Air clean

July 4, 2009 (Saturday)

    有時難得, 到weekend, 真係想係屋企休息下!! 但無辦法, 好多野都需要weekend 才能做到, 點都需要出外!!

   七月了!! 係Brian 生日月份!! 又係汽車續牌的日子!! 今次, 續汽車牌. TT仔仔,係需要做air clean 測試才能續汽車牌照! Air clean 就是去政府指定車行測試汽車費氣!! 如果費氣不多於政府定下來的水平!! 架汽車就可以續汽車牌!!  其實, TT 都好新, 但政府需要我哋做依個程序, 便去做吧!! 

   我本叫Brian 一早同TT去車行做費氣測試, 但Brian 點都話食咗早餐先!! 好了! 吃完早餐, 間間指定車行都排晒隊, 而且, 依啲費氣測試無得book 指定時間!! 所以, 間間車行都叫我哋放架車係車行五小時以上, 有時間, 就會幫我哋架車測費氣!! 嘩! 我放低架車無問題, 但我五個鐘坐係度點過呀!! (*在加拿大無車好唔方便嗎! 雖然, 我居住downtown, 交通好方便, 但"他"係weekend 唔願坐公共交通工具架!!)  所以, 我同Brian 係屋企附近啲指定車行左問右問, 終於,比我哋揾到一間指定車行, 只需要45 mins 就攪掂汽車費氣測試!! 真係安樂晒!! 在這45 mins 裡面, 我們為打發時間, 去了車行鄰近間文具鋪, 我還買了一點文具添!! 算是意外收獲!!

↓在文具附近, 發覺啲景色幾好, 就影下相, 其實想打發時間!

  晨早起身就出街, 只想完成一樣事情!! 就做到黃昏時段才做好!! 加拿大啲道路, 認真漫長!! 我們連超市購物還未做!! 真係感覺時間唔"噤"洗!! 到最後, 攪掂晒, 便去了coffee shop 抖下! 看看報紙, 雜誌, 算是星期六最relax 的事!!!

↓好多咖啡店都"痴"住書店開, 兒童書店幅牆幾靚, 便影下!!

  到晚上, 我哋都唔想出街食得太花巧了!! 簡簡單單去了食碗雲吞魚肉河做晚餐!! 食完晚餐, 經過don mills mall, 還見到啲店鋪還未關門, 便入去行下!! 雖然, 沒有什麼特別東西想買!! 但係個身行下, 當做飯後運動都好!! 行行下, 見到商場中心個草地, 有個大電視!! ................我才醒起, 今日係July 4, 因為, 我早倫睇雜誌, 見到雜誌也曾有提及過, 依個商場會有戶外免費movie 睇, 雖然, 啲movie品種, 唔算話好好睇, 只是一齣笑片, 但適合一家大細觀看!! 所以, 我見到好多一家大細抱着凳子, or 沙灘蓆, 準備擺定好位, 看movie!!

  我還是第一次, 同Brian 這樣看movie!! 其實, 我哋個心, 都唔係為看movie, 只是大家一齊感受戶外movie 啲氣氛!!  我們看了半個鐘便回家了!! 一來, 我哋沒有太大興趣看movie, 二來, 大家今天都很攰了!! 所以, 感受了一陣戶外movie 啲氣氛,便回家了!!

↓戶外movie, 有啲人擔定凳黎睇, 有啲人擔張沙灘蓆坐係草地睇, 有啲就坐係露天茶座啲凳啲電影!場內還有免費popcorn派, 但我懶排隊無攞到!

 

*其實, 由現在開始, 每個星期三 9pm 直至Aug 12, 係Harbourfront centre (235 Queens Quay West) 都有免費戶外movie架!! 攞張凳子, 就有movie 睇架喇!