突然間, 括大風.....頓然天氣即刻變得涼涼哋. 放工時, 還落起微雪. 咁嘅情景, 又係星期五, 當然, 立即去chinese超市入貨. 準備打邊爐.
兩個人係屋企打邊爐, 買食物方面就有啲難度囉! 買得少少哋, 又好似好單調. 但去襯超市買野, 又樣樣都想食. 點知, 係超市買買下打邊爐野!! 仲貴過出街食.
↓沿途坐車去超市, 手痕影咗張街景相!! 晚餐, 打邊爐and 飲白酒! 0
April 10, 2010 (Saturday)
咁星期六, 好例牌, 唔願起身, 成晏晝3pm 先出街食野!! 依啲時間都唔知食咩好!! 好簡單去咗麥當當食, 就算啦!!
食麥當當時, 見到隔離臺有個姐姐, 食住杯好大嘅軟雪糕. 忍唔住, 自己就走去買杯, 點知我用一杯軟雪糕價錢, 攞咗兩杯軟雪糕返埋臺度, 我知Brian無打算食軟雪糕, 但我話個收錢哥哥無啦啦比多杯我!!
我明明都話order 咗一杯, 但個收錢哥哥話我order 咗兩杯喎!! 就係咁, 軟雪糕無啦啦變咗買一送一. 而Brian就無啦啦要陪我食軟雪糕. 哈哈
↓麥當當食物and 甜品 (買一送一軟雪糕)0
↓行咗一陣街.......就去咗咖啡店坐下. Brian 就一定玩電腦!! 我都唔執輸, 係電話度上blog!0
由於太遲先食晏, 跟本晚餐時份就完全唔肚餓, 見大廈個燒烤場開咗, 就燒啲香腸夾hotdog 麵包當晚餐, 而且, 用燒烤爐燒香腸食, 啲味道零捨香...... 啲燒烤香味, 刺激咗我嘅食慾! 本來唔太肚餓嘅我, 都食咗兩大條香腸+兩個hotdog 麵包. 哈哈~
好可能依兩日, 唔係對住邊爐, 就對住燒烤爐, 仲有麥當當薯條. 怪不得我生暗蒼啦!!
↓係燒烤場等爐時, 無料就影下相0
↓今年大廈換咗新燒烤爐, 好似平均兩年換一次. 依款幾靚仔. 今日, 都幾多人燒野食!! 三個爐都有人用!!0
↓Brian 燒緊芝士腸, 燒完攞返屋企夾hotdog包食0
suddenly so windy and cold last week.......weird.
ReplyDeleteMy building also has a bbq stove, but we haven't use it b4, maybe I should go to bbq
[版主回覆04/17/2010 10:55:00]小col: ~係呀!! 你都記得呀!! 刮大風, 天氣就會有啲涼!!! 所以,我就即刻好想打個邊爐!!! 哈!! ~你大廈都有BBQ 場, 咁你有時間咪去燒下野食囉!! 用燒烤爐燒啲肉會特別香架!!
我喺perth既時候同大pooh打邊爐成日都會買好多料.....食唔晒....2個星期都可以唔使出街食飯....哈哈!!!! 你座大廈咁好有bbq爐既.....但我都係比較鍾意港式bbq....用炭用叉叉住d嘢食嚟燒.....外國式bbq我始終都唔係咁鍾意.....冇嘢玩.....嗰時喺perth....我哋突登買個港式爐嚟bbq gathering....呵呵!!!!
ReplyDelete[版主回覆04/17/2010 10:55:00]開心幸福pooh: ~係外國居住, 雪櫃實會有啲打邊爐食品嘅存貨. 咁有時, 啲天氣唔好, 出街唔方便, 係屋企都有啲野食嗎. 其實, 打邊爐啲材料都幾好味, 我有時閒日煮唔切餸都會攞啲打邊爐材料陸架!! 方便.....哈哈!! ~係我住果座大廈有BBQ場, 有時夏天懶煮飯, 求其攞幾塊肉落去燒就開得飯啦!! 而且, bbq 爐燒啲肉特別香架!! ~我娘家, 都有一個港式燒烤爐,可以自己用叉叉住黎燒, 有時, 係娘家都會玩港式bbq 架!!
個爐都幾正呀!~
ReplyDelete[版主回覆04/17/2010 10:55:00]小威威: 係呀!!今年個爐係新架!! 我都覺個燒烤爐個樣好型仔!! 而且, 啲火仲好猛, 燒啲肉, 好快有得食添!! 哈哈!
~你住嗰度環境幾好吖！好舒服，又可以BBQ
ReplyDelete[版主回覆04/17/2010 10:55:00]靚太: ~多謝呀!!! ~我每年夏天, 我好多時都會係依個bbq 場出現.哈哈!! 由其事懶煮飯個日, 我會求其攞幾塊肉落去燒。再配飯or 麵包+沙律. 就開飯, 好方便!! 哈!
your apartment facilities are good ....
ReplyDelete[版主回覆04/17/2010 10:57:00]表叔公: 多謝你呀!!
嘩...我都好耐無食過雪糕喇....而家我都唔敢bbq....怕怕
ReplyDelete[版主回覆04/17/2010 10:59:00]心樂: 你要做配娘嗎!! 所以, 要keep fit嗎!!其實, 平時食野嘅份量唔太過量, 都唔會話太怕怕.