由朝玩到晚...預祝他...生日

July 11, 2009(Saturday)

    一朝起身, 食咗個麥當當早餐先......因為知道, 今日需要去好多地方, 走黎走去, 食定早餐打抵.....如果唔係無力量, 由朝玩到晚, 哈哈!!

    聽日就係Brian 生日, 前果幾年, 我都有做生日蛋糕比佢食!! 但今年比較多野做, 無時間開爐!! 而且, Brian 都唔係好食蛋糕架!! 年年我做完生日蛋糕比佢, 都係食一件就算, 其餘啲蛋糕, 就係我自己一個人食!!  但覺生日有蛋糕才似樣, 所以, 食完早餐就同Brian 去買蛋糕........

    唔知係咪weekend, 買蛋糕都需要排隊, 等咗好耐, 先有人serve, 真嚇得我吖!! 賣蛋糕都咁好生意!! ..........其實,我揀蛋糕.....都係以我口味黎揀!! 因為, 都係自己食多!!

↓生日蛋糕.......買蛋糕時, 見到有Macaron 賣, 就順手買兩件食!!

    之後, 就去咗商場購物,........因為Brian 就黎返西岸探親, 我哋所買嘅物品, 都係幫人買嘅!! 到時, Brian 大把野攞返去......

    去完商場再去超市.... 可能, 我未來兩星期都會自己一個人, 所以, Brian 買定好多糧食,日用品比我!! 講真, Brian 好誇張, 佢買啲食物, and 日用品, 夠我用成兩個月都得! 已經叫佢唔好買太多!  但次次都係咁!!  屋企個雜物櫃 and 雪櫃都滿晒!!

    左買右買.....已經係黃昏時間, 約咗三妹 and 三妹男朋友, 但要等埋五妹份part-time 放工先去食飯, 幸好, 大家都唔肚餓, 所以, 我哋等五妹途中, 去咗Wal-mart and starbucks 打發時間, 其實去攪亂!! 因為同襯三妹 and 三妹男朋友玩, 大家都會自然癲癲哋!!

    太陽就落山 (9:30pm)先等到五妹放工.....大家便去玩打邊爐黎預祝Brian 生日, 依日太陽一落山, 啲風好大, 涼咗好多!! 打邊爐更加適合!! 所以, 好多人講, 今年夏天一啲都唔似夏天..! 

    而依間火窩店, 名為 「100度」, 係三妹男朋友介紹架!! 我同Brian 都係第一次去食, 啲打邊爐肉真係好鮮!! 又多醬料, 服務幾好.........Brian 未食完, 都話下次打邊爐都要再去!!
 
↓打邊爐........三妹, 三妹男朋友, 五妹 and 四妹男朋友都有去!!

      食完邊爐餐, 大家走咗去行唐人舉辦嘅夜市行, 個夜市有如香港維園啲農曆新年啲花市咁!! 有好多小食, and 啲什貨賣!! 我哋都無幫襯任何野, 只係去襯下熱鬧, 至在同人迫下咋!  由於, 比較人多, 所以, 我都無打開手袋攞相機影相....

     但我哋仲未癲完, 再落返downtown 嘅Yorkville 食甜品, 傾下計!   依間餐廳, 以前比火燒咗, 但燒完之後, 再裝修重開, 生意仲好過以前添!! 真係火燒旺地!! 我都係裝修後, 第一次去返依間餐廳! 啲座位舒服咗好多!! 所以, 我哋食甜品都食咗好耐..........嘻哈到2am 先埋單走. 真盡興!

    其實, 啲妹都知Brian 生日, 係星期六一放工, 完全無休息, 就嗱嗱臨約Brian 去玩, 仲要玩到深夜!! 仲買埋生日禮物.....多謝三妹, 四妹, and 五妹安排咁多節目!!

↓食甜品地方     

↓今年Brian 的生日禮物

↓依張皮凳係我啲妹送比Brian 架!! 凳裡頭可以用黎放雜誌架! 岩晒Brian.......現在, 我哋個sitting area 就變成咁, 好歸一