Las Vegas.....Day 3

January 9th 2009 (Saturday)   依日終於瞓到自然醒, 一起身便趕快梳洗, 因為要趕去食晏之餘(簡簡單單去食粥咋!!), 之後, 仲要趕去超市買打邊爐食物, 我同Brian, 都唔知點解, 成日都好似好趕, 啲時間好像唔come 洗, 好彩都趕得切,  在三妹and 三妹男朋友放工前, 攪掂打邊爐啲野咋!

   今日, 天文台嚴寒警佈生效, 因為外邊啲天氣, 有成-30℃ 幾度,  依啲咁危險嘅天氣, 真係留係屋企食打邊爐真係至好不過.  我們還一邊打邊爐, 一邊飲Sake, 同紅酒, 真係飲飽食醉......之後, 還一齊鋤大D, 玩到4am.......先肯收手...哈哈!

↓嚴寒天氣下(-30℃)打邊爐就至岩, 仲飲酒飲到面紅紅添!!哈哈!

------------------------------------------------------------December 28,2009 (Monday)   係時候, 記錄低去聖誕假期, 去過嘅地方了, 怕隔咗太耐之餘, 仲怕自己無記醒, 唔記得自己享受過啲咩! 我而家真係無咩記醒架! 少少野收埋咗, 到問返我, 又唔知收埋係邊......真係揾餐檬!! 哈哈....

   其實去Las Vegas 依幾日, 每天都行到腳都酸, 但每日起身之後, 食完早餐, 又再行過.

   依日, 行咗自己居住間酒店隔離個大商場(Fashion Show), 個商場真係好近我哋住間酒店, 真係過條馬路就到. 但個商場就大得好離譜, 又係講得出嘅名牌, 應有盡有, 又係左行行, 右行行, 不過, 我係依日就無咩收獲喇!! 反而Brian 就有啲收獲.......

   由於, 間大型商場好近自己居住間酒店, 行到差唔多, 可以返自己居住間酒店梳洗, 順便享受下酒店啲設施and 食鋪.

   而且, 我哋係依日嘅晚餐, 又book 咗間靚餐廳食, 所以, 過咗黃昏又返自己房, 裝扮自己迎接食好野!!

↓我每天都會影啲酒店啲地板花架!!因為我覺好靚, 而今日係酒店見到啲燈飾特別, 又影一餐.

↓可能近聖誕及新年, 酒店大堂啲燈飾都好靚架!! 而酒店隔離間商場Fashion Show, 就係咁嘅樣......成隻飛蝶咁

↓行商場行到差唔多, 返酒店, 玩下個弧型嘅伕手電梯.....

0

↓去咗酒店間露天食店食午餐(Pizza Place), 係對住個人造Falls 食野, 好有大自然感覺, 個Fall 有啲似啲古裝片係深山練功咁!!!......露天食店嘅環境..and 我哋嘅合照0

↓Brian and 他Daddy嘅合照, 還係度食埋甜品添!!! 好味

0

↓個人造Falls .....同鄰近間酒店0

↓當然同個Fall 影下相喇! 0

↓係酒店行陣, 再係酒店飲Afternoon tea.  由於, 依個下午茶地方係對住Lake of Dream (用燈光,水流, 音樂, 一啲圖象, 型做一啲特別視覺效果), 飲住Tea 睇, 至好不過喇! 0

↓排咗陣隊, 終於有得飲下午茶......環境真係好舒服. 雖然, 我當時去Las Vegas 只有7-8℃, 但頭訂類似燈處物體, 其實係heater 黎架!! 所以, 坐戶外都唔太凍0

↓Brian 身後係Lake of Dream 黎架!!

↓唔食太多野, 飲下紅酒, 飲下咖啡,...傾下計喇!

0

↓個Lake of Dream 開始變色了! 0

↓入夜後, 上房梳洗, 裝扮, 整齊去食晚餐.....裝扮完影張相先 0

↓去咗一間意大利餐廳食, 由於間餐廳比較高級, 而且, 同埋另一家人一齊食, 所以, 啲食物幾好食都無影相, 只是影合照. 間餐廳食物好有水準, 啲海鮮, 意粉, 真係好味到.......到現在都記住0

↓食完晚餐, 又係酒店影下相0

↓間意大利餐廳呼叫Bartolotta Ristorante di Mare

0

↓食完飯, 上酒店房, 睇下啲channel, 先知有無線電視睇0

*  依日係酒店, 由於要去一間靚餐廳食晚餐, 所以, 男士最好着件西裝褸去, 點知係行李度攞件西裝樓出黎時, 先發現件西裝樓啲衫扭好鬆, 係鬆到想甩, 我諗一定係比行李其他物件撞鬆了!! 件西裝衫扭咁鬆, 食食下晚餐, 或者行行下咪會甩扭囉??
   我摷成間酒店房都無針線.....我咪走去同啲酒店服務員講我啲情況囉!!  話都無咁快, 就有人拍我房門, 攞咗好多針線比我, 我話要剪刀, 我先剪到啲線架! 又嗱嗱臨比剪刀我.......仲好有禮貌問我啲針線夠唔夠用.  總之, 服務同態度, 仲有效率都好好喇!! 值得我用時間記錄低....哈哈!