無預計, 連續幾日, 天氣都唔錯, 雖然, 仲係要着件薄褸先出到街, 但每天總是有陽光. 對我係加拿大居住, 見到陽光, 確實係喜事. 哈哈~~
又無預計, Brian會約咗三妹男朋友 and 三妹黎我度bbq, 所以, 一放工便趕去買燒烤食物和飲品. 雖然係好趕, 但準備得好開心!! 哈哈~~ 仲食到好滿足......
今年, 我居住座大廈, 燒烤爐數目多了, 一落樓下就可以燒野食, 唔洗好似以前, 要早一點霸位. 霸爐....Yeah!!
↓準備了一些什菜...........之後, 就開始燒漢堡扒, 香腸......
↓用燒烤爐, 燒野食, 啲食物味道零捨香. 而第二張相, 唔好以為係一堆炭, 其實,係三妹帶咗啲雞扒黎, 她一早醃定, 放係雪櫃, 有需要就攞出黎, 今次, 就攞出黎bbq. 味道好好味 0
↓魚腐串燒, 係三妹帶黎, 我都係第一次食魚腐串燒, 估唔到係咁好味道...哈哈!!
--------------------------------------------------------------------------------------------
三妹and 三妹男朋友, 一放工, 除咗趕住返佢哋自己屋企攞bbq 食物外, 仲趕去買野比我試, 仲講明, 我一定要留肚試添!!
原來係Hello kitty 蛋糕, 同埋一個好好味嘅朱古力蛋糕..........個hello kitty 蛋糕, 味道一般, 但勝在夠得意, 我好鐘意呀!! 而個朱古力蛋糕, 內有一粒粒脆脆, 而且, 朱古力濃得黎唔太甜, 唔太溜. 真係啱我口味!!
雖然, BBQ Dinner食了許多食物落肚, 但見到啲咁別緻嘅蛋糕, 個胃未消化晒, 都一定忍唔住食!!!! 真多謝三妹買蛋糕比品賞.........抵錫
↓蛋糕盒粉紅色架!! 好特別, 好sharp呀! 好少見蛋糕店用依隻顏色做蛋糕盒......0
↓朱古力蛋糕 + 超cute 嘅 hello kitty 蛋糕仔.
↓兩個蛋糕, 實在太吸引啦!! 忍唔住要同蛋糕影相. 攪到好似我生日咁, 哈哈~~~ 0
↓好鐘意依個Hello kitty蛋糕呀!! 差啲唔捨得食.0
*唔知點解yahoo 啲相突然間會咁奇怪............整咗好多次都係咁. 算啦!!! 唔再整理啦!! 哈哈~~
件蛋糕好cute呀，比我就唔捨得食
ReplyDelete[版主回覆04/28/2010 10:00:00]Mui 我都唔捨得食架!!所以, 食之前都同hello kitty影好多相先食!!!我唔食可能我隔離果個攞黎食!!哈哈~~~
好靚喎，邊捨得切落去呀？？
ReplyDelete[版主回覆04/28/2010 10:00:00]靚太: 買咗就食啦!! 但我食hello kitty 蛋糕前, 影咗好多相, 作紀念囉!! 仲小心翼翼食添!! 食得好斯文!!哈哈~
我都好想bbq呀.....
ReplyDelete[版主回覆04/28/2010 10:00:00]開心幸福pooh 咁你就快啲約朋友去燒野食啦!! bbq啲食物特別好食架!!
actually the hello kitty cake seems quite easy to decorate. Maybe u try to make one.
ReplyDelete[版主回覆04/28/2010 10:20:00]小col: 邊有時間吖!!而家無咩熱誠心整蛋糕啦!! 買返屋企食, 就算啦!!
where is this cake place??
ReplyDelete[版主回覆04/28/2010 10:20:00]Laura 間Cake 店, 係Time square Unit 67, 550 hwy 7 East Richmond hill L4B 3Z4 Tel: 905-918-0080