飲飽食醉夜

February 18, 2011 (Friday)

    其實,一朝醒來, 都係帶住歡樂心, 皆因今日之後, 就係長周末假期嘅開始. 星期六, 日,一都係休息天. 星期一係Family day公眾假期. Yeah yeah!

    放工之後, 被Brian的大學同學約咗去食飯. 去咗食日本菜. 講心個句, Brian 讀書時啲同學仔, 真係好有心, 時常會主動打電話約Brian 食飯. 現代人, 真係好少見. 查實, 我讀書時啲同學仔, 我都好想見. 但奈何......好多都無依個心. 我約一次唔得, 第二次又話唔得, ....我已經卻步許多年了.

   Brian 個同學, 我也識了許多年了. 早兩年, Brian個同學結了婚, 娶了老婆. 係說話談吐, 言行舉止. 完完全全成熟了不少. 原來男士結了婚, 係做人處事係會突然間認真不少架!!

   講返餐日本菜, 近來, 由於我同Brian追緊一齣以日本作提材嘅電視劇. 所以, 對食日本菜嘅興趣越來越熱衝. ..........Brian個同學提議食日本菜, 我真係舉腳贊成. 雖Brian個同學提議間日本食店. 我去都未去過. 但聽到食日本菜, 就開心到不得了!

   我and Brian都係頭一次去依間餐店食. 食材好新鮮. 真係好好味. 而且, 日本人經營. 用料好正宗呀!!! 可惜,我哋掛住傾計, 食都食得唔夠開懷添! 下次, 有機會, 一定同Brian 再食過.

↓就係依間日本餐廳---好好味架!   0

↓啲魚生好鮮0

↓Roll 好味.0

     原本我諗住食完餐飯, 各有各散. 點知, 傾得開心....就玩返大學時的玩意----"壁酒". 其實, 放完工, 再食埋飯, 已經好夜. 啲酒鋪都關門好耐. 但Brian個同學嘅屋企有大量存貨. 所以, 就go go go ....

    但由於, Brian個同學屋企離我屋企好遙遠........所以, 食完飯, 衝衝忙忙返自己屋企執件睡衣, 牙刷....因未飲都知,....飲完酒, 一定渣唔到車, 就索性係人哋屋企瞓埋囉!!

    我and Brian + Brian大學同學and 人哋太太.....Totally, 四個人. 一邊飲酒, 一邊玩poker, 又玩monopoly. 真係...係唔係都飲...飲到差唔多天都光.....好彩, 中途order pizza 食. 有啲食物墊低. 感覺個胃無咁傷....但玩得好顛, 兼好開心. 

↓Brian個大學同學仔, 話他自己屋企有酒...我初頭以為得幾支, 點知越攞越多出黎.一邊玩一邊飲...總之就..係咪都飲一餐 0

↓啲酒, ...霸晒張臺. + 外賣pizza0