食晚飯@酒樓

September 11,2010 (Saturday)
    原本, 今天需要返part-time job 架!! 原本仲諗定part-time 之後, 係兼職工作地點...嘅附近食店, 食晚飯. 但突然間收到電話......話: 「唔洗返part-time job」, 所以, 就全日留係屋企.

    一留咗係屋企, 就唔想出街.  但適逢星期六, 點都想食好一點. 因此, 就近近哋試下, 距離我居所, 步行唔洗三分鐘嘅酒樓食晚飯.

    其實, 得我同Brian兩個人,我唔係太喜歡坐係酒樓食飯架!! 因為酒樓啲食物, 一定好大蝶, 但叫少少又唔好意思. 所以, 兩個人係酒樓食飯,係好有難度架!

    但未試過屋企附近間酒樓食晚飯, 所以, 幾有難度都想試下.

    唔知係咪, 間酒樓離我居所太近, 我哋 "咪咪摩摩" 成9pm 先去酒樓食飯, 叫咗個湯(可以每碗叫, 唔洗成窩黎), 再叫咗兩個餸, 兩個白飯......但好驚奇地, 我哋又竟然食得晒喎!! 哈哈~~ 唔知係咪遲咗食飯. 胃口好一點...哈哈! 

    Overall餐晚飯, 都幾好, 啲服務好欣勤, 而啲小菜都做得唔錯. 味道幾好. 最好, 係無咩味精, 回家後,都唔需要係咁飲水.

   如果, 冬天落到超大雪, 但又想食chinese 野, 我諗依間酒樓, (對我黎講)就係最好選擇.

↓晚飯時,啲碗蝶格局,同lunch time 好唔同, 晚飯啲碗蝶, 講究點...我飲咗火鴨陳皮湯0

↓脆皮雞(半隻)..........................................葡汁鴨, 跟法式麵包0

   其實,我係依間restaurant 只飲過一次茶, 但好驚訝地, 啲侍應已經記到...我同Brian了!! 可能依間restaurant 比較多外籍人士幫襯. 我食晚飯當天, 大比數都係外籍人士. 因而, 影得我和Brian特別...特出啦!! 哈哈~