我好鐘意食Quiche 架!! 以前, 某間超市嘅熟食部, 有現成Quiche賣架!! 我每次去都會買一個架!!好好食!
但自己, 就從未試過整Quiche, 係前幾日, 就比我見到有個 Blog 友整咗盤Quiche, 好鬼吸引, 見步驟又唔覆雜, 屋企又有材料, 所以, 我就照跟....
第一次整, 出黎個效果, 又真係唔錯呀! 今晚, 依餐就係食依盤Quiche作晚餐, 其實, 寫blog, 就有依樣野好. 就係會學到點樣煮啲新野食. 今次, 又學識多一樣!
↓Quiche (材料: 蛋, 牛奶, 罐頭三文魚, 麵包, 青瓜, 洋蔥, 芝士, 放落焗爐, 攪掂)0
↓企開係廚房, 就順便整埋甜品, 今次, 整咗Oreo 雪糕, 效果幾好.....Yum!0
Quiche 食譜:
材料: 3個牛角包(我用咗四塊白方包), 1罐罐頭三文魚, 1個洋蔥, 1杯半奶, 4隻蛋, 1杯marble cheese 切碎, 青瓜隨意(因為我鐘意食)
做法:
1)將個焗PAN用牛油抹好 (免痴底)
2)將方包切大件,加罐頭三文魚, 再將半杯cheese放入焗PAN.
3)將洋蔥 and 青瓜切細粒
4)攪好牛奶and 蛋,再加洋蔥, 青瓜,再加少少鹽同胡椒粉調味
5)攪好的蛋醬, 再落其餘半杯cheese 係面
6)焗350F, 焗45 分鐘便可.
~而家你越嚟越叻嗱！
ReplyDelete[版主回覆09/29/2010 05:50:00]靚太Mrs. Beauty: ~哎吔! 我亂黎架咋!! 而且, 依個Quiche 好容易整架咋! ~其實, 現在整野食唔太困難, 因為周圍都有食譜, 一步一步跟住都ok.....
好想食個雪糕.... 好多時,睇下別人的blog, 就會學到點樣煮啲新野食..... 我都成日偷師架........
ReplyDelete[版主回覆09/29/2010 05:50:00]WingL^^ ~啲Oreo 雪糕唔難整架! 你喜歡食雪糕, 試下買個雪糕機丫!!我相信大小姐都會鐘意. 自己整雪糕, 好玩好多架! ~我初頭寫blog都無預料自己會得到啲咩, 只是想將自己生活記錄下來, 比我依個大頭蝦, 係將來能細膩品嘗, 點知就學到煮野食心得, 仲學到好多其他野添!! 有時, 睇人寫啲文章, 仲令到自己思維廣闊咗添!!
做得好吸引！
ReplyDelete[版主回覆09/29/2010 05:50:00]Kei: 多謝!
可唔可以post做法呀?
ReplyDelete[版主回覆09/29/2010 05:50:00]Florachk: 得, 但要等一等....比啲時間我, 我post 個做法上黎!!! ok...
你都試左啦，係咪好易呀？我都未整過quiche，原來都唔難，材料又唔多，屋企長期都會有齊晒
ReplyDelete[版主回覆09/30/2010 10:59:00]Mui: ~係呀!!多謝你呀!! 我成功咗啦!! 你個食譜真係好容易整, 好容易跟, 而且, 啲材料屋企實有, 所以, 依個quiche好方便呀!! Thanks for share!! ~我post 咗個Quiche 食譜,係度呀!! 希望你唔介意啦!!
睇見都想食呀!!!!!
ReplyDelete[版主回覆09/30/2010 10:59:00]開心幸福Pooh~~ 我post咗食譜出黎啦!! 你可以整架!好容易咋....做完可以同大Pooh一齊嗎!