依排真係好懶呀!! 返咗黎3日, 連行李都未執.....仲放係地下....有時有需要, 先去行李裡面摷返件衫黎着.....懶到出汁....哈哈!!
仲有呀!! 每天都係好寒冷, -10 ℃無咩必要真係連街都唔想出.....而家, 已經諗定weekend 都唔出街喇!! 除可被寒, 仲可以剩機休息下, 因為今次聖誕and 新年旅行, 實在太豐富了. 啲體力仲未回復...哈哈!!
-------------------------------------------------------------
December 25, 2009 (Friday) 好喇........快啲趕blog,.......輪到聖誕節了
聖誕正日係Brian 屋企過......仲有其他Brian啲Auntie 都有出席. 今年啲Auntie 見襯我都話我肥咗.....仲話咁先好睇. 一聽到"肥"字...真係有啲驚!!會唔會一路都係咁?!.....唔通要開始做運動??
而今餐聖誕節飯都整得幾趕下!! 啲材料都係之前一日先買齊, 聖誕餐, 離唔開火雞, Ham, 煙三文魚........之類. 我仲要係一個陌生廚房整糯米飯(火雞餡). 有時啲調味料, Brian's mom 都唔知係邊.....因為Brian's parents好少煮野食架!! 在咁情況下, 我同Brian+Brian's mom 手忙腳亂, 都整咗餐聖誕火雞(糯米飯做餡料), 而且, 味道都ok...好好架喇!哈哈!! 總刮黎講.....整餐聖誕餐, 大家忙住廚房周圍轉整大餐.....都幾好玩!!
↓Brian 屋企棵聖誕樹呀!! 最估唔到聖誕樹低都有我嘅聖誕禮物,.....聖誕節當然要一齊影下相喇!! 其實, 我哋剛滑完雪......就嗱嗱臨準備聖誕餐....啲滑雪"據"仲係大廳.
↓Brian's daddy準備餐臺餐具.....同飯後洗碗碟架!!
↓隻火雞係Brian整架!!個個都話juicy......好多肉汁架!! 而湯係Brian's daddy 架! 啲湯好飲..
↓又同火雞影下相............Brian and 佢daddy 一人一隻大火雞批....霸到火雞批嘅得威樣...哈哈!
↓飯後有無美味Tirumisu 蛋糕..又係好味!! 另外張相係我啲聖誕禮物.....(估唔到咁大堆頭)哈!
好warm既family gathering
ReplyDelete[版主回覆01/13/2010 11:24:00]Florachk 由於, Brian 屋企比較重視聖誕節架!! 所以, 聖誕節餐會比較注重啲!!
woo...隻雞脾好大隻呀!!
ReplyDelete[版主回覆01/13/2010 11:24:00]傻妹: 火雞係比較大隻啲, 所以, 隻雞脾相對都會大隻啲囉!
你未來老爺奶奶一定好滿意你整既糯米火雞 我都好怕係人地屋企煮野，平時自己整開既，知道邊d野擺邊度，煮起黎方便好多。
ReplyDelete[版主回覆01/13/2010 11:25:00]Mui: 其實, 我啲廚藝都係馬馬哋咋!! 我啲糯米飯都係臨時臨急整架咋!! 味道算係可以喇! 好味就唔敢講, 不過, 係一個陌生廚房整野食, 已經算係好好了!
VICKY 2010 快樂呀
ReplyDelete糯米火雞, 好掂呀, 哈哈
[版主回覆01/13/2010 11:25:00]通少: ~大家咁話Happy new year!!! 你真有心, 走黎同我講, 2010 快樂!! ~啲火雞肉就好juicy, 但啲糯米飯就馬馬喇! 但糯米同火雞襯埋, 都係攪下特別, 中西合壁!!
D餐具好正呀!~
ReplyDelete[版主回覆01/13/2010 11:25:00]小威威: ~我都覺呀!! 所以, 特別影低囉!!
好犀利喎~~佢屋企人咁注重禮節既, 整到個餐枱咁靚, 而且個個都咁叻, 整咗餐咁豐富而又好味既聖誕大餐呢~~~佢父母對你都好好呀~
ReplyDelete[版主回覆01/22/2010 12:23:00]細細粒 ~聖誕節係外國真係非常重視架!! ~係呀!! 佢父母係對我好好......什麼都幫我預備一份!!
所以你成日話我奶奶好, 你呢位未來奶奶都好好呀, 又係樣樣嘢都幫你哋預備好晒.......其實你哋都只係差張紙咋, 根本BRIAN媽咪都當正你係新抱仔啦~~~哈哈~~~
ReplyDelete[版主回覆01/28/2010 11:59:00]細細粒: 你真識講野!!