坐Patio

July 10, 2009 (Friday)

   今年, 我們特別喜愛坐在patio 進食!! 因為, 今年夏天真係異常清涼!! 我依個有泰國人身子嘅我!! 真係無咩點着過短袖衫外出!! 哈哈!!

   一放工, 便走去Future shop (電器鋪)買野, 因為Brian 需要預備返鄉下(加拿大西岸)嘅物品,   沿途經開一間粥鋪, 話有Patio area, 就立刻入去食!!

  話時話, 我都係第一次, 係露天茶座食chinese 食物!! 但感覺好奇怪!! 而且, chinese 食物比較喜歡一大蝶share!!! 夾黎夾去,  但露天茶座啲臺中間又有支傘柄咗住晒!! 攪到夾野食有啲唔方便!!  下次, 如果再食, 自己叫自己個份就算喇!!

↓在露天茶座渣筷子食chinese 食物!! 還飲埋雪糕紅荳冰 and 凍奶茶....仲食咗班腩炒河, 牛俐酥炸兩, and 炸雞翼(近排我至愛食雞翼) 

↓又係....你一張相, 我一張相嘅時間!!

   食完dinner, 去咗行公園, 當做下運動喇!! 因為平時, 真係坐得太多喇!! 好彩, 今年夏天天氣比較清涼, 如果太熱, Brian 都可能唔願行, 要返屋企嘆冷氣!! 哈哈.....食完飯行下, 確實幾舒服, 起碼, 個肚唔會頂住!!

   係公園中央,有個噴水池, 啲細路, 真係走入去玩水架!! 仲玩到周身濕,  見細路啲家長, 又無所謂, 大人有大人傾計, 細路有細路玩!! 我都忍唔住行去池邊玩下, 啲水真係幾清涼架!! 而且, 啲燈光又成日唔同, 都幾得意!! 唔怪之得啲小朋友玩得咁Happy 喇!

↓噴水池

↓行呀行呀, 好舒服......成日想行, 相中果間超級市場, 但次次都無緣行, 因為次次去都close 咗!