生日禮物

September 18, 2010 (Saturday)

   我生日在十月中............但Brian係八月份, 已經問我想要咩生日禮物. 哎吔!! 咁早......還未諗到依方面!!

  但我好明白, Brian 很想在我生日禮物上, 花多點心思. 才咁早問定我想要咩, 咁Brian早點知道我需要, 就可以住正確方向走........但我自己都不知道想要什麼....我相信當時, Brian還比我苦腦. 哈哈~

   其實, 我也心裡有數, 如果我沒有特別要求,  Brian大概會送他近幾年熱愛嘅品牌嘅產品給我作生日禮物, 但云云產品中, 價錢又合適, 又要實用.....不是容易事.

   剛巧, Brian 熱愛的品牌, 有個女裝新手袋剛出爐, Brian好迅速, 開過web-site 展示新手袋模樣給我看!  (而家, 女裝有新產品, Brian好像興奮過我....哈哈~)不過, 依個品牌好衰架!! 又出咗個新手袋型合到我所求架!!........因為我要長手楸袋

    而Brian行動好迅速, 便約定和我去門市買這個手袋, 因為他好怕遲啲會無貨喎!! 入到去手袋鋪, 個Sales 姐姐仲同我講, Brian 早幾天已經打過電話黎架啦!! 仲要問個手袋個手楸係咪着大褸都 "咩" 到喎!! 啲Sales 姐姐話記得我身型, 仲揾個同我差唔多身型嘅人着大褸"咩" 一次架! ....... Make sure 先覆電話比Brian...... 原來, 依份生日禮物背後, Brian做咗咁多功夫架!!

    收到這份生日禮物, 我份心情當然十分喜悅啦! 講真, 比着我自己, 我都未必捨得買.....因為我會肉赤.  而且, 我有少少不安, 他對我嘅花費. 但反而他沒有計較, 只是緊張個手袋是否符合我所求. so touching......教我如何不愛他多一點.....

↓我的生日禮物........就是這個長手楸手袋0