December 8 (Monday)
啱啱過去個weekend, 返咗媽咪度!!! 我由香港返咗黎加拿大, 都係第一次見媽咪, 一見到媽咪, 緊係講好多香港嘅所見所聞比媽咪知喇!! 當然, 比咗媽咪 request 我係香港買啲野...之後, 就show 啲親戚相 and 婆婆啲相比媽咪睇喇!!! 而且, 仲逐一講講!! ....講講下, 又一日..哈哈!!
今次返媽咪度, 天氣非常凍, 仲落大雪添!! 聽天文台講, 有成-20c (加埋風凍效應), 好凍, 好凍呀!! 聽到依啲天氣, 最好就係打邊爐!! 暖淋淋!! 又唔係好洗煮...最方便!! 可能,我屋企又人多, 一打邊爐就打成幾個鐘頭, 但好好玩!!! 仲食得好飽!!
↓打邊爐, 好好味!! 今次, 同啲妹無夾定, 全部人到齊返屋企打邊爐....平時, 我Daddy 最希望全家到齊返屋企食飯, 就緊係屋企有一個成員.可能要開Ot, or 有啲事, 返唔到屋企食飯, 我Daddy 見唔齊人食, 就唔開心!! 反而, 我媽咪最無所謂, 但就好多次啲妹, 都會到齊返屋企食...哈!
其實, 依個星期返屋企, 因為可以順道同五妹and 媽咪慶祝生日! 五妹份禮物一早買咗!! 但講到媽咪......我就唔多乖女.....因為, 我都係臨返媽咪屋企前, 我先知媽咪生日, 因為, 媽咪只用農歷生日, 所以, 年年唔同!! 我自己又唔多睇農歷日子, 真係年年都係Daddy 提先知....哈哈!! 所以, 今年媽咪生日, 我只請媽咪食飯 and 封紅利是比媽咪....哈哈! 仲特別陪媽咪耐啲, 先返自己屋企囉!!
↓返屋企, 同媽咪 and 啲妹影返張相, 又可以叫啲妹幫我同Brian 影合照! ........而個AX 個袋,係五妹生日禮物黎架
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次返媽咪度, Brian and TT 仔仔都有陪伴我隨行 (感謝Brian 陪我返媽咪度)! 但TT仔仔就成晚瞓街, 比啲雪整到變咗白色車, 我同Brian 用咗好多時間, TT 仔仔啲雪 and 冰先溶解到! 我哋先至可以渣車返歸!! 真係辛苦晒TT仔仔 and Brian!!
↓返到媽咪度, 一開車門, 地下已經成地雪....架車隔無陣就有層雪......,但我同啲妹就係屋企門口個driveway 玩咗陣雪...哈哈!!! 到第二朝, 要開車走, 啲雪and 冰封住架車, 要用鏟黎鏟雪 and 冰, 真係好多功夫 and 時間, 架車啲玻璃先清澈返
Happy Be-lated birthday to your mom and sis. I think many ppl had hot pot on sun night.
ReplyDelete[版主回覆12/13/2008 06:17:00]小col: ~多謝你同我媽咪and 五妹講生日快樂呀!!! ~依排凍嗎!! 最好就係打邊爐,哈哈!!
我冇第一 聽日見
ReplyDelete[版主回覆12/13/2008 06:19:00]Kitty: ~你慢一步喇!! 無第一!! 我已經提水架喇!!哈哈!! ~我哋食咗個christmas lunch喇!! yeah!! thanks for your christmas gift! Brian 都多謝你呀!!
嘩....-20度凍死人呀!!!
ReplyDelete[版主回覆12/13/2008 06:21:00]V&M: 係呀!! 依排好凍呀!! 出街真係包剩隻眼, 都覺凍!!! 好凍!!!
我地呢邊都係好凍呀~
ReplyDelete[版主回覆12/13/2008 06:23:00]睛天娃娃: 凍就好辛苦,人都眼瞓啲!!! 哈哈!! 你個邊都凍喇! 你自己都take care!
did u guys have a nice lunch?
ReplyDeleteu make me feel like doing da bin lo too, may do that tmr nite!
[版主回覆12/12/2008 04:54:00]bobo de Licious: ~覆咗你先!! ~我同Kitty 食完lunch...好開心!! 但食得好趕,...哈哈!! ~而家咁凍...打邊爐就最岩喇!!!聽日星期五...最開心, 就放咗工就去買打邊爐啲野喇!!!
咁凍，最好就係一家人一齊打邊爐。
ReplyDelete[版主回覆12/13/2008 06:25:00]Mui: 係呀!! 你講得無錯, 成家人一齊打邊爐就最有氣氛, 真係好暖淋淋!! 我打打下覺熱添!!哈哈!!
Having hotpot during winter time is the best
ReplyDelete[版主回覆12/13/2008 06:27:00]Little Greenworm: 係呀!! 我哋依邊啲冬天真係好凍...真係打邊爐,最適合!! 你有無同啲小朋友一齊打邊爐呀!!哈哈!!
我媽咪都就嚟生日lu....我又唔知送咩好, 諗住畀封利是媽咪, 等佢自己想買乜就買乜更加好...... 我屋企人都唔算好齊心, 有時要左問右問先齊人架....有時都希望大家有多d意見, 咁唔駛自己諗咁多....哈哈~~~ 係咪香港暖好多呢....返到去又係凍冰冰, 架車咁快就積咗層雪, 我最怕凍架啦, 成日落雪既地方都唔係咁啱我呢....嘻嘻
ReplyDelete[版主回覆12/19/2008 03:14:00]細細粒: ~原來, 你媽咪係同我媽咪同月生日!!!講真, 我年年都唔知媽咪幾時生日架!! 因為我媽咪係用農歷計算!! 我自己又唔睇開農歷史日子! 所以, 我年年都要daddy 提醒先記得!!! 因此, 我今年都係封利事and 請媽咪出街飲茶囉!! ~香港人, 時間好壓迫, 有時又要weekend 都開工, 而且, 你啲家姐and 阿哥,自己又有頭家...所以, 時間比較難就到....因此, 唔可以次次食飯都齊人!!! 我明白架!! ~加拿大真係好凍好凍!!! 凍到唔想出街,,,,架車迫出街, 個晚又落大風雪...真係要清理好似先清理到啲雪!!! 我真喜歡香港冬天多啲!!!
上個星期 打左三日邊爐呀.. 哈哈 一家人圍住一齊打好開心~~
ReplyDelete[版主回覆12/19/2008 03:15:00]畫: 0下! 一星期打三次邊爐......真係要食返啲涼野補下! 哈哈!!! 不過. 打邊爐真係好開心!!
Vicky: ~我媽咪都係用舊歷架，都係年年唔同，我都係記住大概個月份囉，反而我同我老豆就只差一日，易記好多。而我d細佬妹都好易記，佢兩個又係只差一日咋，哈哈，真係記少好多日子！ ~你媽咪睇番HK d相應該好開心啦，係呢?點解你媽咪唔返下HK探下婆婆呀?係咪因為要睇住你d妹呢? ~你加國成日都係咁凍架啦，你自己要保重呀！我呢邊就時冷時熱，好難適應呀！其實，我呢邊依家落雨多，俾我揀，我寧願落雪好過落雨啦！ BTW,我考左車既筆試啦，希望快d去學車就好啦！
ReplyDelete[版主回覆01/09/2009 11:32:00]陶陶夫人: ~你屋企人啲生日日子又幾容易記, 都係全部差一兩天,真係唔記得都唔到喇!! 哈哈!!而我都相信你媽咪一輩都係同一個年代,她們的年代比較喜歡用舊歷計算生日和日子!! 但到我哋依代就用新歷....所以,有時就要特別啲留意先可以知道媽咪啲生日日子!!! 而我媽咪可能會係summer 會返香港....所以, 我今次11月返香港..媽咪無隨行囉!!!
~加拿大依家仲好凍,都係-15 c (計埋windchill), 有時仲落雪...真係一啲都唔好住...哈哈!!! 我知美國依排都落雨多...我哋大家都多多保重要!!! keep 好身體!!
~恭喜你呀!! 你考筆試...我相信你而家都考完!!! 希望你快啲考埋車牌,可以去邊度都方便啲!!!