嘩!! 返黎兩日, 感覺.......好凍呀!! 見到成-20℃依個數字, 加埋落緊雪, 一出門口, 真係好唔方便. 包到成身都係保暖物. 而返到屋企, 條黑色西褲好似去過泥場咁, 成條褲腳, 變咗又啡又白. 啡....係因為地面有沙or 泥 (防地面過滑). 而白.....係因為商店門外 or 馬路, 喜歡晒化學鹽, 作用係溶雪, 所以, 一到寒冷又落雪嘅天氣, 條褲腳就會咁 "鬧餃"
仲有, 一到多倫多即刻係行李某各落, 摷返對手套出黎先. 真係去咗溫哥華咁耐, 除滑雪帶咗滑雪手套外, 其他日子都唔洗帶手套架!! 大家都係加拿大領土, 但個冬天嘅感覺差咁遠.........
----------------------------------------------------------------
December 20-23, 2009
去Whistler (威士拿), 四日三夜, 每日都試特別食物, 又行下Whistler Village, 而且周圍都係聖誕燈, 又周處都有人. 感覺好熱鬧. 不過, 我個心情係去旅行嗎!! 望嘅野, 食嘅野, 都會特別好.
↓Whistler Village 好熱鬧, 每次食晚飯, 都會經一經依度. ......周圍見到冬季奧運嘅吉祥物
↓有日食了西餐........貪有得睇球賽..哈哈!
↓原來Whistler and 溫哥華好多日本人架!! 所以, 啲日本餐幾好味架!
↓由於冬至, 去了食韓燒慶祝.....(依幾年, 好多韓國人係Whistler 滑雪)
↓每日滑完雪, 都有西餅食
Vancouver真係好多日本人，我個時讀書成日比人認錯係日本人，都唔知點解
ReplyDelete[版主回覆01/13/2010 11:22:00]Mui: ~都唔太明點解溫哥華咁多日本聚居, 我係溫哥華啲雜誌見到啲廣告, 連啲地產經記都識講日文, 證明係溫哥華嘅日本人嘅市場都幾大. ~我間唔中無論係溫哥華or 多倫多都會比人誤會係日本人黎架!!哈哈!! 都唔知何解!! 可能啲外國人真係唔太識分啲亞洲人架!!
大雪都幾麻煩呀!~
ReplyDelete[版主回覆01/13/2010 11:22:00]小威威: 由於, 天氣嚴重寒冷, 一落埋雪, 就會比較麻煩
其實你哋去咗幾多日呀? 我都唔係好知添~就係4日3夜嗎?
ReplyDelete每餐都有甜品食架 ? 難怪d auntie都話你肥咗, 不過女仔真係要小心d, 一肥開真係幾難搞架, 不過最緊要係Brian鍾意既就無所謂啦, 係咪~~~哈哈~~
[版主回覆01/22/2010 12:27:00]細細粒: ~我由Dec 18 離開多倫多, 去了溫哥華, Dec 20-Dec 24 去Whistler (溫哥華雪山區居住+滑雪) Dec 25返溫哥華食聖誕節餐, Dec 26-29 去了Las Vegas 玩,.....Dec 31 參加除夕倒數晚會. Jan 3 夜晚飛返多倫多, Jan 4工作. ~都唔係因為依個trip 肥, 係比例上, 我係重咗, 大件咗, ....但我當然唔想咁樣落去喇!! 因為我好慳, 又怕煩, 唔想買過晒啲西褲 and 牛仔褲咋!! 哈哈!!! 不過, 最緊要係健康........有時多咗磅數都ok.......健康點都係大前提喇!!