兔年啦!

February 3, 2011 (Thursday)
   一朝瞓醒, 提自己, 今日係年初一, 兔年第一日. 講真,我唔提自己, 我真係唔記得架!! 我周圍啲人都唔會同我講"恭喜發財"  or "新年快樂"依啲祝賀語. 謂有自己, 同周圍啲人講, 自己仲派下利事咁囉!! 哈哈~~~不過, 都有啲人問我, 係Year of 咩咩動物呀!!   


  今日lunch time, 仲臨急臨忙仲要走去Best Buy (電器用品店)幫Brian買野!! 我趁機出開去, 就去埋超級市場and 商場行一圈, 當行大運啦!! 點知就.......比我見有飲品推廣, 有支免費果味飲品. 又比我見到我好想買嘅餅賣....超開心!! 新一年嘅第一日, 都幾好喎!!哈哈~~

   夜晚, 放咗工就同Brian去咗食chinese野! 當食開年飯啦!! 又係叫咗好多野食. 一個傳統啦!!食得滿足啲, 會開心啲!! 來年富足, 順順利利.

   食完飯, 回家看電視!! 係中文電視!! 感受下氣氛嗎!! 所以, 比平時遲咗瞓

↓每人飲咗個湯---陳皮火鴨絲湯,南瓜海皇湯, 皇子菰蔥爆雞片(又名"炮竹迎新")0

↓鮑魚海味一品盆 (又名"金銀滿屋"---依個食極都有, 好多), 甜品 (做到兔仔樣)好surprise 會有兔仔做甜品 0

↓新年每人一張相0

------------------------------------------------------------------------
February 4, 2011 (Friday)

    Brian放工時, 去了銀行一轉. 之後, 再去攞郵包, 因為每一年, Brian's parents都會寄利是, and 賀年糖果黎架!! 他們每次, 寄啲糖果都寄到好多!! 真係食到下年都得!! 由於, 今年農曆新年時, 我哋多倫多有雪暴. 因此, 郵包延遲咗啲先到. 不過, 個郵包到達咗, 成個人都放心晒. 最好笑, 今年, Brian's mom 寄了半個薑汁年糕過黎....係呀!! 寄年糕呀!! 因為Brian's mom 食食下個薑汁年糕, 覺好食. 就索性放個薑汁年糕入郵包.  但係無真空處理下, 個薑汁年糕, 寄到黎多倫多, 完全無壞到. 食得何也. 哈哈~~~ 不過, 個薑汁年糕, 確實幾好味.

    見有薑汁年糕新鮮到達, 就嗱嗱聲煎黎食, 見煎開薑汁年糕, 就順道煎埋雪櫃啲蘿蔔糕, 桂圓蓮子年糕食.  煎一大堆糕. 就當正餐食囉!! 況且, 周末都返娘家了! 費事, 煮得太花巧, 求其煎下糕食, 就算啦!

   夜晚入睡時, 個心有點不穩, 此終,成5個月無返去娘家, 個心.....硬係有點唔自然. 要有點心理準備吧!! 所以, 有啲難熟睡添!  

↓Brian's parents 寄黎嘅賀年物品,.... 晚餐, 煎雪櫃啲糕黎食 + 一蝶食剩嘅咕魯肉0

    *新年食糕點 = 步步高升...希望大家都一樣! 恭喜,恭喜.