係復活節假期, Good friday 果日, 開完火雞派對之後, 成個人即刻懶晒!! 只係想同Brian係屋企hea下!! 我哋兩個, 真係可以放假坐係屋企, 咁就覺得好舒服架啦!!
依日, 原本唔想出街食晚飯, 但Brian覺難得有假放, 不如, 出去「係咁二」食餐飯啦!! 所以, 滾水淥腳, 求求其其着件樓, 換條褲就出去食晚飯.
而我食野, 最無所謂, 坐大排檔食都ok, 但Brian食野要坐得舒服, 但又要食港式野! 所以, 就渣去遠少少嘅地方食!! 咁又係....要放假依啲優閒心情, 先會有心機渣架車, 周處去!
最後, 食咗啲盅頭飯, 港式混醬腸粉, 同港式甜品. 食完即返歸. 再睇下電視, 玩下電腦......坐係屋企舒舒服服, 再hea 過.
↓混醬腸粉(勝在熱辣辣), 盅頭飯 (梅菜肉片飯)0
↓我食咸魚肉片盅頭飯配生菜, 甜品個名叫"大糖銀撈" (有涼粉, 西米露, 芒果, 椰果, 海底椰, 雪糕 and 生果) 係片西瓜怪啲外, 個甜品ok 架!0
最好笑.....依間港式餐廳唔知咩事, 晚上九點鐘之後較暗晒啲燈光. 懶有氣氛咁!! 但食茶餐廳食物咋喎!! 洗唔洗咁浪漫呀??定係間餐廳想慳電呢??! 所以,我啲食物相影到好暗.
較暗燈後, 感覺有如食停電嘅港式晚餐!! 因為餐廳啲光有如蠟燭嘅微光, 係停電時嘅蠟燭光. 哈哈!
呢間茶餐廳都幾多元化, 既有盅頭飯又有西式甜品
ReplyDelete[版主回覆04/09/2010 12:28:00]Florachk: ~係呀!! 你講得岩呀!! 依間茶餐廳啲食物有好多款選擇架!! 連台灣食物都有架!! 但就離屋企遠咗啲啲囉!! 係口痕先去食下!! ~而我都好鐘意食港式甜品!! 好乜撈襪撈, 真係好好味架!!
~咁攪笑，玩情調！
ReplyDelete~但D嘢食睇落去都好好味吖
[版主回覆04/09/2010 12:28:00]靚太: ~咪係囉!! 無啦啦, 食個港式餐, 都唔洗咁有情調啦! 我附近個幾張臺都係一家大細, 係啲咁暗地方食港式餐, 我諗都嚇親!! 哈哈!! ~而依間野食都算幾多選擇, 而且味道都幾好!! 但就離我自己居住地方遠咗啲, 真係好口痕先會去食!!
好有情調呀!~
ReplyDelete[版主回覆04/09/2010 12:29:00]小威威: 唔知點解無啦啦整到咁有情調做咩!! 食個港式飯咋!! 所以, 我一邊爬飯都想笑!! 哈哈!!
甘又唔錯喎, 係邊個位置嫁?
ReplyDelete[版主回覆04/09/2010 12:34:00]Florachk: ~乜你就黎要返加拿大行下咩!! 問我依間野係邊樹!! 哈~~ ~依間食店係Finch and Leslie 利是商場裡面, 店鋪名叫"大有名糖"
近期都唔會返Tor住, 不過先行mark低,hahaha
ReplyDelete[版主回覆04/14/2010 06:59:00]Florachk 好少人好似你咁, 返咗香港都留意加拿大. 仲mark抵啲食店名. 你都幾得意喎!!
哈哈可能間餐廳想慳電啦!
ReplyDelete[版主回覆04/14/2010 06:59:00]Mui: 我都覺間餐廳想慳電多過攪氣氛. 哈哈~~
懶浪漫既做法擺明係迎合外國人既做法喇..... 我都好掛住喺外國放假.....同大Pooh揸車周圍去既日子呀~~~~
ReplyDelete[版主回覆04/14/2010 06:59:00]開心幸福pooh ~依間餐廳係服待chinese 客架! 仲係一家大細啲客人. 所以, 依間餐廳較暗啲燈真係好唔襯. ~放假, 我反而想返香港....哈哈~~渣車好晒神, 唔岩我!
u always drive so far to uptown for food, actually so many chinese food in DT.
ReplyDeleteI only went to this restaurant once when it just open. The dessert really no good at that time.
[版主回覆04/14/2010 06:59:00]小col: ~Downtown 好難泊車嗎!! 還掂都渣咗架車, 咪渣遠啲啲囉! ~依間餐廳你都去過呀!! 我覺依間餐廳啲dessert都係一時時, 撞岩果日好, 就好味, 唔好就真係好馬馬. 但我隔離果個鐘意依間啲裝修. 所以, 間唔中都會去.
HAHA, 因為我男友既家人都仲係Tor, 所以我地同Tor都有好緊密既聯系
ReplyDelete[版主回覆04/20/2010 07:06:00]Florachk: 原來係甘!! 你都幾重視你男朋友家人!!連食野,都會mark 低,介紹比你男朋友家人