊度!!! 點知Brian's daddy 就帶我哋黎咗依度食.

我成日都覺Gyu-Kaku 比較年青人嘅食店. 估不到Brian's parents 咁接受. 仲話私低下去過Gyu-Kaku 幾次. 

我哋又咁啱, 去Gyu-Kaku 那天. 有啤酒優惠, 而食物有又半價. 我們四個人, 唔覺唔覺飲了三個Beer pints. 仲食了很多肉.......真係飲和食, 得好痛快. 

都唔知係咪, 飲飽食醉.  返到Brian屋企, Brian 攰到瞓着咗. 攪到要我幫他執埋行李. 因為聽朝,我哋就出發去內陸玩.  ...........我執到成2am 先瞓.




↓位於溫哥華市中心的 Gyu-Kaku (牛角).  其實, 溫哥華很多日本人聚居. 所以, 有很多日本連所店都係溫哥華開業.

↓Gyu-Kaku (牛角)的menu. 一入去便order 超凍啤酒飲. 哈哈~~

↓食了很多小食, 有Fried Calamari and Spicy Tuna Volcano

↓Sukiyaki Bibimbap and Japanese Deep Fried Sausage.

↓Fried Chicken Karaage (依個好啱我口味). 食完小食, 開始燒野食

↓Miso Steak.

↓之後, 啲豚肉, 牛肉.....咩都燒呀燒. 錫紙包住嘅係salmon 黎架!!

↓三文魚 and 甜粟米

↓甜品, 我超喜歡依個Taiyaki Pancake (裡面有紅豆蓉,用爐燒一陣, 啲紅豆蓉熱辣辣, 好味), 仲有燒棉花糖夾餅.  還有芝麻碎自己磨.....芝麻碎係晒在雪糕和棉花糖夾餅同吃.

↓Gyu-Kaku (牛角), 有戶外patio 燒和室內燒. 但兩者環境都唔錯!! ---舒服