送虎迎兔時

January 31, 2011 (Monday) -20℃windchill

    又係超級寒冷的一天, 係街行一圈, 凍到唔想出聲. 因為真係好凍呀!! 好像着幾多衫係身都唔會夠.  但我見到flyer有零食平. 貪心又行去買!! 哈哈~ 自己攞黎凍.

    而今日, 都係多得Brian 提我, 我才知今日係年廿八, 所以, 就要洗邋遢, 雖無咩衫要洗, 但點都開下洗衣機, 洗埋個廁所, 抹埋個廳. 所有都做足. 我隔離果個先安心. 講真, 我好少跟足習俗架!! 因為自己有個time-table 去清潔家居. 唔一定年廿八先要動工. 但他就是這樣傳統. 因此,我哋好努力抹,抹,抹黎應節囉!

   不過,我又唔怕抹, 我最鐘意係光淨, 舒服.

-------------------------------------------------------------------------
February 1, 2011 (Tuesday) -20℃windchill   起身時, 就好頭痛, 但無發燒喎!! 都唔知係咪凍得濟!! 食件餅, 就食咗粒藥. 又好返啲!! 好彩咋!!
   
   夜晚, Brian走咗去做兼職呀!! 我已經無陪佢去做兼職好耐啦!! 他做兼職時,我自己在家睇電視, or 灘在梳化上. 享受享受!! 到他做完兼職call 我. 我直情叫他係樓下買啲野食返屋企黎開飯. 飯都懶煮, 都唔知點解我如此懶!! 

   臨瞓前, 見到天文台顯現紅色營幕, 咁嘅情況下, 都知聽日有大雪暴!! 我好怕落雪的, 臨瞓前祈禱先, 保佑啲妹, 返工路程順順利利. 好怕天雪路滑呀!! 點解, 加拿大啲天氣成日令我好隱憂架!!!!

↓中東餐Shawarmas +加杯Apple Cider........大雪暴營幕o

 

-------------------------------------------------------------------------------
February 2, 2011 (Wednesday)
   今日, 超級大雪, 依個雪暴, 無我想像中多. 只係落咗17cm 到. 亦無因為超大雪, 啲人乘機唔返工 or 遲到. 個個到齊. 順順利利.

   夜晚, 同Brian 去食團年飯, 好彩, 我家附近有間幾好嘅restaurant. 行都行到去. 如果落到咁多雪. 仲要渣車去食飯. 我哋一定無依個心呀! 最怕積雪天架啦!!

   咁Brian咁傳統, 團年飯一早訂臺外, 仲哎到成臺都係餸. 我哋兩個人食, 好像食四個人嘅食物咁. 最後, 當然食唔晒啦!! Brian仲話專登哎多啲, 食唔晒!! 因為咁代表"有餘". 年年有餘呀!!

    食完飯, Brian會好例牌, 開中文電視睇啲新春節目. 臨瞓前仲要攞個爐出廳滾湯丸. 咁代表材源滾滾來喎!! 有時,我覺Brian依啲舉動, 似"八", 多過傳統....哈哈~~~

↓落雪天, 落到個天都檬晒0

↓團年飯嘅食物, 有雞(豉油雞),有肉(木須肉+夾餅), 有魚(滑班球)0

↓藍梅咕魯肉, 甜品, and 買咗底蘿蔔糕 0

↓蘿蔔糕包裝好靚架! 好似寶盒咁. 哈哈~~0

↓準備過年, 臨瞓前, 滾湯丸.0

↓專登買芋頭味湯丸, 因為個意頭係"大紅大紫" (個煲係紅色+紫色湯丸)0

↓臨瞓前都食湯丸, 食到個肚好滿足0

  其實, 我懶咗好多, 已經無即時動手update blog. 我連facebook mail and 一啲與我祝賀嘅email 我都係睇完就算, 感覺自己好無人心. 但真係提不起勁, 去動手打字, 更沒有心情去打blog, 但我近來, 有點反撲歸真. 我又用返筆and 紙寫自己嘅日記. 雖係簡短寫幾句, 但已經包含咗我整天嘅事和心情.  當中也有寫自己朋友對我的關懷. 所以, 我寫啲blog, 都係由自己手寫日記搬過來的. 不過, 我還會繼續寫blog架!! 哈哈~